download HolidaySmart 假期日常 app
準媽媽不滿老公畀錢奶奶幫湊B 4大原因拒奶奶幫手 網民建議請陪月

準媽媽不滿老公畀錢奶奶幫湊B 4大原因拒奶奶幫手 網民建議請陪月

時事熱話 生活熱話
By jack on 28 Sep 2022
Digital Content Writer

孕婦很需要人悉心照顧,有人會選擇請陪月減輕負擔,有人則請家人幫忙節省一筆,早前一位懷孕4個月的準媽媽受此問題困擾,糾結在請陪月及交由奶奶照顧之間,她發文指奶奶一直暗示想幫忙湊B,其伴侶同意並表示會付錢給對方,此舉令事主感到不滿,認為既然要付錢,何不請專業陪月員幫手?

《未來媽媽》Photo from 《未來媽媽》

4大原因唔想奶奶幫手

該準媽媽於討論區「Baby Kindom」發文,表示懷孕4個多月,其奶奶一直暗示想幫忙湊B,自己老公更一口答應更主動提出付錢給她,事主心感不滿,認為既然要付錢找人幫忙,何不直接聘請專業陪月員,對老公做法感到不解「真係唔知老公個腦諗緊乜」,她坦言不想奶奶幫手湊B,更舉列出以下4大原因。

1.與奶奶關係一般

事主表明與奶奶關係一黎,一個月只見面兩至三次,怕長時間相處覺得尷尬。

《BB來了》Photo from 《BB來了》

2.覺得奶奶煩及長氣

事主表示奶奶經常向自己分享做人新抱的經驗,但她認為奶奶的做法已經不合時宜,只覺得對方的說話是煩及長氣。

《BB來了》Photo from 《BB來了》

3.奶奶湊B經驗少

事主指奶奶除了照顧其兒子(即事主老公)外,就沒有其他照顧小孩的經驗,相信找專業的陪月員會照顧得更好。

《BB來了》Photo from 《BB來了》

4.講錢傷感情

事主坦言講錢傷感情,但若要找奶奶幫忙全為不想付錢,表示自己要與奶奶日對夜對犧牲很大,若要付錢的話,她寧願請工人、陪月或鐘點女傭。

《BB來了》Photo from 《BB來了》

網民一致認同請陪月較好

事件引起網民關注,大部分人建議請陪月幫忙是較好的做法,指出付錢請外人的話,可以沒有顧慮地命令對方做事,相反是奶奶的話就難以啟齒,甚至奶奶會反過來要求你幫手,「如果明知奶奶果套同自己唔夾,一定搵陪月,情願比錢叫奶奶唔好黎」、「如果比得錢嘅,搵陪月啦,人地再專業啲」有網民建議事主可婉轉些向男家表明想法「既然要俾錢 不如請個外人返嚟勞役,點要求都得,甚至語氣差啲都仲得,奶奶收嗰兩萬咁少錢做到隻狗咁有乜謂呢,請佢輕輕鬆鬆負責坐,齋嘆,玩下孫咪好」 同時有人建議事主「先斬後奏」,向奶奶解釋娘家一早聘請了陪月幫忙,示意不用奶奶操心。

《BB來了》Photo from 《BB來了》

過來人表示相處多難免有婆媳糾紛

不少網民分享相關經驗,表示找奶奶幫忙照顧孩子,很容易出現問題「以過來身份,勸妳請陪月啦!免卻一切麻煩,得到真正休息及正確補身調理身體!」、「當坐月時候會好攰,你奶奶仲不停喺度講嘢,你會覺得好煩!」有人表示試過找奶奶幫忙後,對方突然反口不認數,最後還是要靠自己照顧,亦有不少人指出與奶奶意見不合時,害怕影響關係,難以表露真正想法,產後可能會出現情緒病。其後事主留言感謝網民支持及提出意見,表示自己最後決定請陪月幫手「我陀成4個幾月先嚟搵,比其他人遲成個月,希望都會搵到岩心水」

《BB來了》Photo from 《BB來了》

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel