download HolidaySmart 假期日常 app
鄧紫棋直播重談合約糾紛爆喊 透露想係香港開演唱會 網民態度兩極

鄧紫棋直播重談合約糾紛爆喊 透露想係香港開演唱會 網民態度兩極

生活熱話 娛樂新聞
By Moon Lam on 22 Sep 2022
Digital Content Writer

女歌手G.E.M.鄧紫棋日前宣布加盟華納音樂,推出全新專輯《啓示錄》。佢可謂首批北上發展嘅香港藝人,除咗係內地爆紅,係兩岸三地甚至外國都有一定知名度,仲曾經入選BBC百大女性!佢近日就透露有意回港開演唱會,不時開直播同網友分享製作點滴,仲激動到爆喊?

IG@gem0816Photo from IG@gem0816

鄧紫棋近日推新專輯

現年31歲嘅鄧紫棋G.E.M近年來事業重心都係內地,基本上已闊別香港樂壇多年,而今次宣佈加盟華納推出新專輯、是次新碟佢自己兼任創意總監、編劇及監製,14首原創作品分為上下半部,分別為「七封致天堂的信」和「七封天堂的回信」,帶觀眾尋覓「初心」,以連續劇形式呈現專輯每一首歌,所以每首歌都有獨立MV,真係落足重本!

IG@gem0816Photo from IG@gem0816

半年零收入

因為身兼多職嘅關係,令佢全天侯將心機投放係製作新專輯上,佢亦表示有半年時間入不敷支,半年都係零收入。而製作新專輯過程亦困難重重,原定MV男主角李治廷拍到一半,因種種因素無辦法去上海拍攝,要換角兼重拍,拍攝進度同推出時間不斷有延誤,令佢深感沮喪,好彩有男朋友Mark「捱義氣」頂上成為MV男主角,新專輯先可以順利完成。

IG@gem0816Photo from IG@gem0816

直播分享製作點滴

《啓示錄》推出後G.E.M.不時係直播分享專輯製作過程,最近更加係直播上情緒失控!佢係直播中打扮得相當精緻,不過係分享最新釋出嘅原創曲《讓世界暫停一分鐘》一度哽咽,佢表示創作靈感來自全人類正面對嘅疫情,仲有各地戰爭同天災人禍,G.E.M.自己亦面對生活中各種困難,包括同前公司嘅法律訴訟同建立新團隊嘅挑戰。

IG@gem0816Photo from IG@gem0816

憶舊公司糾紛情緒失控

佢係直播上回憶起同前公司嘅合約糾紛仲爆喊,稱面對壓力每日都悶悶不樂接近崩潰邊緣,更表示「就真的覺得快要死了,能不能停一停?」佢其後指好彩自己有信仰,亦幸好可以熬過來,抒發心情後更言希望世界可以多點愛,令直播間嘅網友都心痛留言,表示「好想抱抱她」、「她的同理心真的很難得」。

直播截圖Photo from 直播截圖

直播截圖Photo from 直播截圖

直播截圖Photo from 直播截圖

改名原來只為宣傳

G.E.M.由出道開始簽約「蜂鳥音樂」為經理人公司11年,後來以千字文控訴對方爆發合約糾紛。而蜂鳥係2015年將佢個名註冊商標,有可能唔可以再沿用藝名「鄧紫棋」以及「G.E.M.」,而新專輯中佢以「Gloria歌莉雅」自居,引發外界無限猜想。而改名原來只係仿效張惠妹,用黎宣傳新專輯嘅手法,不過佢亦表示佢本身英文名就叫Gloria,所以新專輯亦有做返自己嘅意思。

新歌第一首主打《GLORIA》與G.E.M.英文原名同名Photo from IG@gem0816

網民意見兩極

除此之外,G.E.M.亦係訪問中透露有意係香港開演唱會,不過佢已經係世界各地都有名氣,內地嘅粉絲更加比香港粉絲多,有網民認為G.E.M.「唔應該返香港發展,世界先係佢個舞台」,亦有人認為佢「已經比香港人鬧到唔敢返黎」,不過近年多咗網友為G.E.M.平反,指佢當年北上發展係無可奈何,而家反而係「香港人唔配有G.E.M.」。

不時有網民為G.E.M.平反Photo from LIHKG截圖

LIHKG截圖Photo from LIHKG截圖

出道起負面新聞不斷

鄧紫棋G.E.M.係2008年出道,出道時只得16歲,就取得香港三大樂壇頒獎禮新人金獎,自小已經唱功了得,被稱「巨肺」,更加係當年最被睇好嘅樂壇新人,不過出道後負面新聞不斷,被港人嫌棄,後來係2014年參加湖南衛視節目《我是歌手》一夜爆紅,自此放棄香港市場轉投內地市場發展,對於G.E.M.想係香港開演唱會,網友就質疑除咗出道初期同後來出過一兩首嘅廣東話歌,「演唱會仲有咩歌可以唱?」

G.E.M.憑《泡沫》係內地一夜成名!Photo from Youtube 芒果TV 截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel