戶外活動推介! 貝澳觀星露營/花園野餐/燒烤派對 低至$398 農場餵小動物+生態工作坊

戶外活動推介! 貝澳觀星露營/花園野餐/燒烤派對 低至$398 農場餵小動物+生態工作坊

香港好去處 生活熱話
By Moon Lam on 28 Sep 2022
Digital Content Writer

呢幾日終於有返少少秋天嘅感覺,係時候出動係舒服嘅天氣下享受戶外活動!今次推介多個戶外活動,有齊野餐、燒嘢食同露營,低至$398/位就可以係貝澳暢玩,場內仲有唔同設施提供,唔理一家大細定老友鬼鬼都可以一齊親親大自然!

是次優惠有3種戶外活動可以選擇,一共5種方案,價格仲已經包括埋膳食同器材,參加者唔洗自備物品,唔洗一揪二袋咁唔方便,玩得自然開心啲~

一站式花園野餐組合

首先係花園野餐,可以係貝澳盡情享受陽光與草地,食物包括田園美食拼盤,可以係家製薄脆批薩、傳統意大利批薩、橄欖批薩、純素芝麻菜批薩、意式辣肉腸批薩同夏威夷批薩中選一款,仲有厚薯條,炸春卷,酥皮咖喱角,印式咖喱角同特色果茶,全部都係方便得黎又好味嘅食物,野餐低至$398/位~

去得野餐當然唔少得打下卡,貝澳草地景色優美,野餐套票除咗包精美食品,仲包埋打卡神器,有天幕、枱、野餐墊、野餐籃同餐具。此外野餐仲有親子套票,只需$998包兩位成人同兩位小童,同親人朋友一齊分享美食打下卡共渡美好時光~

晚上戶外燒烤派對組合

然後就係燒烤套餐,每位$498包10人份量嘅BBQ美食,工具方面已經有齊蜜糖、炭、網、燒烤夾同餐具,仲有專人幫手開埋爐,黎到即刻就可以享受燒野食嘅樂趣!食物款式包括自家製麵包、窯燒雞、西冷牛扒、青口、三文魚扒、豬金沙骨、雞翼、魷魚、雜丸、雞肉腸、栗米同新鮮菠蘿,仲有當地農場自家種植嘅田園沙律同時令有機菜湯,歎BBQ之餘都可以食得健康!

秋天觀星露營帳幕體驗

最後到露營帳幕體驗,貝澳除左早上景色宜人,夜晚仲可以觀星,現只需$799/位就可以係貝澳玩足全日兼係草地上體驗露營,小童更低至$499/位,價格已包括帳幕、枕頭、地墊同睡袋,場內亦有冷熱水浴室、洗手間同共用雪櫃,包埋晚餐同早餐!仲歡迎攜帶寵物入住,只要係預約時註明就得,可以同毛孩留低難忘嘅回憶~

帶埋毛孩一齊玩~

廣告
廣告

燒烤晚餐可以選擇純素燒烤套餐同普通燒烤套餐,純素燒烤套餐有自家製麵包、素腸、素丸、豆卜、同各款新鮮時蔬,仲有喇沙娃娃菜金菇螺絲粉同牛油果釀青椒,仲有泰汁秘製腐乳醬,素食唔一定好Dry嘅~而普通燒烤套餐除咗自家製麵包仲有羽衣甘藍藜麥沙律配混合堅果、紐西蘭西冷、羊架、彩虹鱒魚、金沙骨、雞翼、雜丸、雞肉腸、粟米等,相當豐富~次日就可以選擇新輝茶室嘅早餐,全日素早餐、雜菜炒米粉、素扒湯米粉/通粉、自家製果醬包/多士4選1,食飽玩夠先離開~

仲有生態工作坊

場地內仲有其他設施,無公害農場係星期一、四、六下午3點半至4點半開放,而星期二、三、五、日就開放早上9點半至10點半同3點半至4點半,期間仲可以餵飼場內嘅羊仔!農場內仲有超得意嘅兔仔同陸龜等小動物,不過就只供欣賞~

如果係星期日參加嘅朋友仔仲可以參加假日限定生態工作坊,由早上10點半至中午12點舉行~此外場內亦有小朋友放電專區,可以係迷你動物園同彈彈床盡情遊玩,而大朋友亦可以係復古老爺車到打卡,附近仲係鳳凰山徑、芝麻灣越野單車徑,又或者可以步行5分鐘到貝澳沙灘,一齊黎感受大自然嘅魅力啦!

優惠期由即日起至2022年12月23日

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel