微辣老闆六毫子驚現內地街頭,被網民猜測想北上發展?內地網民:他是誰?

微辣老闆六毫子驚現內地街頭,被網民猜測想北上發展?內地網民:他是誰?

娛樂新聞
By Stephanie on 27 Sep 2022
Digital Content Writer

澳門娛樂公司「微辣」嘅YouTube頻道訂閱人數逾73萬,當中唔少藝人仲選擇來港發展~近日,有內地網民上載喺街上偶遇老闆「六毫子」嘅照片,令唔少網民都立刻猜測佢哋係咪想轉移到內地發展?!但部份網民似乎唔太熟悉微辣,留言詢問「佢係邊個?」

近日有內地網民上載偶遇六毫子嘅照片,令網民開始猜測微辣係咪想轉移到內地發展?!Photo from 六毫子IG

澳門「微辣」藝人來港發展

澳門娛樂公司「微辣」主要以拍攝自家創作嘅綜藝節目及搞笑影片為主,成功吸引近73萬人訂閱其YouTube頻道!而佢哋旗下嘅藝人數目都越來越多,當中唔少藝人仲選擇來港發展;上年年尾佢哋仲喺沙田開咗「微辣大排檔」,踩過界連飲食界都做埋~

微辣現時主要以拍攝短劇、遊戲節目以及搞笑片為主。Photo from 微辣YouTube

上年年尾,微辣來港開設「微辣大排檔」!Photo from 微辣大排檔IG

內地網民街頭偶遇老闆六毫子!

原來老闆六毫子都去咗第二度發展?!近日,有內地網民表示喺珠江一間咖啡店偶遇「微辣」老闆六毫子,興奮咁話「遇見明星,忍不住大喊他的名字,沒想到大頭人很nice馬上回應,也願意一齊合照」言行之間難掩見到偶像嘅興奮心情~

有內地網民上載偶遇「微辣」老闆六毫子嘅照片Photo from 小紅書

網民好興奮咁大讚六毫子親切~Photo from 小紅書

被猜測想轉往內地發展?

近年微辣藝人不停喺香港澳門兩邊發展,令唔少網民猜測六毫子今次返內地係咪想為旗下藝人「探路」,認為佢哋未來可能打算返內地發展?!

網民開始猜測六毫子今次係為咗旗下藝人先去內地「探路」?!Photo from 微辣YouTube

即睇更多人氣文章:

部份內地網民表示:不認識他!

部份網民見到之後都留言話希望可以偶遇其他微辣嘅藝人,當中以霍哥、豪dee以及加蔥嘅「呼聲」最高!不過部份網民就似乎對「微辣」唔係咁熟悉,留言話「明星?」、「呢啲叫KOL」等,睇嚟過往佢哋都並未有「進駐」內地市場~

部份網民就似乎唔太熟悉六毫子?!Photo from 小紅書

當中亦有網民表示想見到微辣其他藝人,當中以霍哥、豪dee人氣最高~Photo from 小紅書

即睇來港發展微辣藝人近況:

霍哥

33歲嘅霍哥(霍俊邦)身高190cm,雖然經常喺影片中展現愛「抽水」嘅一面,但事實上卻係一名暖男,獲網民封為「微辣清泉」!近來,佢似乎暫時長居於香港,獲唔少香港KOL或YouTube頻道邀請合作拍片;網民仲表示成日喺街上見到佢,而佢都非常親民咁同對方自拍留念~

霍哥近來似乎暫時都喺香港工作~Photo from 霍哥IG

獲邀出席唔少公開活動,以及喺唔同YouTube頻道拍片~Photo from 霍哥IG

Rachel(劉蘊晴 )

歌手Rachel過往憑唱歌成功突圍而出,早前佢亦來港發展,有份拍攝由李璨琛監製嘅ViuTV新劇《心靈師》,將會與ERROR成員何啟華(Dee)及陳嘉倩合作。

歌手Rachel都係其中一位來港發展嘅微辣藝人~Photo from 劉蘊晴IG

早前,佢就有份出演由李璨琛監製嘅新劇《心靈師》Photo from 劉蘊晴IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

微辣霍哥模特兒時期舊照曝光 外貌反差驚豔網民 後生時期係花美男?

21 Sep , 2022

33歲微辣藝人霍俊邦是一名澳門KOL,身高190cm的他曾任職模特兒,雖然霍哥拍片時經常以大叔形象示人,但他在眾多微辣藝人中,形象相對正面,深受網民歡迎,日前有人翻出霍哥模特兒時期的照片,年輕時霍哥與現在有很大出入,其反差驚豔不少網民,笑指:「歲月不饒人啊!」

霍哥 IGPhoto from 霍哥 IG

形象正面獲封微辣清泉

近年網台微辣的藝人多次被指私生活混亂,大文、加聰先後被爆偷食,形象插水,更有指微辣內部關係複雜,反而幕前形象似大叔的霍哥則從未受到影響,雖然霍哥經常邀請女星拍片合作,但從未傳出緋聞,而且與合作過的女星都能保持友好關係,獲網民大讚是微辣清泉。

霍哥 IGPhoto from 霍哥 IG

霍哥 FBPhoto from 霍哥 FB

霍哥 FBPhoto from 霍哥 FB

模特兒時期外貌引網民熱議

早前霍哥在Facebook發文,表示有觀眾緊急私訊他,指出他被人公開「黑歷史」,霍哥笑言自己一度擔心被女觀眾「報復」指責,其後發現是自己模特兒時期的照片,相中可見年輕的霍哥青靚白淨,沒有留鬍鬚,獲網民大讚有秀氣,更有幾分似甄子丹,一本正經的他與現時邪氣外形有很大出入,網民笑指:「你受左咩刺激,搞到依家咁既樣」、「呢十年黎你經歷過啲咩」不過最搞笑的是,該網民是在這些照片是出自一個名為「老餅話當年」的FB群組,令霍哥非常介懷,並留言:「發神經!點解要Po 係啲想當年group!」

霍哥 FBPhoto from 霍哥 FB

霍哥 FBPhoto from 霍哥 FB

即睇更多人氣文章:

心地好樂意幫助小眾

有網民指出霍哥其實是面惡心善的暖男,大讚他親民有禮,拍片時遇到粉絲,都會大方合照及打招呼,又指霍哥利用自己的影響力為小眾社群宣傳,疫情期間多次光顧小店以作支持,又拍片宣揚香港小眾運動。另外,霍哥空閑時更會做義工幫助他人,來港工作時曾主動到深水埗明哥做義工幫忙派飯,又試過去「人人流浪狗澳門義工團」幫狗狗洗澡,善心舉動令網民佩服。

霍哥 FBPhoto from 霍哥 FB

霍哥 YouTubePhoto from 霍哥 YouTube

霍哥 YouTubePhoto from 霍哥 YouTube

剃鬚剪髮改形象獲網民好評

霍哥一直以長髮留鬚的形象示人,經常被網人笑指像流浪漢,不過早前他剪短頭髮,更剃走鬍鬚,雖然霍哥自己表示不太習慣沒有鬍鬚,不過清新爽朗的新形象獲網民大讚「好睇好多」、「無鬚幾好丫」、「像古代的書生」、「無冇鬚根型仔好多呢」、「乾淨好多」

霍哥 IGPhoto from 霍哥 IG

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel