人妻容許老公偷食設6大條件 第三者呻自己無地位 震撼網民三觀?

人妻容許老公偷食設6大條件 第三者呻自己無地位 震撼網民三觀?

時事熱話 生活熱話
By Moon Lam on 29 Sep 2022
Digital Content Writer

發現伴侶偷食多數人都會覺得難以接受,網上不時都會有發現另一半偷食嘅網友詢問自己應該點處理感情關係。不過今次竟然係香港有人妻接受另一半有情婦,仲邀請佢「三人行」,不過就要遵守6大規則,搞到情婦好委屈,上網問網友點算好!

《夫妻的世界》劇照Photo from 《夫妻的世界》劇照

最近有港女係社交平台匿名分享自己嘅感情狀態,以「我同佢老婆相處融洽但係完全無地位」作標題。樓主表示兩年前同對方因為工作而認識,一開始就講明知道對方有家室,仲好錫老婆,但因為樓主對佢一見鍾情,所以做咗朋友一段時間就表白。

《夫妻的世界》劇照Photo from 《夫妻的世界》劇照

男方雖然錫老婆,但竟然接受樓主嘅感情,於是就開始咗長達一年半嘅婚外情,而男方老婆並唔知情。樓主曾經講過自己想係30歲前結婚,所以要求男方同老婆離婚,不過男方一口拒絕,仲話老婆係佢最愛嘅人,永遠都唔會離開佢。

《夫妻的世界》劇照Photo from 《夫妻的世界》劇照

廣告

樓主後來就話正印係最近幾個月知道咗老公偷食,不過就同常人唔同,不單止無狠心離婚或者默默忍受,反而仲對樓主呢個第三者好好,有時仲會一齊食飯,而正印亦同樓主坦言男方並唔係第一次偷食,而自己因為無蝕底而繼續縱容男方有第三者。

《多功能老婆》劇照Photo from 《多功能老婆》劇照

正印表示佢可以接受「三人行」,不過就要遵守佢定嘅6條規矩,樓主坦言「冇蝕底依3個字先係惡夢嘅開始」,連男方亦要求樓主如果想繼續一齊就要遵守,否則就可以隨時離開。

《夫妻的世界》劇照Photo from 《夫妻的世界》劇照

1. 樓主同男方一星期只可以約會一次,其餘時間都係夫妻二人時間,或者三人行,但如果選擇三人行,樓主只可以望住佢地拖手或者有親密行為。

廣告

2. 樓主可以搬去同佢地同居,但就要承擔全部家務,加上兩夫妻住係主人房,而樓主住係客房,所以唔可以同男方係屋企發生性行為。

3. 樓主如果同佢地住埋一齊需要交租,而男方嘅人工全部上繳比妻子,所以如果屋企有咩需要用錢就要同男方老婆一齊去買。

4. 身為情婦,樓主要「聽曬佢老婆話」、「佢老婆講咩就要做」,更唔可以令正印唔開心,否則男方就同樓主分手。

5. 樓主唔可以懷上男方嘅BB,就算真係懷孕夫妻二人都唔會承認,亦唔會比錢養或照顧個BB。而樓主亦補充兩人好少有性行為,而且有做足安全措施。

6. 兩夫妻唔會因為有情婦而離婚,所以樓主唔可以再講離婚嘅話題。

《夫妻的世界》劇照Photo from 《夫妻的世界》劇照

廣告

樓主認為幾個月間大家相處好融洽,而正印老婆亦對佢好好無為難佢,不過就覺得自己作為第三者係屋企好無地位,完全無話事權,亦表示「唔想離開我男朋友」。樓主好奇正印老婆點解可以咁大方容許另一半偷食,但又堅持唔離婚,而詢問眾網友點先可以令佢地離婚,令自己可以同男方順理成章一齊。

《夫妻的世界》劇照Photo from 《夫妻的世界》劇照

帖文發表後即刻引起唔少網民轉載同留言,唔少人對呢段關係表示「究竟我睇咗啲乜?」,認為樓主、男方同正印老婆都完全脫離正常人應有嘅價值觀;不過亦有網民覺得正印好醒,唔止令樓主變成免費工人,仲有得收租!

《夫妻的世界》劇照Photo from 《夫妻的世界》劇照

網民亦指樓主作為第三者根本唔應該奢求有地位或被尊重,夫妻二人有比選擇權樓主,係樓主選擇接受以上6個條件,如果接受唔到就應該離開。有人更指出「兩公婆都好識玩」,正印老婆提及男方不止一次婚外情,相信兩人一早已經約法三章容許開放式關係,而樓主只係其中一位,勸樓主應該及早抽身。

IG@couple.murmur 截圖Photo from IG@couple.murmur 截圖

廣告

IG@couple.murmur 截圖Photo from IG@couple.murmur 截圖

IG@couple.murmur 截圖Photo from IG@couple.murmur 截圖

IG@couple.murmur 截圖Photo from IG@couple.murmur 截圖

IG@couple.murmur 截圖Photo from IG@couple.murmur 截圖

《金魚妻》劇照Photo from 《金魚妻》劇照

即睇全文:

廣告

IG@couple.murmurPhoto from IG@couple.murmur

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel