尖沙咀驚現金髮女子爬牆走，疑似為避開警方？1分多鐘逃跑過程全公開！最終被揭發係男兒身

By Stephanie on 23 Sep 2022

Digital Content Writer

昨日（22日）尖沙咀鬧市驚現「女版蜘蛛俠」，事關一名身穿白色睡衣嘅女生從寶勒巷唐樓外爬落地面，情況險像環生！唔少男途人都紛紛上前幫手，幸好女士最終都安全「降落」。有指該名女生係為咗避開警方嘅掃黃行動而逃走，但後來依然被捕，佢嘅真正身份亦令網民驚訝？！

Photo from 東張+ YouTube

「尖沙咀女士爬牆」影片瘋傳！

昨日（22日）下午，網絡上突然瘋傳一名女士「爬大廈外牆逃走」嘅影片，迅速引起熱議。從影片中所見，呢名身穿白色吊帶睡衣嘅女士喺尖沙咀寶勒巷一棟唐樓外徘徊，仲大膽咁坐喺屋簷上疑似上直接跳落地面，非常危險！

Photo from 連登討論區

Photo from 東張+ YouTube

最終安全「降落」！

其後，女子以敏捷嘅身手走向另一邊，僅僅用佢嘅雙手握住冷氣機，向下跳到路邊嘅指示牌上，真係少啲臂力同體力都做唔到㗎！眼見佢危險咁企喺指示牌上，大批男途人紛紛走到下面「托」住佢，好彩女士最終都安全落到地面！

Photo from 連登討論區

Photo from 東張+ YouTube

即睇更多人氣文章：

內地教科書插圖再惹爭議女生曲腳坐地下被批不雅

12歲少女對外貌失去自信長期戴口罩！就連男友都未見過「真面目」？最終突破心防公開樣貌！

網民猜測冒險爬牆原因

影片上載後立刻被瘋傳，大家都非常好奇女士點解要用咁奇特嘅方法離開大廈！部份網民就猜測可能女士係「第三者」，但撞正男方正印突然返屋企，搞到被迫要爬窗離開，真係十足十演戲咁；亦因此令部份網民懷疑「係咪拍緊戲啊」；其後有網民指應該同警方嘅「掃黃」行動有關，相信女士好大機會係從事「黃色事業」嘅，爬走只為避開警方？！

Photo from 連登討論區

Photo from 《逃出生天》

臂力驚人令網民懷疑其真實身份？

而女士強勁嘅體力都成為網民討論嘅話題，有網民就覺得單憑女士只係用雙手扶住冷氣機嘅動作，就懷疑佢可能係男生？！亦有網民指見到女子手臂上肌肉強勁，令大家都開始對佢嘅真正身份存疑。

Photo from 東張+ YouTube

Photo from 連登討論區

警方證實女士為30歲泰國籍男子！

雖然女子成功逃出大廈，但最終佢依然被捕。經警方初部調查，「女士」嘅真正身份為30歲泰國籍男子，被送往伊利沙伯醫院作檢查；案件將會列作「有人在危險位置」處理。

Photo from 《mouse》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

西環街頭「鉸剪腳大戰」竟有續集偷食男現身「一拖二」網民斥第三者唔要面

22 Sep , 2022

日前網路上瘋傳兩個女子係西環街頭糾纏嘅片段，兩人鬥到難分難解，互相用「鉸剪腳」夾住對方，後來全靠熱心途人幫忙先分得開佢地，網民仲大爆涉事女子係附近餐廳嘅老闆娘，原以為事件會不了了知，點知仲有續集？

Photo from Facebook群組西環變幻時

西環街頭爭執片段瘋傳

日前兩名女子係西環街頭發生爭執，事件仲被途人拍低放上網，更被網民稱為「兩女街頭MMA」，兩人一開始就攬埋瞓係地下，仲好近馬路，令到途人都要出手幫佢地上返馬路，最後好心嘅途人花咗好耐時間先分得開佢地。而矛盾發生嘅原因疑似係為咗「爭仔」，被鉗制嘅黃衫女士應該係正印妻子，發現丈夫偷食，而另一位女士就應該係第三者。

Photo from Facebook群組西環變幻時

疑似續集流出？

事隔幾日，網上竟然仲有新片段流出！有網友係Facebook群組分享長近3分鐘嘅影片，指片中3位主角「好熟口面」，而「偷食」嘅男子亦係片段中現身﹐3人企係街邊鐵欄，而男子右手拖住藍衣女人，左手就被身穿橙衣嘅女人捉實，男子表現無奈，但3人仍然糾纏一段時間。

Photo from Facebook群組西環變幻時

3角糾纏不休！

著藍色衫嘅應該就係正印妻子，而橙色衫嘅就疑似係「鉸剪腳之爭」入面嘅第三者。初時似乎係男子同橙衣女對話，不過隔住口罩、聲量唔大又有雜音，無辦法聽清楚內容。後來3人沉默咁企係鐵欄前，由男子先開口叫橙衣女先行離去，不過就唔成功，最後藍衣女忍唔住話：「你唔好再煩住我地兩公婆啦」，而男子亦叫橙衣女「唔好拉拉扯扯」，又勸對方返去休息先，不過橙衣女仍然撒嬌唔肯走！

Photo from Facebook群組西環變幻時

後來藍衣正印亦質問男人：「對腳係你到啊，行啦！」似乎不滿男子亦唔肯離開，更強行拉開橙衣女捉實男子嘅手，更稱「佢真係走架啦！」不過兩人離開時橙衣女仍然尾隨，不斷叫對方唔好走，又再一次拉住男子嘅手。男子開聲：「返去休息啦，如果唔係點姐？」橙衣女回應唔知，男子就再次勸佢離開，又話「你要講嘅講咗啦」。

Photo from Facebook群組西環變幻時

正印再次拉走男子，各橙衣女強調「你地嘅關係係完咗架啦，佢要離開啲情慾呀」，而男子亦點頭稱是，但橙衣女就反問：「你又知？」並繼續跟住佢地糾纏，期間不斷扭動身體，又「嗲」男子試圖令對方理佢，同埋叫對方唔好走。行為令鏡頭外途人都忍唔住鬧橙衣女！

Photo from Facebook群組西環變幻時

網民批第三者唔要面

有網民就表示呢段片段應該唔係「續集」，而係「前傳」，更批評第三者做法相當過分，「真係大家都唔怕醜」、「小三真係勁，仲可以喺條街姣條佬」；亦有人認為男子雖然口裡說不，身體卻很誠實，「睇個男人根本都放唔低，唔係拉佢走，佢根本唔打算走」；更有自稱認識片中男子嘅網友大讚正印大愛，希望男子回頭是岸﹐「唔好辜負陪你走過風雨一起奮鬥嘅老婆」。