任暟晴Jasmine成為《聲夢傳奇2》冠軍大熱人選?!樣貌甜美獲封「Chantel 2.0」!

任暟晴Jasmine成為《聲夢傳奇2》冠軍大熱人選?!樣貌甜美獲封「Chantel 2.0」!

電視電影 娛樂新聞
By Stephanie on 22 Sep 2022
Digital Content Writer

大台歌唱節目《聲夢傳奇2》最後10強已經誕生,有指大熱人選任暟晴(Jasmine)已經率先躋身5強席位,決賽將於10月2日進行!今年16歲嘅Jasmine年紀輕輕就擁有豐富嘅舞台經驗,仲因為甜美外貌而獲封為「Chantel 2.0」,有望成為另一位「明日新星」~

16歲任暟晴(Jasmine)被指同師姐Chantel相似,仲成為今屆大熱人選!Photo from 任暟晴IG

《聲夢傳奇2》冠軍大熱Jasmine

《聲夢傳奇2》嘅最後10強名單已經出爐!當中每位學員都非常有實力,而6人女團XiX嘅全部成員都晉身決賽,令網民一度猜測佢哋係「內定冠軍」但已遭到否認。有指另一位大熱人選任暟晴(Jasmine)率先進入5強,有望再創佳績~

6人女團XiX嘅所有成員都全部入晒最後10強,佢哋都同樣係冠軍熱門人選!Photo from Charlotte IG

而Jasmine(任暟晴)都成為咗今屆嘅冠軍大熱門!Photo from 任暟晴IG

率先晉身最後5強,歌唱實力高強!

現年16歲嘅Jasmine近日喺一對一對決中選擇演唱張學友嘅歌曲《這麼近那麼遠》,大獲好評,成功以20:5嘅成績勝出率先晉身最後5強!其實佢過往喺節目中嘅表現都唔錯,曾演唱《歡樂今宵》,該片段嘅觀看次數高達逾42萬,可見其人氣高企~

近日,Jasmine選擇唱《這麼近那麼遠》比賽,並成功躋身最後5強!Photo from 《聲夢傳奇2》

而佢早前演唱嘅《歡樂今宵》更獲得逾42萬人觀看!Photo from 《聲夢傳奇2》

即睇更多人氣文章:

廣告
廣告

曾參加不少學界音樂比賽,獲獎無數!

今屆嘅學員們都擁有超強嘅音樂底子,而Jasmine都唔執輸!佢3、4歲嘅時候已經開始學唱歌,現時已經獲得ABRSM聲樂8級及ABRSM鋼琴8級,並且參加過唔少學界音樂比賽,獲得過唔少獎項。就連就讀嘅赤柱聖士提反書院IG上都有上載佢嘅照片,成為咗學校合唱團嘅「代表人物」~

Jasmine曾參加唔少學界音樂比賽,舞台經驗豐富~Photo from 《聲夢傳奇2》

今年16歲嘅佢已經考獲ABRSM歌唱8級以及ABRSM鋼琴8級Photo from 任暟晴IG

被指與Chantel似樣!

外表甜美嘅Jasmine被網民指同「師姐」Chantel氣質相近,仲因此被稱為「Chantel 2.0」,力撐佢嘅實力足以成為三甲人選!而Jasmine平時除咗練習唱歌仲鍾意打跆拳道,動靜皆宜,令網民都直呼「有反差!」

網民都大讚Jasmine同Chantel相似,仲稱佢為「Chantel 2.0」!Photo from 任暟晴IG

Jasmine平時都會打跆拳道,動靜皆宜!Photo from TVB

部份網民指似藝人游嘉欣?!

除咗Chantel之外,部份網民就覺得佢極似游嘉欣,二人同樣都係走可愛甜美路線~而且佢嘅鼻樑上面有一粒癦,令大家印象深刻。

但最多網民覺得Jasmine似游嘉欣?!Photo from 游嘉欣IG

而Jasmine鼻樑上仲有一粒癦Photo from 任暟晴IG

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel