download HolidaySmart 假期日常 app
譚嘉儀入迪士尼樂園著公主裙扮貝兒,被指違規!官方唔准成人扮演角色?!

譚嘉儀入迪士尼樂園著公主裙扮貝兒,被指違規!官方唔准成人扮演角色?!

娛樂新聞
By Jennifer on 27 Sep 2022
Digital Editor

就嚟到萬聖節Halloween,香港兩大主題樂園都有舉辦一連串活動!日前譚嘉儀就喺IG分享影片,片中佢打扮到好似電影《美女與野獸》入面嘅貝兒公主咁喺迪士民樂園打卡,不過佢就被指違反樂園嘅規定?!

日前譚嘉儀就喺IG分享相片Photo from 譚嘉儀IG

譚嘉儀去迪士尼樂園扮貝兒公主

去主題樂園玩好多時都會精心打扮一番,方便影相留念,尤其係踏入10月Halloween,唔少人都會悉心裝扮,配合返節日氣氛,不過原來打扮都有可能會違反規定?!

去主題樂園玩好多時都會精心打扮一番,方便影相留念Photo from 譚嘉儀IG

現年34歲嘅星夢歌手譚嘉儀日前喺IG post出去迪士尼樂園玩嘅影片,當日譚嘉儀仲專程著上《美女與野獸》女主角貝兒嘅一套經典黃色禮服裙,並喺城堡前面打卡:「真係好大膽,30幾歲人,仲係度扮公主呀! #為左拍Reel 可以去到幾盡」

當日譚嘉儀仲專程著上《美女與野獸》女主角貝兒嘅一套經典黃色禮服裙Photo from 譚嘉儀IG

譚嘉儀喺城堡前面打卡:「真係好大膽,30幾歲人,仲係度扮公主呀! #為左拍Reel 可以去到幾盡」Photo from 譚嘉儀IG

《美女與野獸》女主角貝兒經典黃裙Photo from 《美女與野獸》

譚嘉儀為打卡,出動媽媽同姐夫做幫手

其實打扮成公主一啲都唔容易!譚嘉儀之後再喺IG分享短片,公開著公主裙拍Reel嘅幕後花絮。原來呢條裙要佢媽咪同姐夫幫手收衫:「#條裙又大條 #仲有個公主鋼砂 #屋企人幫我完成咗夢想 #但有好狼狽嘅一面 #要拎住真係唔容易」相信譚嘉儀媽媽同姐夫分別將公主鋼紗、公主裙袋住入園,之後喺園內先拎出嚟畀譚嘉儀換上。

譚嘉儀之後再喺IG分享短片,公開著公主裙拍Reel嘅幕後花絮。原來呢條裙要佢媽咪同姐夫幫手收衫Photo from 譚嘉儀IG

譚嘉儀:「#條裙又大條 #仲有個公主鋼砂 #屋企人幫我完成咗夢想 #但有好狼狽嘅一面 #要拎住真係唔容易」Photo from 譚嘉儀IG

譚嘉儀媽媽同姐夫分別將公主鋼紗、公主裙袋住入園Photo from 譚嘉儀IG

網友質疑是否可以喺迪士尼扮公主

不過有網友質疑是否可以喺迪士尼扮公主:「迪士尼可以cos公主?」有人回覆稱:「成咗年,唔係唔cos得咩?」、「16歲以上唔可以,因為好易比人當做工作人員」,但亦有網民指Halloween呢個特別節日係例外,入場時會由保安過目,再貼上貼紙以作識別,但譚嘉儀應該係入園後先換公主裙,所以極有可能無畀保安睇過。

有網友質疑是否可以喺迪士尼扮公主:「迪士尼可以cos公主?」Photo from 譚嘉儀IG

有網民指迪士尼唔允許成人cos角色,但Halloween呢個特別節日係例外Photo from 譚嘉儀IG

迪士尼其實有官方規定,大人唔可以扮成Disney角色入園,園內扮演角色嘅演員都受過專業嘅訓練,唔希望樂園內嘅賓客或者小朋友誤以為cos角色嘅普通遊客就係園方演藝人員扮演緊有關角色,有可能會影響小朋友對呢個角色嘅印象。

迪士尼其實有官方規定,大人唔可以扮成Disney角色入園Photo from 《美女與野獸》真人版

黑魔后係大家經常會cosplay嘅角色之一Photo from 《黑魔后》

只能用迪士尼角色嘅元素作打扮

喺官方公開嘅Halloween宣傳片中邀請咗一班明星,佢哋都以Disney嘅惡人角色為靈感特別裝扮,例如MC張天賦就扮Loki、Jace扮庫伊拉、Isabella扮黑魔后、P1X3L嘅George扮Jack等,不過佢哋都只係取該迪士尼角色中最突出嘅元素作靈感打扮,而非同該角色完全一模一樣,似乎都印證咗迪士尼唔畀大人cos角色。

喺官方公開嘅Halloween宣傳片中邀請咗一班明星,佢哋都以Disney嘅惡人角色為靈感特別裝扮Photo from 香港迪士尼樂園 | Hong Kong Disneyland

MC張天賦就扮Loki、Jace扮庫伊拉Photo from 香港迪士尼樂園 | Hong Kong Disneyland

P1X3L嘅George扮JackPhoto from 香港迪士尼樂園 | Hong Kong Disneyland

佢哋都只係取該迪士尼角色中最突出嘅元素作靈感打扮,而非同該角色完全一模一樣Photo from 香港迪士尼樂園 | Hong Kong Disneyland

所以如果想扮貝兒公主,可以著一啲黃色衫入場,但著貝兒套禮服裙或會被職員要求要換返衫先可以入園,以免被小朋友誤會佢以迪士尼演藝人員身份扮演有關角色,而譚嘉儀喺IG亦稱:「有小朋友話:呢個公主假架!」

如果想扮貝兒公主,可以著一啲黃色衫入場Photo from DISNEYBOUND

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

香港迪士尼樂園煙花表演只得30秒,臨時取消令遊客白等近3小時!官方處理手法惹網民憤怒?

13 Sep 2022

香港迪士尼樂園最近推出全新小狐狸公仔LinaBell,並於中秋節前夕(9/9)正式登場,令唔少人都選擇當日入園一睹風采~然而,當日卻因為煙花表演臨時取消引發熱議;據悉煙花只係表演咗30秒就完咗,令喺夏日炎炎等待咗將近3個鐘頭嘅遊客感到極不滿!

香港迪士尼樂園於上星期五(9/9)突然取消煙花表演,令遊客們喺炎熱天氣下白等2小時,令佢哋超不滿!Photo from 香港迪士尼FB

全新角色LinaBell 登陸香港迪士尼樂園!

上星期五(9/9)適逢係中秋連假前一日,唔少人都會選擇一家大細去主題樂園遊玩~而當日仲係迪士尼人氣公仔Duffy與好友嘅全新人物「LinaBell」正式登陸樂園嘅日子,令期待已久嘅網民們都決定入園迎接LinaBell嘅到來!

9月9日係LinaBell角色喺香港迪士尼樂園登場嘅日子!Photo from 香港迪士尼樂園FB

唔少網民都為咗迎接可愛嘅LinaBell而入園!Photo from Presslogic

煙花表演大獲好評,成為唔少遊客入園原因!

而喺今年6月18日開始嘅「迪士尼星夢光影之旅」亦成為唔少遊客入園嘅原因,事關今次係迪士尼事隔4年再度恢復夜間煙花表演。據悉煙花表演係迪士尼首次運用大型立體光雕投影技術,並集合逾40套經典迪士尼及Pixar動畫嘅作品,獲得唔少網民嘅好評!

「迪士尼星夢光影之旅」今年6月18日開始登場,每個星期都會喺樂園網頁公佈演出時間!Photo from 香港迪士尼

而且煙花仲配合埋燈光投射,包含逾40套迪士尼經典動畫內容,廣受好評!Photo from 香港迪士尼

9月9日夜間煙花表演得30秒?!

然而喺上星期五(9/9),正當遊客們興致勃勃咁等待咗接近2個鐘頭,霸定最佳位置觀賞煙花表演;不過當日嘅煙花只係開始咗30秒就冇咗,轉眼即逝!由網民上載嘅影片所見,30秒嘅表演內只係得燈光投射嘅效果,並未有任何煙花效果,懷疑同煙花技術出現問題有關?!部份喺現場嘅網民表示聽到30秒表演嘅音樂laglag地,推測係音響出問題。

有網民上載當日「30秒煙花」嘅表演,只見只係得燈光投射嘅效果,並未有任何煙花出現!Photo from 香港迪士尼樂園FB

部份當日喺現場嘅遊客猜測同音響問題有關?!Photo from 連登討論區

而香港迪士尼樂園度假區發言人最新回覆:

9月9日晚的「迪士尼星夢光影之旅」因技術故障取消。樂園團隊已極力嘗試搶修,最終未能如期演出。謹此向受影響的賓客致歉。9月10日及之後的「迪士尼星夢光影之旅」會按照原定安排上演,節目資料可參閱香港迪士尼官方網頁。

即睇更多人氣文章:

工作人員「彈出又彈入」令遊客憤怒!

隨後,樂園突然宣佈煙花表演取消,但5分鐘後工作人員又改口指煙花只係延遲表演,令遊客們再次回到位置等待。可惜喺遊客們再等咗20分鐘後,工作人員又再次宣佈煙花表演取消,令唔少遊客都對樂園「彈出又彈入」嘅態度感到不滿,紛紛走到客服中心要求提供合理嘅解釋!

唔少遊客喺煙花取消後,都紛紛去客服中心要求合理嘅解釋!Photo from 連登討論區

官方暫時尚未有任何回應!

事隔4日,香港迪士尼樂園一方尚未對9/9臨時取消煙花表演而作出回應,令好多遊客都喺FB post下面留言批評迪士尼嘅應對方法「等咗成個2.5hr先話取消」、「當無事發生咁搞笑?」等;亦有當日入園嘅遊客不滿要求「回水」,指自己俾錢買飛完全係為咗睇煙花!

唔少網民湧入香港迪士尼樂園嘅FB狠批!Photo from 香港迪士尼樂園FB

香港迪士尼樂園嘅社交媒體帳號依然有更新,但唯獨冇回應9/9臨時取消煙花嘅原因,令唔少網民都好嬲!Photo from 香港迪士尼樂園IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel