27歲大學女教師因童顏火速爆紅,卻被網民質疑學歷?高EQ回覆獲大讚

27歲大學女教師因童顏火速爆紅,卻被網民質疑學歷?高EQ回覆獲大讚

時事熱話 生活熱話
By Stephanie on 11 Nov 2022
Digital Content Writer

相信唔少女士都渴望擁有童顏嘅外表~近日,一名內地大學女教師因樣貌太年輕而被學校保安質疑其真實身份,引起熱議!不過大部分網民知道事件後反而懷疑女教師嘅學歷,而女子亦毫不猶豫地大晒學生證等,驚人嘅學歷令大家都嚇咗一跳!

27歲嘅內地大學女教師廖琳近日因為童顏樣貌,而備受網民熱議!Photo from 廖琳小紅書

「內地最美大學女教師」廖琳

根據內媒報導,年約27歲嘅內地美女教師廖琳係首批「95後嘅大學老師」,不過最近佢卻因為童顏嘅美貌,而引起大眾關注?!據悉佢本身已經憑精緻嘅五官,社交媒體帳號獲得唔少粉絲關注,被稱為「高學歷美女」!

佢本身已經憑精緻五官獲得唔少網民關注,少有名氣!Photo from 廖琳小紅書

被學校保安誤會係學生?

最近適逢開學日,廖琳十分興奮地上載首次返大學擔任老師嘅生活影片。只見佢當日用鯊魚夾將頭髮夾起,身穿白色襯衫並化上淡妝,令佢睇落同普通嘅大學生冇咩分別~當佢走進校門時,卻突然被學校門口嘅警衛喊住「學生不能進」;而佢就向對方稱「我是老師」,令網民都大讚佢真係好童顏!

適逢開學日,廖琳最近就上載開學日嘅Vlog紀錄自己從學生變老師~Photo from 廖琳小紅書

但外貌年輕嘅佢卻被學校保安誤會係學生~Photo from 廖琳小紅書

即睇更多人氣文章:

網民錯重點開始質疑學歷?!

不過部份網民就錯重點地開始質疑廖琳嘅真實身份,認為對方只係為咗提高點擊率而扮大學老師「不敢公開本科學校名稱啊」、「有些學校博士交錢就能有證書」等。而佢亦大方回應網民們嘅批評,毫不介意咁將自己過往嘅學生證等展示出來,證明自己並冇講大話!

廖琳大晒過往嘅學生證件,證明自己嘅學歷!Photo from 廖琳小紅書

霸氣大晒歷年學生證!

廖琳透露自己未能展示本科卡,因為佢已經整唔見咗好耐;而遮蓋「單位名字」只係為咗保護自己嘅私隱。據悉,佢大學時期就讀大連理工大學,博士學位畢業於北京大學光華管理學院,現時佢就被北京物資學院聘請成為商學院專業教師!

廖琳喺北京大學光華管理學院完成博士課程!Photo from 廖琳小紅書

佢早前就已經上載咗畢業相!Photo from 廖琳小紅書

回應「論文吹水」傳聞獲網民讚賞!

部份網民亦質疑廖琳嘅畢業論文可能只係「吹水」,而佢就高EQ回應指論文將會發佈到ssci期刊上「遇到非議和謠言都很正常,但最好的反擊方式是讓自己變得更好,更有實力。」成功令唔少網民信服!

而佢仲回應網民表示自己嘅論文將會刊登於期刊上,網上嘅輿論將會不攻自破!Photo from 廖琳小紅書

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女開po呻爸爸生得太童顏 同老豆一齊返屋企 俾佢同事誤會偷情

14 Jul , 2022

女人俾人讚童顏,望落唔識老,相信一定好開心,但若然情況掉轉,一個男人俾人讚童顏,就未必係一件好事。近日有女網民分享趣事,指自己爸爸太過童顏,兩父女一齊收工返屋企嘅時候,竟然俾爸爸同事誤會佢偷情,成件事尷尬得嚟又幾好笑。

《邊緣人教你製作情婦的方法》劇照Photo from 《邊緣人教你製作情婦的方法》劇照

俾爸爸同事以為自己係情婦

近日有女網民喺Dcard開po,題目為:「老豆太童顏 啲人成日以為我係小三」,事主表示自己公司同爸爸公司好近,收工成日都等埋一齊返屋企,但爸爸同事見到之後神色古怪,原來佢哋以為爸爸同事主偷情,由於事主爸爸睇落好後生,完全唔似有個咁大嘅女。

《偶然與想像》劇照Photo from 《偶然與想像》劇照

大量女網民分享相似經歷

唔少女網民表示有相似經歷,有人指自己同爸爸關係親密,會翹手行街,後來俾樓下看更誤會爸爸偷偷地帶女仔返屋企,仲話埋俾媽媽知。有人指中學時期同爸爸一齊行,俾訓導主任誤會佢拍拖同男朋友一齊。不過有人又指其實被誤會好正常,因為社會好多50歲嘅男人都會鍾意20歲嘅後生女。

《暖男爸爸》劇照Photo from 《暖男爸爸》劇照

被誤會嘅誇張經歷

有人分享,試過因爸爸生得童顏,自己被當爸爸老婆,更誇張嘅係姑媽連自己細佬都唔認得,以為爸爸係當事人男友。亦有人試過將錯就錯整蠱爸爸,專登大聲講:「你唔係話老婆今晚唔返屋企食飯?我地今晚食咩好」

《鬼怪》劇照Photo from 《鬼怪》劇照

《理智派生活》劇照Photo from 《理智派生活》劇照

母子被誤會經歷

另外,有男網友表示自己媽媽保養好好,試過俾同學問係唔係有姐姐包養,之後媽媽聽到開心咗成個禮拜。有人又指自己經常同媽媽單獨食飯,食飯中途聽到隔離枱講又指指點點,誤會自己俾人包養做「PTBF」。

港男同媽媽食飯,被誤會做「ptbf」Photo from 何浩文Facebook

《媽媽的神奇小子》劇照 Photo from 《媽媽的神奇小子》劇照

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel