3歲男孩地鐵「爭位」坐女乘客大腿上,家長堅拒道歉:小孩沒有錯!男童一句話被網民批評任性?

3歲男孩地鐵「爭位」坐女乘客大腿上,家長堅拒道歉:小孩沒有錯!男童一句話被網民批評任性?

時事熱話 生活熱話
By Stephanie on 28 Sep 2022
Digital Content Writer

現時交通工具裡都設有「關愛座」俾長者、孕婦或小朋友優先就座,然而好多人都會視為理所當然,令「讓座」嘅話題經常備受爭議。日前,內地杭州地鐵有一名3歲男童為咗「搶位」,搞到坐咗喺一名女乘客嘅大髀上,仲用力咁踢到佢;不過男童家長嘅行為卻令佢更加憤怒,引起熱議!

網絡正瘋傳一段3歲男童地鐵「搶位」事件,引起網民熱議!Photo from 微博

網絡瘋傳「杭州地鐵讓座」影片

過往都曾經出現過唔少因為「讓座」而引起嘅爭執,呢個話題一直都係網民嘅熱門討論話題。日前,網上正瘋傳一條喺杭州地鐵發生嘅影片,當中男童及其家長嘅態度令網民覺得非常過火,但都有部份網民認為男童冇做錯?!

影片中男童及家長嘅態度都成為熱話!Photo from 微博

3歲男童坐女事主大腿,同行家長「火上加油」?!

據悉,3歲男童喺一進入車廂後就立刻衝去「搶位」,但佢就走到女事主嘅附近嘅位置,並直接坐喺女方嘅大髀,扭動身體時更唔小心碰到佢嘅胸口位置!其後女事主忍無可忍企起身想同男童嘅家長理論,但對方卻居然立刻佔據埋佢嘅座位,令佢當場憤怒批評二人。

3歲男童上車後立刻衝去「搶位」,就算有人都堅持要坐?!Photo from 微博

其後男童仲踢到女事主,令佢忍唔住企起身同對方嘅家長理論!Photo from 《抓住幽靈》劇照

女事主當場批評二人!

從影片中所見,女事主已經開始同男童嘅家長理論緊,情緒激動咁話「讓他在這裏鬧半天」、「信不信我把你送去派出所(警局)」等;而與男童同行嘅家長就拒絕向女事主道歉,仲反駁「小孩子不懂事嘛」、「你和3歲孩子一樣嗎?小孩沒有錯!」,頓時令氣氛變得更加緊張!

而男童嘅家長就唔肯道歉,堅持話「小孩沒有錯」!Photo from 微博

期間男童不停大喊「滾地」Photo from 微博

即睇更多人氣文章:

男童發脾氣:小孩子坐坐還不行啊!

而男童當時已經坐喺座位上不停爆喊,期間亦有細細聲講「小孩子坐坐還不行啊!」而女事主隨即批評大人嘅管教方式,指「小孩就是你們大人在教的,你們(家長)反覆的教他,所以他就可以逃避所有事情!」而在場嘅其他乘客都幫手安慰男童及女事主嘅情緒,最終要由地鐵職員出面調解開先可以!

期間男童委屈咁話「小孩子坐坐還不行啊!」Photo from 微博

在旁嘅乘客幫手安撫男童嘅情緒。Photo from 微博

最終由地鐵職員幫手調停

據悉與男童同行嘅並非佢嘅父母,因為該女士喺片中話「他(男童)父母在上班」。當地鐵職員到場後,男童嘅家長講述事發嘅經過,但男童依然一臉委屈咁不停話「小孩子還不能坐」,即使到站之後佢扭計話「再坐一站才下車」,令同行嘅大人都無晒辦法!

男童之後仲發脾氣唔肯落車,堅持要坐多一個站先!Photo from 微博

連同行嘅大人都搞唔掂!Photo from 微博

網民批評男童態度!

呢段影片迅速喺網上瘋傳,唔少網民都認為男童嘅行為的確非常任性「不小心撞到人就應該要道歉」、「長大後真的不得了」等,男童任意妄為嘅態度受到網民批評!部份網民就覺得男童嘅外型或者口吻根本唔似3歲小朋友,從言談間可見佢根本就係恃住自己年紀少,所以先會直接「搶位」。

唔少網民都覺得男童嘅行為極任性!Photo from 微博

有網民就覺得就咁睇男童應該唔止3歲?!Photo from 《幼兒園》劇照

大人管教問題成主因?!

而大部分網民都將問題歸咎落大人嘅管教方式上,認為大人毫無歉意嘅態度都非常有問題「連男童的家長都覺得沒問題」、「這家人也太奇怪了」等。但有少部分嘅網民就覺得女事主講話太大聲,反而會嚇親小朋友,仲認為3歲嘅男童應該只係唔小心碰到佢嘅心口,絕對唔係專登?!

大部分網民都覺得大人管教小朋友嘅方式出現問題!Photo from 微博

父母如何管教小孩亦成為網民熱議嘅重點!Photo from 《BB來了》

部份網民就認為女事主反應太大?!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港媽要求乘客讓座畀10歲女兒!指成排都係關愛座:係畀小朋友坐!唔係畀你坐!

30 Sep , 2021

港鐵嘅「關愛座」係優先畀老人家、孕婦等人士坐。近日有網友喺網上發文指佢返工坐喺標記為關愛座隔離嘅座位時被一位帶住女兒嘅港媽要求讓座畀佢個女坐,仲過成排都係關愛座,係畀小朋友坐。

港鐵嘅「關愛座」係優先畀老人家、孕婦等人士坐。Photo from MTR

搭港鐵遇港媽要求讓座

網友投稿於Facebook「生仔要考牌系列」,佢表示自己星期六搭港鐵返工,佢因為要照顧家中嘅小baby,成個人都好攰,坐喺標示為關愛座隔離座位嘅佢為免坐過站,於時就玩下手機。

網友表示自己星期六搭港鐵返工,佢因為要照顧家中嘅小baby,成個人都好攰,坐喺標示為關愛座隔離座位嘅佢為免坐過站,於時就玩下手機。Photo from TVB

列車到達尖東時有一家四口上車,媽媽拖住目測10歲嘅女兒,爸爸推住BB車。事主稱個媽媽一上車就指住佢話:「呢度係關愛座,唔該你起身俾我個女坐」,令事主大為愕然。

廣告
廣告

列車到達尖東時有一家四口上車,媽媽拖住目測10歲嘅女兒,爸爸推住BB車Photo from TVB

事主心諗關愛座唔係隔離嗰兩個位咩?喺佢疑惑之際,坐喺佢另一邊無標示為關愛座座位嘅乘客就主動起身讓咗畀呢兩母女一齊坐。

坐喺事主另一邊無標示為關愛座座位嘅乘客就主動起身讓座Photo from TVB

港媽指成行座位都係關愛座,係畀細路坐

而港媽一坐低又係咁同個女講:「呢度成行都係priority seats(優先座)嚟㗎,係for children,not for adults」,令事主忍唔住出聲:「其實關愛座只係最側邊嗰兩個,其他嘅都係普通位」

港媽一坐低又係咁同個女講:「呢度成行都係priority seats(優先座)嚟㗎,係for children,not for adults」Photo from TVB

港媽即反駁:「呢度成行都係priority seats,係畀小朋友,唔係畀你坐㗎!」,事主毫不讓步,強調佢坐緊嘅唔係關愛座,又指任何有畀錢搭車嘅人士,都有權坐車廂中每一個位置:「唔係剩係畀你個咁大個嘅囡囡!」

港媽即反駁:「呢度成行都係priority seats,係畀小朋友,唔係畀你坐㗎!」Photo from TVB

事主反駁稱「讓座係人情,唔讓係道理」

事主到站後落車更遭其丈夫擋住去路,唔畀落車。事主力斥呢對夫婦:「未見過啲咁野蠻嘅人」,稱關愛座如果淨係畀小朋友坐,咁其他老人、孕婦等弱勢人士咪無得坐?

事主力斥呢對夫婦:「未見過啲咁野蠻嘅人」Photo from TVB

事主表示即使睇落好健全嘅人亦有可能有傷患病痛,需要坐底休息:「讓係人情,唔讓係道理。」,稱無人應該要為家長承擔照顧小朋友嘅責任:「如果你真係要你小朋友出親街都有位坐嘅,煩請你去call的士。」

事主表示即使睇落好健全嘅人亦有可能有傷患病痛,需要坐底休息Photo from TVB

網友力撐事主

唔少網友都力撐事主,認為關愛座本來就係任何人都坐得,只係優先讓座畀老弱傷殘人士,要求同請求係兩回事,事件中港媽態度惡劣,好無禮貌,個女又咁大個,完全無讓座嘅理由。

唔少網友都力撐事主,認為關愛座本來就係任何人都坐得Photo from MTR

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港媽無理要求乘客讓座俾兒子!網民:我返工都好辛苦

8 Sep 2021

暑假已經完結,學生們都要重返校園喇,相信大家搭車嘅時候都會特別擁擠!最近,有網友就喺討論區表示朝早返工嘅時候,遇到港媽居然公然要求佢讓座俾佢嘅小朋友坐,仲話「佢返學好辛苦㗎」,令網友表示十分震驚!

港媽竟公然要求別人讓座?!Photo from TVB

#網友分享朝早返工經歷

最近學生們都開咗學,相信唔少家長又開始要接送佢哋嘅小朋友返學放學喇。日前,有位網友就喺討論區講述自己早上返工時遇到嘅「荒謬」景象,並以「依家啲小學生真矝貴」出post,引起網民熱議!

網友分享返工搭車嘅經歷!Photo from 親子王國討論區

網友表示朝早喺黃埔站上車搭地鐵返工,由於該站係總站,所以大家上車嘅時候都有位坐。直到去到何文田站嘅時候,有對母子就上咗車,不過當時車廂內嘅座位都已經坐滿晒人,佢表示目測嗰位小朋友已經讀緊小三或小四。

網友表示自己於總站上車 因此好輕易就搵到位坐Photo from TVB

#港媽要求讓座俾仔仔坐!

呢位港媽就突然走去網友面前話「小姐,你起身俾個位我個仔坐啊,佢返學好辛苦㗎」;呢位網友聽到嘅時候感到非常無奈回覆「唔好意思,我有啲唔舒服」,婉拒港媽嘅要求。

港媽周圍「要求」人讓坐俾仔仔坐!Photo from TVB

開學後人流開始變多Photo from TVB

#繼續問其他乘客

之後,港媽執迷不悟咁繼續搵其他乘客,但佢哋都唔願意讓座俾佢小朋友坐,搞到呢位港媽怒羞成怒「有冇搞錯啊!而家啲人唔識讓座㗎咩?!」不過呢對母子喺太子站就已經落咗車,令網友不禁認為「只係坐3個站有冇咁辛苦啊」!再加上,網友認為港媽已經幫佢小朋友孭住埋書包,唔明白點解咁佢依然覺得小朋友攰?!

港媽對於冇人願意讓坐深感不滿!Photo from TVB

#網民認為現今怪獸家長多!

唔少網民睇完都表示港媽完全就係一位「怪獸家長」,認為呢位媽媽嘅行為太誇張,簡直令佢哋大開眼界;有部份網民就認為既然港媽咁緊張自己嘅小朋友,就應該自己買車「返學咁辛苦,應該買架車,點到點接送」、「搭的士啦咁辛苦」等。

網民認為港媽唔應該帶小朋友搭其他交通工具!Photo from 親子王國討論區

另外,有唔少網民都分享自己平時所遇到嘅「怪獸家長」,認為而家有部份家長都過份保護小朋友,亦因為咁樣導致好多港孩嘅出現!

網民分享自己曾經遇過嘅「怪獸家長」經歷!Photo from 親子王國討論區

網民認為現今社會有好多呢類型嘅港媽!Photo from 親子王國討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel