42歲方力申自爆玩交友app無人理?!坦承已經單身5年,澄清:所有緋聞都係假!

42歲方力申自爆玩交友app無人理?!坦承已經單身5年,澄清:所有緋聞都係假!

電視電影 娛樂新聞
By Stephanie on 27 Sep 2022
Digital Content Writer

ViuTV節目《晚吹-有酒今晚吹》最新一集邀請咗方力申擔任嘉賓,並大方談及感情事。雖然佢緋聞多多,但佢坦承自己已經單身咗好耐;仲自爆一直都有玩交友app但卻反應冷淡,後來先發現原來係同佢嘅年齡有關?!

方力申上ViuTV節目大談感情近況~Photo from 方力申IG

方力申入行後先開始飲酒

日前,方力申以嘉賓身份出演節目《晚吹-有酒今晚吹》,表示自己21歲簽約到Paco(黃柏高)公司旗下先正式開始會應酬飲酒;其後佢有份主持《美女廚房》與另外兩位主持變得超老友,而佢哋就更加係以鍾意飲酒而為人熟悉,仲講笑咁話「我本身形象好好㗎!但同咗佢哋一齊之後就...」

方力申自爆21歲入行後先第一次飲酒Photo from 《晚吹-有酒今晚吹》

其後,佢同鄭中基、梁漢文一齊主持《美女廚房》,講笑咁話令佢嘅形象唔同晒!Photo from 《晚吹-有酒今晚吹》

坦承已經單身5年!

之後,主持人練美娟(娟姐)就詢問方力申現時嘅感情近況,而佢坦承「五年冇拍過拖!」,令在場主持人及嘉賓都嚇咗一跳。雖然平時方力申緋聞多多,但佢就話所有緋聞都係假嘅!

方力申揚言自己已經單身咗5年!Photo from 《晚吹-有酒今晚吹》

而佢就澄清所有緋聞都係假嘅!Photo from 《晚吹-有酒今晚吹》

解釋緋聞多原因

而方力申覺得自己之所以咁多緋聞,可能係因為自己現時並冇任何公司「當人哋寫你嘅時候,佢唔需要顧慮咁多嘢。」但佢亦解釋知道大家都好關心佢嘅感情狀況,而自己亦已經到咗適婚年齡;不過娟姐隨即反駁「你42歲係過咗適婚年齡喇,你識唔識啊?」,令佢忍唔住為自己護航「咁你範圍好狹窄喎!」

方力申解釋覺得自己緋聞多嘅原因。Photo from 《晚吹-有酒今晚吹》

但都明白因為已經到咗適婚年齡,令大眾好關注佢嘅感情狀況~Photo from 《晚吹-有酒今晚吹》

一直都用交友app,但卻因為年齡導致「人氣」低?

隨後,方力申自爆一直都有使用交友app,但卻冇咩人「like」佢;後來佢先發現「原來佢哋(其他用家)冇調教到42歲以上」,因此好多人都未能喺交友app「match」到佢!不過主持人都忍唔住話就「就算見到都一定會以為係假帳號。」

方力申亦大方自爆有玩交友app!Photo from 《晚吹-有酒今晚吹》

後來,方力申先發現係其他用家冇將擇偶年齡調高,所以令佢「人氣」極低Photo from 《晚吹-有酒今晚吹》

但主持人就話其他用家見到都會覺得係假帳號。Photo from 《晚吹-有酒今晚吹》

即睇更多人氣文章:

自爆1個擇偶宗旨!

主持人都似乎唔太相信方力申已經單身多年,詢問佢擇偶要求係咪好高;而方力申就話「我淨係得一個宗旨:如果你係我腦入面,你就係我心入面」,並加以解釋「如果見到某樣嘢,會令我諗起佢,即係代表我鍾意佢」但強調呢5年來從來冇女仔喺佢腦海出現過,令娟姐直呼「我唔信!」

佢話自己要求唔高,但就有一個宗旨!Photo from 《晚吹-有酒今晚吹》

認為只要望到某啲物件時諗起對方,就代表鍾意佢!Photo from 《晚吹-有酒今晚吹》

唔介意伴侶係外國人!

單身已久嘅方力申大談擇偶條件,期望未來能夠「搵到一個真係想同佢結婚生子嘅對象」,仲揚言唔介意對方係外國人,搞笑咁話「外國人先容易攞奧運獎牌啊!」就連結婚大事都諗埋游水!

方力申話希望搵到一位能夠令佢願意結婚生子嘅另一半!Photo from 《晚吹-有酒今晚吹》

而佢仲話唔介意另一半係外國人。Photo from 《晚吹-有酒今晚吹》

改變想法希望將來生囡?!

不過方力申揚言自己鍾意小朋友,但深深明白養大一個小孩並唔容易!仲話自從開咗游水學校之後,開始改變諗法,想生囡囡「好得意,好痴daddy㗎!」

方力申本身都好鍾意小朋友,不過知道照顧及養育小孩並唔容易Photo from 《晚吹-有酒今晚吹》

自從開咗游水學校之後,方力申就覺得生囡囡好可愛,改變咗諗法!Photo from 《晚吹-有酒今晚吹》

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

方力申自爆內地拍戲曾「有反應」自覺對唔住鄧麗欣 ! 要靠思念母親來冷靜!

6 Apr , 2022

方力申(小方)最近亮相節目《講你都唔信》,大談以往拍戲嘅辛酸史,更自爆多年前在內地拍攝一場激情戲時出現了生理反應,搞到小方要向導演要求停一停,唞一唞!

方力申近日在節目中大爆以前拍激情戲試過有生理反應,更自覺精神出軌了當時嘅伴侶。Photo from 方力申 FB

小方在新一集《講你都唔信》中做嘉賓,並聯同林子聰及張達明組成「方丈很好戲」隊,而盧海鵬、鄧英敏及吳麗珠則組成「歡樂今宵隊」,兩隊人馬都大談早年不為人知嘅往事。

方力申作客《講你都唔信》Photo from 《講你都唔信》截圖

方力申早年拍激情戲「有反應」

小方提及自己約10年前在內地拍攝一場親熱戲嘅經歷,佢強調自己係一名正人君子,當時也很單純,嗰場激情戲令佢好尷尬,佢憶述︰「平時錫都無咁激,仲要個女仔做主動,喺床上面『翻天覆地』…個女仔要剝咗我件衫,佢又着得好少,臨尾佢仲要喺我上面去演。」

小方大爆以往怕戲嘅尷尬經歷。Photo from 《講你都唔信》截圖

小方續稱,拍完激情場口之後導演嗌cut,佢被指示要換衫拍另一場戲,但小方就主動問導演:「可唔可以等我一陣先,我要唞唞。」佢指「休息」期間全靠想念母親,例如苦思買咩手信畀媽媽,令思想不停留在該場戲上,最後才成功冷靜下來。

方力申話要靠想念媽媽才能令自己平復情緒。Photo from 方力申 FB

方力申自覺曾精神出軌

小方直言嗰次拍戲係辛酸史,仲爆自己當時拍緊拖,但就因為有咁嘅反應,而自覺「精神有少少出軌!」節目眾人聽罷大感驚訝,又追問當年是否因為該床戲搞到最後分手。而當時被小方「精神上背叛」嘅女友相信就係舊愛鄧麗欣(Stephy),而網民都好奇小方當年嘅激情戲對手是誰。

當時被方力申精神出軌嘅對象好有可能係Stephy。Photo from TVB

床戲對手係吳卓羲舊愛?

經網友翻查後,發現小方約在9年前拍了一部內地電影《致命閃玩》,當中佢同女星兼吳卓羲前女友張馨予有多場激情戲份,演出大膽。小方稱該場戲係由張馨予作主動,用了超過一小時才拍完,而且未嗌cut不能停,所以小方拍完都大汗淋漓。

小方當年在《致命閃玩》中有親密戲份。Photo from 《致命閃玩》花絮片

而且都是女角做主動Photo from 《致命閃玩》花絮片

張馨予在戲中跟方力申有親熱戲份。Photo from 《致命閃玩》花絮片

網民猜測當年令小方咁有反應對手就係吳卓羲舊愛張馨予。Photo from 張馨予 微博

而張馨予在花絮片中表示將熒幕初吻送了給小方,而小方在片中都顯得較為僵硬,有網民猜測佢哋可能就係剛拍完該場親密戲,所以男方有此表現。

小方在花絮片中有點僵硬Photo from 《致命閃玩》花絮片

方力申表情尷尬Photo from 《致命閃玩》花絮片

網民懷疑小方當時正拍完那場激情戲。Photo from 《致命閃玩》花絮片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel