內地人妻稱一家8口無工作，全家靠老公炒股養活！躺平過人生有原因
近年內地有唔少年輕人崇尚「躺平」生活，估唔到有人「全家躺平」！近日網上流傳由一位內地人妻拍攝嘅影片，佢稱自己一家8口全部人都唔使返工，每日起身就係湊仔同埋等食飯，而唯一有「工作」嘅老公都係以投資維生。
Photo from 抖音
上海一家八口不用工作
近日內地網上瘋傳一個人妻拍攝嘅影片，片中佢提及自己一家都住喺上海，自己、老公、老爺奶奶、老公哥哥、兩個女兒、以及媽媽一共8個人，全部都無正職。人妻於片中表示：「一家八口人都不上班，是一種甚麼體驗呢？」
Photo from 抖音
佢指老爺奶奶都屆退休年齡，所以喺屋企無工返好正常；老公哥哥目前單身同佢哋同住，亦無工作；人妻指自己辭職在家照顧兩個女兒，媽媽都過嚟同住幫手湊孫，至於老公亦唔返工，喺屋企全職投資。
Photo from 抖音
Photo from 抖音
Photo from 抖音
每日生活都係等食飯、照顧小朋友
人妻表示全家唔返工感覺熱熱鬧鬧，所有人除咗湊小朋友都好似無所事事咁，每日都等住食三餐，人妻形容：「吃完早餐吃水果，吃完水果過不久就吃午飯，午飯吃了就吃下午茶，吃完下午茶馬上就吃晚飯！」
Photo from 抖音
全家蔬菜由老爺於花園種植
人妻指媽媽主要係湊佢細女，而老爺就負責喺花園種菜，佢指全家一年四季食嘅蔬菜差唔唔多都係佢老爺種嘅，而奶奶就負責煮飯洗碗，平時都會幫手湊大女。人妻稱佢偶爾都會下廚、做下家務，睇嚟都過得好「佗佻（他條）」，但人妻表示自己要拍片剪片，生活十分忙碌。
Photo from 抖音
Photo from 抖音
老公生BB為有動力賺錢
人妻續指佢同老公唔返工平時都好少出門，所以基本都唔會買衫：「我老公除了一日三餐真的幾乎都不花錢」，人妻更表示老公生BB嘅其中一個原因就係畀到佢有賺錢動力，直言：「要是不生娃的話，他已經沒有賺錢的動力了」
Photo from 抖音
Photo from 抖音
上海富戶不需返工
不過佢亦稱老公指唔返工感覺無乜人生意義。雖然全家8人都無工作，但反轉嘅係影片中人妻稱佢哋住喺330平米（約3,600呎）大屋，有成4間睡房，加上有花園種地，淨係管理費每月就要交2,300人民幣！唔返工只係因為唔使返工而唔係搵唔到工？！加上住喺寸金呎土嘅上海，有網民認為佢哋一家8口根本就好有錢，所以唔返工完全無經濟困難，已經去到享受人生嘅階段，同年輕人「躺平」嘅人生無法比較。
Photo from 抖音
Photo from 抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
人妻批評丈夫婚後不願工作，婚姻陷入危機！結局大反轉！男方豪晒逾千萬積蓄反駁
23 Aug 2022
現時社會追求男女平等，為咗生活好多時夫婦們都會一齊工作養家，互相分擔屋企嘅開支。最近，一名結婚7年嘅妻子就不滿丈夫長期留喺屋企，只係照顧2名子女，令佢頓時成為「一家之主」！不過喺丈夫受訪解釋後，大家都完全改變風向力撐丈夫？！
Photo from 微博
人妻抱怨丈夫不願上班工作！
根據內媒報導，來自河南嘅人妻小燕與細2年嘅丈夫曉峰結婚7年，二人育有一子一女。然而，丈夫喺結婚後就唔肯出去工作，主要負責照顧屋企嘅小朋友；而任職超市職員嘅小燕則負責工作，令經濟重擔似乎落咗喺妻子一人身上！
Photo from 微博
Photo from 微博
指丈夫只係留於家中無所事事
對此，人妻表示非常不滿指丈夫無所事事，抱怨丈夫就算喺屋企都只係望著電腦同手機，大呻壓力好大「大大小小的事都是我一個人在扛。」加上丈夫本身性格沈默寡言，令佢覺得自己彷彿過緊完全冇丈夫嘅生活，並向調解員尋求協助。
Photo from 微博
Photo from 微博
男方於醫學院畢業後拒絕工作？
據悉，二人係透過相親而認識，當時丈夫於醫科學院畢業，但估唔到婚後卻居然選擇唔工作，令妻子情緒崩潰，就連男方嘅爸媽多次勸喻都未能令兒子返工。然而，事件卻迎來大反轉？！
Photo from 微博
Photo from 微博
丈夫解釋不上班的原因！
當調解員詢問丈夫「為何不工作」時，對方就好有自信咁話「因為我不缺錢，我沒有那個必要。錢對我來說現在還不是問題！」揚言唔希望人生係為咗討好上司或者家人而工作賺錢，堅持己見！
Photo from 微博
Photo from 微博
原來本身已經擁有逾千萬積蓄！
不過調解員就好奇究竟冇工作嘅丈夫係如何過生活，而男方就表示自己過往工作儲咗少少積蓄，加上佢係「拆遷戶」獲得高達逾千萬人民幣，又難怪佢話現時唔缺錢嘅～而佢仲話妻子月薪所賺嘅2,000人民幣（約港幣2,300）好少「上班一年賺的，沒有我一個月的利息高！」
Photo from 微博
Photo from 微博
自學多項技能
事實上，丈夫喺屋企並唔係真係無所事事，佢一直以來都自學各種技能，包括：日文、電動車維修等。而佢亦向節目解釋背後嘅原因，原來佢自細就被性格強勢嘅媽媽逼迫讀醫科，仲想親自教導小朋友「怕我媽教導孩子會影響他們」，似乎因為成長經歷而有所感悟！
Photo from 微博
Photo from 微博
丈夫爆妻子完全不理小朋友？
丈夫仲大爆妻子其實只係仗著要出外上班，而拒絕管理家頭細務「她（妻子）對小孩不理不睬，經常都說上班很累」，就算叫佢幫小朋友換件衫都唔肯！
Photo from 微博
夫妻二人最終和好如初！
由於丈夫亦甚少同妻子交流，節目組想盡辦法為二人解開心結，要求佢哋分享對方曾經做過最感動嘅事！最後，妻子表示體諒丈夫喺屋企嘅目的，願意同佢一齊繼續努力生活～
Photo from 微博
Photo from 微博
Photo from 微博
網民認為夫妻之間差異太大，難以維持關係？！
大部分網民睇完夫妻嘅經歷後，都深深明白到感情關係中最重要嘅係溝通，否則好容易會令彼此間嘅誤會加深！而部份網民就認為妻子同丈夫之間嘅差距大「女的有問題」、「換老婆吧」、「現在不一定要外出工作才能賺錢了！」等留言，反而批評妻子唔願意理解丈夫嘅諗法。
Photo from 微博
Photo from 《夫妻的世界》劇照
而且網民都表示丈夫現時嘅生活係唔少人夢寐而求嘅生活，能夠選擇做自己喜愛嘅工作，完全唔需要擔心經濟狀況，大讚丈夫聰明！
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
