download HolidaySmart 假期日常 app
西環街頭上演「鉸剪腳之爭」,2女搶1男情節真實呈現!涉事女士身份疑似曝光?網民大爆爭執始末

西環街頭上演「鉸剪腳之爭」,2女搶1男情節真實呈現!涉事女士身份疑似曝光?網民大爆爭執始末

時事熱話 生活熱話
By Stephanie on 20 Sep 2022
Digital Content Writer

現今生活壓力大,大家都好容易因為小事而導致爭執一觸即發。近日,網絡瘋傳2名女士西環街頭攬埋一齊嘅片段,再仔細睇會發現原來一名女士以「鉸剪腳」夾住另一位女士,令在旁嘅途人忍唔住出手阻擋二人!有指矛盾爆發全因「兩女搶一男」,有網民仲疑似喺討論區大爆其中一名女士係附近商店嘅老闆娘?!

近日網上瘋傳2名女子喺西環街頭上演MMA嘅片段,引起熱議!Photo from FB群組

西環街頭發生爭執!

日前,網絡突然瘋傳一段「兩女街頭MMA」片段,而地點就喺西環嘅街道。片場大約1分多鐘,在場氣氛緊張,由於二人一開始攬埋一齊瞓晒喺地下,而且位置越來越近馬路,所以熱心嘅途人都立刻先將二人「帶」返上行人路。

本身2名女士喺馬路邊瞓地下互夾,由途人帶返上行人路!Photo from FB群組

2名女士互相施展「鉸剪腳」,途人爭相阻止!

從片段中所見,身穿黑色Tee加深藍色瑜伽褲嘅女士利用「鉸剪腳」夾實住黃色衫嘅女士,完全唔肯放手!其後,4位好心嘅途人上前分開二人,多番嘗試都未能成功;其中一名幫手嘅外籍男士手持住外賣紙袋,未知係咪送外賣途中出手相助呢?!

有網民發現男士(灰藍色衫)本身應該送緊外賣,但最後都放低外賣幫手解開二人!Photo from FB群組

女子激動大喊「被搶老公」!

喺途人一邊嘗試隔開二人時,黃衫女士情緒激動大喊「警察嚟未啊?」,期間瑜伽褲女仔都繼續夾實佢!隨後,黃衫女士又話「This women not nice to me.(這位女士對我不好)」、「She stole my husband.(她搶了我的丈夫)Stole his loyalty to me(令丈夫對我不忠)」而外籍男士亦細心安慰「I know how you feel.(我明白你的感受)」

黃衫女士非常激動大喊,指另一名女子搶佢老公?!Photo from FB群組

灰衫外籍男士細心安慰女士「I know your feeling !」Photo from FB群組

即睇更多人氣文章:

猜測事件與丈夫偷食有關?!

就咁睇網民都推測黃衫女士應該係正印妻子,但卻意外發現丈夫偷食,而片中嘅另一位女士就好大可能係第三者?!之後,另一名女途人都加入「勸交」嘅行列,並向女士強調唔可以整傷其他人!

女途人好心地幫手勸喻,嘗試令女士們情緒穩定下來Photo from FB群組

身穿粉色衫嘅女士主動加入幫手解開「腳結」Photo from FB群組

網民大爆涉事女士疑似係餐廳老闆娘?

呢段片段隨即引起熱議!有居住喺西環嘅網民大爆,片中嘅其中一位涉事女子疑似係附近一間食肆嘅老闆娘?!根據新聞報道,事後呢2名分別42歲及57歲女子雙雙被捕,獲准保釋候查。

有居住西環嘅居民大爆涉事女士疑似係某食店嘅老闆娘?!Photo from 連登討論區

最後2名女士都被警方拘捕Photo from 《LIVE》劇照

網民指係第三者撩起正印?!

唔少網民對此感到驚訝「咩年代 竟然仲有女為爭仔打交」、「但點解係第三者夾住個老婆嘅?!」;有疑似喺現場嘅網民解答,指當時係「第三者」先攔住正印嘅妻子架車,並展開「互夾」行動,先會導致今次事件發生?!

有疑似喺現場目擊事件嘅網民表示係第三者先撩正印?!Photo from 連登討論區

唔少網民都以為女士們面對面搶男人,只係拍戲先會出現嘅情節。Photo from 《夫妻的世界》劇照

網民同情黃衫女遭遇

部份網民非常同情黃衫女子嘅遭遇,鼓勵佢「俾人帽要同佢講多謝」、「搶得走嘅都唔係好嘢」等留言,大家似乎都好認同「一次不忠,百次不用」嘅道理呢~

有網民同情妻子被帽嘅經歷!Photo from 連登討論區

唔少網民都鼓勵妻子重新振作!Photo from 失戀33天 劇照

不禁聯想起多年前經典「鉸剪腳」事件!

今次「鉸剪腳」事件亦令好多網民聯想起多年前嘅一宗新聞!根據當時嘅報導,一名男途人突然無緣無故地施展「鉸剪腳」,瞓喺地下夾住一名女士嘅腰部,令對方動彈不得。直到警方到達現場後,男子都未有鬆開雙腿,事件至今依然都係熱話!

好多網民都立刻聯想返多年前嘅男子「鉸剪腳」女途人嘅事件!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

台中著名景點彩虹眷村遭破壞,完整還原事件始末!今年初當事人同「彩虹爺爺」曾經有爭吵?

2 Aug , 2022

台中著名旅遊景點「彩虹眷村」近日驚傳被破壞,當中多面牆身被油漆覆蓋,令唔少網民知道後都非常憤怒。而98歲嘅「彩虹爺爺」黃永阜得知後感到痛心,怒斥彩虹文創執行長魏丕仁嘅行為,亦令成件事嘅起末曝光於大眾面前!

台中著名熱點彩虹眷村一向都非常出名,仲係唔少綜藝節目必去嘅拍攝地方,但近日卻驚傳被破壞?Photo from 《綜藝玩很大》

台灣旅遊熱點「彩虹眷村」被破壞

根據台灣媒體報導,由於「彩虹眷村」已經有50年屋齡,牆身都開始出現龜裂問題,所以台中市政府計畫喺8月開始為彩虹眷村進行加固修葺,並要求「彩虹文創」於7月底前遷出。然而喺修復工程開始前,卻被發現至少6面牆身被人用紅色、藍色等油漆覆蓋,令本身獨特嘅畫作全部消失!

彩虹眷村早前被發現遭破壞,當中至少6面牆身被油漆覆蓋!Photo from 台視新聞

「彩虹文創」負責人發起塗漆行動?!

經過深入調查後,發現破壞者居然係「彩虹文創」嘅負責人魏丕仁!佢喺30號當日帶同兒子及14名員工一齊到達現場,將「彩虹爺爺」嘅畫作一一覆蓋。據悉佢哋係不滿市政府要求佢哋遷出,唔顧及佢哋嘅生計問題,所以就用塗漆嘅方式表達不滿,並且堅稱「塗鴉的都不是爺爺畫的!」

翻查閉路電視後,竟然發現破壞嘅人係「彩虹文創」負責人魏丞仁嘅所作所為!Photo from 台視新聞

「彩虹文創」執行人魏丕仁接受訪問表達對台中市政府嘅不滿!Photo from TVBS新聞

揚言只係想藉此表達不滿

負責人魏丕仁表示「彩虹文創」自2013年進駐彩虹眷村,期間有份支付高達400萬台幣(約港幣100萬)嘅維修費用,仲揚言「彩虹爺爺」一早就已經將畫作著作權交咗俾佢。而佢解釋喺7月24日先得知要封村嘅消息,表示非常錯愕,嘗試與文化局溝通,最終只能下作出「塗鴉」嘅行動以喚起大眾關注「是非對錯交給大眾自己去評斷。」

而佢亦喺FB上載幾頁嘅解釋文章,認為自己並冇做錯Photo from 彩虹眷村FB

而佢仲話彩虹爺爺已經將畫作著作權俾咗佢,似乎想暗示佢可以對畫作作出任何改動?!Photo from 彩虹眷村FB

98歲彩虹爺爺超傷心!

而最傷心嘅莫過於一手一腳親自畫畫嘅98歲嘅「彩虹爺爺」黃永阜,佢受訪時難過表示一輩子嘅心血一夜盡毀,直斥魏丕仁父子嘅行為惡劣!而網民都對於「彩虹文創」如此行動感到憤怒,認為想表達不滿都唔應該影響到爺爺原創嘅畫作「文創公司一點也不文化」、「得不到就要毀掉它?!」等。

98歲「彩虹爺爺」得知後感到傷心又憤怒!Photo from TVBS新聞

大部分網民都批評「彩虹文創」嘅做法!Photo from 彩虹眷村FB

過往「彩虹爺爺」夫婦與「彩虹文創」有紛爭?

其實近年彩虹眷村屢受爭議,「彩虹文創」嘅魏丕仁與「彩虹爺爺」黃永阜夫婦曾經發生爭執。今年初,彩虹爺爺嘅妻子廖漢秀批評對方本身承諾每個月都會俾15%利潤以及3萬台幣作為生活費,但一直以來都指沒有獲得利潤,而且只係俾2萬台幣佢哋,與當初嘅承諾有落差!

早於今年1月,彩虹爺爺嘅妻子就同「彩虹文創」嘅魏丕仁有爭吵Photo from TVBS新聞台

「彩虹眷村」靠爺爺畫作救返!

位於台中市南屯區春安里嘅「彩虹眷村」喺2008年嘅時候面臨拆卸危機,當時居住喺該村嘅黃永阜喺等待拆卸期間用畫筆喺牆上畫畫。色彩繽紛嘅畫作成功吸引到訪市民嘅目光,喺2010年嶺東及弘光科技大學嘅師生發起「搶救彩虹村」活動,引起網民熱議!雖然彩虹村未能成為文化資產,但就被命名為「彩虹藝術公園」,成功得以保留。

2008年,彩虹村面臨拆卸危機,當時係居民嘅彩虹爺爺就繪畫自己屋企嘅牆身當作消閒Photo from 彩虹眷村FB

直到2010年,有大學師生發起「拯救彩虹村」嘅活動,令村莊得以繼續保存下去!Photo from 彩虹眷村FB

用心保養+守護彩虹村!

而「彩虹爺爺」夫婦繼續居住喺村內,而熱愛畫畫嘅爺爺經常都會檢查周圍嘅畫作,一發現有褪色嘅問題就會立刻補色,有時候仲會為村內添加新畫作。唔少遊客到訪時都會見到佢嘅身影。而彩虹爺爺仲被譽為「台灣宮崎駿」,而彩虹眷村亦因此成為旅遊熱點,入選最值得參觀嘅「世界秘密奇蹟」景點!

「彩虹爺爺」黃永阜堅持會每日檢查畫作,為作品補色Photo from 彩虹眷村FB

而彩虹眷村亦成功成為台中嘅地標之一Photo from 彩虹眷村FB

原來「彩虹爺爺」黃永阜係香港人!

原來「彩虹爺爺」黃永阜係土生土長嘅香港人,從小習武嘅佢喺18歲嘅時候加入抗日戰爭,其後撤退至台中居住。本身打算年老後入住安老院嘅佢用積蓄買下房屋,亦即係現時喺彩虹眷村內嘅房屋!

「彩虹爺爺」黃永阜係土生土長嘅香港人?!Photo from 搶救遷臺歷史記憶庫 @YouTube

後來就去咗台灣居住Photo from 搶救遷臺歷史記憶庫 @YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel