鍾嘉欣加拿大被偶遇，揭係雙面人？！2件事被內地網民批：人品超差
Photo from 鍾嘉欣IG
鍾嘉欣加拿大被網民野生捕獲
鍾嘉欣失落視后後就返加拿大，佢坦言以後未必會再接拍電視劇，返到加拿大無幾耐嘅佢更宣佈懷上第三胎嘅喜訊！現時安心養胎嘅嘉欣BB日前就獲網民野生捕獲。
Photo from 鍾嘉欣IG
小紅書上有網友分享照片並表示自己喺服裝店試衫時偶遇鍾嘉欣，當佢上前打招呼時，嘉欣嘅朋友就催佢快啲走，所以路人都無問到鍾嘉欣可唔可以合照，但好彩佢翻睇自己試衫時影嘅相發現嘉欣BB亂入咗其中一張，都勉強算係一張合照。
Photo from 小紅書
內地網民批鍾嘉欣「人前人後兩個樣」？！
唔少網民都大呼羨慕，不過有網友就指鍾嘉欣應該會拒絕合照，因為佢曾經喺小紅書見過唔少人偶遇佢都被拒絕合照。樓主就指唔想生活被打攪，唔合照可以理解。但仲有好多人都指鍾嘉欣係「雙面人」？！
Photo from 鍾嘉欣IG
Photo from 小紅書
其中一個網友就直言：「死心吧！她是不會跟你合照的，平時電視上nice是裝的！」該網民指曾經同屋企人偶遇過鍾嘉欣，當時無疫情，屋企人好有禮貌咁請求合照，但就被鍾嘉欣拒絕，呢位網民表示：「莫明其妙，感覺她一點都不親民，自此對她改觀。」有人反駁明星亦唔一定要應承同路人合照：「她也有拒絕的權利啊！」
Photo from 鍾嘉欣IG
Photo from 小紅書
另一網友證鍾嘉欣無禮貌又cheap？
目前有關嘅留言已被刪除，但仲有另一位網民亦忿忿不平，狠批鍾嘉欣態度一直唔好：「Covid之前遇見過她幾次都是超級沒有禮貌！而且非常非常非常Cheap！」佢分享兩件小事，指鍾嘉欣曾經去專櫃買唇膏，問三問四，又問唇膏用咗可唔可以退，結果買咗幾日後真後攞返去專櫃退。
Photo from 鍾嘉欣IG
呢個網民又表示之前喺Sephora偶遇鍾嘉欣，當時佢竟然用化妝掃上妝，網友指店內嘅化妝掃十分污糟，直言：「她就是沒有禮貌又非常之Cheap的人！」仲話好多人都有同感。
Photo from 小紅書
Photo from 鍾嘉欣IG
過往曾有多人指鍾嘉欣經常拒絕合照
翻睇其他內地網友偶遇鍾嘉欣嘅post，發現唔少帖文留言都有好多人指鍾嘉欣拒絕合照而對佢反感，有人指鍾嘉欣「很emotional」唔係每次都肯拍，仲有人表示自己細妹當年7歲問過鍾嘉欣可唔可以影相，鍾嘉欣黑面背住7歲嘅妹妹唔理佢，網友嬲爆指鍾嘉欣：「人品超差」。
Photo from 鍾嘉欣IG
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
星空下的仁醫｜鄭嘉穎鍾嘉欣喊功演技！痛失愛兒超心酸！網民推做視帝視后
16 Nov 2021
Photo from TVB
鄭嘉穎救鍾嘉欣兒子成全集高潮
《星空下的仁醫》進入結局篇，鍾嘉欣飾演嘅章以芯懷孕後仍繼續醫生工作，更因同染有第五病嘅病人接觸而確診感染病毒。
Photo from TVB
新一集鍾嘉欣突然感到不適，似乎係胎兒出現問題，需要做緊急手術，而中意佢嘅鄭嘉穎亦落力拯救鍾嘉欣兒子Heman，手術過程鍾嘉欣更一度心跳停頓，成為全劇緊張時刻。
Photo from TVB
Photo from TVB
Photo from TVB
鄭嘉穎大騷喊功，逼真道具BB造價不菲
可惜最終仍未能挽回鍾嘉欣兒子生命，鄭嘉穎更激動落淚：「對唔住.....叔叔救你唔到...」，令觀眾都大感心酸。
Photo from TVB
Photo from TVB
Photo from TVB
成個手術過程都非常逼真，連道具初生兒BB都好似啱啱出世咁！有指呢個逼真嘅道具BB造價不菲，高達5位數，肌膚、臍帶同毛髮都似足初生胎兒。
Photo from TVB
Photo from TVB
鍾嘉欣演繹失子之痛，演技大獲好評
而鍾嘉欣醒返之後得知兒子夭折亦十分悲傷，喺劇中有唔少喊戲嘅鍾嘉欣喊得非常有感染力，更獲大讚係視后級演技，佢痛失愛兒一幕亦有唔少網民相當心痛。鄭嘉穎嘅自責表現同樣大獲好評，兩人嘅對手戲有火花之餘更獲網民推舉做視帝視后。
Photo from TVB
Photo from TVB
Photo from TVB
Photo from TVB
Photo from TVB
鄭嘉穎、鍾嘉欣、何依婷三角戀感情線引關注
《星空下的仁醫》劇情已去到高潮，除咗馬國明嘅權鬥線、羅子溢嘅食藥線外，鍾嘉欣、鄭嘉穎同何依婷嘅三角戀算係最引人關注嘅感情線。
Photo from TVB
對比起馬國明同周家怡嘅感情線，鍾嘉欣同鄭嘉穎喺劇中係一對歡喜冤家，平時對話都互相窒嚟窒去，網友都覺得佢哋好有火花，雖然鄭嘉穎示愛被拒絕，但之後都發現咗鍾嘉欣已動心，兩人關係明朗化。
Photo from TVB
Photo from TVB
不過仲有何依婷飾演嘅Esther，佢因為失救而下肢失去知覺要坐輪椅，一直暗戀鄭嘉穎，鍾嘉欣更出手撮合佢哋！但可惜神女有心，襄王無夢，鄭嘉穎另有所愛，而鍾嘉欣亦發現自己都係中意對方，最終大結局鍾嘉欣、鄭嘉穎成為情侶。
Photo from TVB
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
