網紅Kenny爆做YouTuber月薪!網友:咁好搵唔怪得咁多人想做KOL

網紅Kenny爆做YouTuber月薪!網友:咁好搵唔怪得咁多人想做KOL

時事熱話
By Jennifer on 21 Sep 2022
Digital Editor

Kenny(陳嘉偉)憑無厘頭爆紅,佢同呀媽兩人日常鬥嘴都有唔少人追睇。喺短短時間內走紅嘅Kenny日前於YouTube開直播時就透露自己拍片收入嘅具體數字,引起熱議,有網民更直言:「唔怪得咁多人想做KOL」

Kenny(陳嘉偉)憑無厘頭爆紅,佢同呀媽兩人日常鬥嘴都有唔少人追睇Photo from Kenny IG

YouTuber Kenny爆紅

1999年出生嘅Kenny喺多個討論區話題度極高,現時YouTube Channel嘅訂閱數已經超過51k,比另一個Kenny(關智斌)49.5k訂閱人數更多!Kenny走紅後收穫唔少fans,又開始接廣告,名利雙收!

Kenny喺多個討論區話題度極高,現時YouTube Channel嘅訂閱數已經超過51kPhoto from Kenny YouTube

Kenny(關智斌)49.5k訂閱人數Photo from 關智斌YouTube

Kenny走紅離唔開佢同媽媽嘅互動,Kenny平時經常會同母親互窒,加上Kenny從不掩蓋佢家境一般嘅事實。同其他YouTuber唔同,Kenny唔會特登佈置好拍片陳設,略顯陝窄同凌亂嘅屋企經常成為佢YouTube片嘅背景,貼地嘅影片風格亦係Kenny嘅特色。

同其他YouTuber唔同,Kenny唔會特登佈置好拍片陳設Photo from Kenny YouTube

全家靠Kenny養活?!

喺閒談家常嘅片段中Kenny更透露佢哋母子有負債,而且母親似乎並無工作,租金亦係由Kenny交,成家收入都係Kenny負責,一人養活自己同媽媽,Kenny應該壓力唔細。

閒談家常嘅片段中Kenny更透露佢哋母子有負債,而且母親似乎並無工作,租金亦係由Kenny交,成家收入都係Kenny負責Photo from Kenny IG

直播Kenny爆YouTube收入

日前Kenny喺YouTube開直播,時長達兩個鐘,期間佢同媽媽喺廚房、客廳對話,更一邊食飯、一邊鬥嘴。呢次直播係慶祝佢YouTube突破5萬訂閱,有網友喺直播中問佢收入,Kenny亦大方回應。

Kenny喺YouTube開直播,時長達兩個鐘,期間佢同媽媽一邊食飯、一邊鬥嘴Photo from Kenny YouTube

Kenny表示佢YouTube一個月可以有$2萬元收入,由於Kenny另有正職,所以佢每月嘅月薪有近$4萬元!Kenny自爆收入掀起熱議,唔少人認為呢個數字比好多香港人都高。其中需要有學位嘅中學教師起薪點亦係$3.3萬左右。

Kenny表示佢YouTube一個月可以有$2萬元收入,由於Kenny另有正職,所以佢每月嘅月薪有近$4萬元!Photo from Kenny IG

唔少人認為呢個數字比好多香港人都高。其中需要有學位嘅中學教師起薪點亦係$3.3萬左右。Photo from LIHKG

網友:唔怪得咁多人想做KOL

唔少網友表示:「佢直播勁多人課金俾佢」、「日日有人請佢食飯都癲啦」、「唔怪得咁多人想做youtube」,但亦有人認為Kenny拍片好真心同貼地,大讚:「抵佢賺咁多!」Kenny嘅IG有唔少推廣post,日前佢亦表示有意入手iPhone 14pro max 256gb紫色。

Kenny最近有唔少廣告Photo from Kenny IG

唔少網友表示羨慕Photo from LIHKG

有網友感不忿Photo from LIHKG

亦有人認為Kenny拍片好真心同貼地,大讚:「抵佢賺咁多!Photo from LIHKG

翻睇Kenny過往一個月連同直播,YouTube共出咗超過60條片,產量超高!難怪可以搵到$2萬元,有網民關心Kenny同媽媽住緊公屋會否被收回,不過有人回覆指伯母無業,Kenny一人搵4萬根本唔會過公屋嘅入息上限。

翻睇Kenny過往一個月連同直播,YouTube共出咗超過60條片,產量超高!Photo from Kenny YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

北韓11歲YouTuber晒超流利英文!介紹平壤水上樂園,讚朝鮮生活好

26 Jul 2022

北韓嘅生活一向神秘,有唔少人都對呢個國家感到好奇,近日北韓一名11歲女童松雅(송아)就喺YouTube拍片分享北韓生活,佢介紹咗位於平壤嘅水上樂園,又同朋友仔食刨冰,有指佢其實身份尊貴、家族背景極為顯赫!

近日北韓一名11歲女童松雅(송아)就喺YouTube拍片分享北韓生活Photo from 송아 SongA Vlog

廣告
廣告

北韓11歲YouTuber松雅

平時大家對北韓嘅印象可能都係十分封閉,但近日喺YouTube有一位居住喺北韓嘅朝鮮人就拍片分享佢嘅日常Vlog,而且呢位北韓YouTuber更年僅11歲!佢開設嘅YouTube Channel名為「Sary Voline [송아 SongA Vlog]」,第一個vlog於4月26號公開,成個channel至今只有5條片,而且每一條影片時長亦只有幾分鐘。

近日喺YouTube有一位居住喺北韓嘅朝鮮人就拍片分享佢嘅日常Vlog,而且呢位北韓YouTuber更年僅11歲!Photo from 송아 SongA Vlog

YouTube Channel名為「Sary Voline [송아 SongA Vlog]」,成個channel至今只有5條片,頻道至今訂閱者超過8千Photo from 송아 SongA Vlog喺第一條片入邊,松雅就以流利嘅英文自我介紹,佢表示自己住喺平壤,今年11歲,讀緊小學5年級。佢喺片段中嘅背景疑似係佢屋企,可見松雅嘅房間採光好好,擺設同其他國家嘅普通女生差唔多。

喺第一條片入邊,松雅就以流利嘅英文自我介紹,佢表示自己住喺平壤,今年11歲,讀緊小學5年級。Photo from 송아 SongA Vlog

松雅分享隔離經歷、平壤兒童醫院、食刨冰日常

松雅表示佢英文咁好全因為佢媽媽嘅教育,又指自己最愛嘅書係《哈利波特》。松雅喺第二個vlog分享佢隔離經歷,又透露佢同媽媽感染新冠肺炎有軍醫上門送藥。至於第三個vlog松雅就去到兒童醫院拍攝,佢表示自己都喺呢間醫院出世,喺醫院走廊牆上有灰姑娘等貼紙,片段中松雅嘅媽媽亦有出鏡。

松雅指自己最愛嘅書係《哈利波特》。Photo from 송아 SongA Vlog

松雅喺第二個vlog分享佢隔離經歷Photo from 송아 SongA Vlog

松雅透露佢同媽媽感染新冠肺炎有軍醫上門送藥Photo from 송아 SongA Vlog

第三個vlog松雅就去到兒童醫院拍攝,佢表示自己都喺呢間醫院出世Photo from 송아 SongA Vlog

醫院走廊牆上有灰姑娘等貼紙Photo from 송아 SongA Vlog

片段中松雅嘅媽媽亦有出鏡Photo from 송아 SongA Vlog

第四個vlog松雅向網民介紹佢嘅好朋友松龍(송룡),松龍嘅英語同樣十分流利!佢哋表示天氣太熱決定一齊去刨冰店食刨冰。松雅指刨冰店就喺學校附近,片段中刨冰店有唔少市民、學生幫襯。松雅又指佢外祖母都曾經喺屋企整刨冰畀佢食。

第四個vlog松雅向網民介紹佢嘅好朋友松龍(송룡)Photo from 송아 SongA Vlog

佢哋表示天氣太熱決定一齊去刨冰店食刨冰Photo from 송아 SongA Vlog

松雅又指佢外祖母都曾經喺屋企整刨冰畀佢食。Photo from 송아 SongA Vlog

介紹平壤大型水上樂園

最新一個vlog松雅同好友松龍一齊去平壤嘅大型水上樂園「紋繡水上樂園(Munsu Water Park)」,水上樂園大型商店有各種游泳用品,室內嘅游泳池設施齊全,有多個水上滑梯,又有兒童游泳池、按摩池、人造浪等,片中可見呢個水上樂園人頭湧湧,十分受北韓民眾歡迎。

最新一個vlog松雅同好友松龍一齊去平壤嘅大型水上樂園「紋繡水上樂園(Munsu Water Park)」Photo from 송아 SongA Vlog

水上樂園大型商店有各種游泳用品Photo from 송아 SongA Vlog

室內嘅游泳池設施齊全Photo from 송아 SongA Vlog

兒童游泳池Photo from 송아 SongA Vlog

人造浪Photo from 송아 SongA Vlog

松雅家族背景顯赫

松雅喺第一條片就大讚平壤係一個美麗又高尚嘅城市,而松雅能夠講流利外語,加上高質素嘅生活,有外國傳媒估計佢背景唔簡單。據南韓傳媒報道,松雅出身顯赫,父親係外交官,曾派駐倫敦,估計松雅識講流利英語就係呢個原因。

松雅喺第一條片就大讚平壤係一個美麗又高尚嘅城市Photo from 송아 SongA Vlog

松雅能夠講流利外語,加上高質素嘅生活,有外國傳媒估計佢背景唔簡單。Photo from 송아 SongA Vlog

報道稱松雅母親嘅家族亦大有來頭,松雅嘅外曾祖父喺高層,2015年去世時更獲金正恩為佢舉行國葬,地位超然。有指松雅嘅YouTube頻道正係北韓宣傳手法之一。

報道稱松雅母親嘅家族亦大有來頭Photo from 송아 SongA Vlog

有指松雅嘅YouTube頻道正係北韓宣傳手法之一。Photo from 송아 SongA Vlog

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel