盤點6位財力豐厚YouTuber!微辣女藝人大部份都好有錢?大晒名牌收藏,享受生活

盤點6位財力豐厚YouTuber!微辣女藝人大部份都好有錢?大晒名牌收藏,享受生活

生活熱話
By Stephanie on 11 Nov 2022
Digital Content Writer

現時係社交媒體盛行嘅年代,KOLYouTuber已經成為一個全新嘅職業。而且好多品牌都會尋找佢哋幫手宣傳,接job接唔停手,成功賺到唔少錢!努力工作嘅背後,Youtuber們都會好好犒賞自己,好好享受生活~宜家即睇6位財力豐厚Youtuber嘅生活啦~

現時唔少KOL嘅數目超多,而佢哋嘅工作量都源源不絕!Photo from 佩男IG

1)Rosalina @ 微辣

現時IG擁有18.5萬人追蹤嘅Rosalina性格文靜,平時熱愛睇書,大晒文青生活~近日佢就被網民發現佢手上配戴嘅手錶價值不菲,透過款式及設計推測好大機會係Audemars Piguet Royal Oak 26234SR 寶齊萊限量款手錶,售價大約係$40萬港幣辣;而翻查二手買賣網站,現時呢款手錶已經炒到$63萬喇!

最近,Rosalina被網民發現手上所戴嘅手錶價值不菲!Photo from Rosalina IG

呢款Audemars Piguet Royal Oak 26234SR 寶齊萊限量款手錶現時喺二手買賣網站標價大約$63萬!Photo from carousell

唔少網民都驚訝原來Rosalina嘅財力驚人,並對佢嘅家世感到好奇。有網民爆料指Rosalina本身家底已經唔錯,而佢2020年結婚時頸上面至少掛住咗10隻龍鳳鐲,相信丈夫嘅屋企背景都絕對唔惹少!而佢上年誕下兒子面面時亦選擇住喺醫院嘅私家單人房,花錢絕不手軟!

2020年, Rosalina結婚時頸上面至少有10隻龍鳳鐲,架勢十足!Photo from Rosalina IG

上年生BB時,亦選擇住喺私隱度高嘅單人房。Photo from Rosalina IG

2)多多 @ 微辣

同Rosalina關係超好嘅多多(Doris)人氣都好高,受到唔少美妝品牌嘅青睞。而佢亦不時喺IG上載名牌手袋、揸靚車嘅照片,生活富貴!

微辣嘅多姐(Doris)都係人氣極高嘅KOL!Photo from Doris IG

不時喺IG大晒名牌手袋Photo from Doris IG

早前,多多同老公一齊拍片,叫對方估佢平時所購買嘅名牌手袋或者化妝品嘅價錢。期間多多亦大晒自己嘅名牌手袋收藏,而佢老公都非常厲害咁估得出大約嘅價錢,被網民大讚好細心!不過其中一條CHANEL嘅腰帶售價係過萬蚊,就令佢老公忍唔住嚇咗一跳。

早前多多同老公拍攝估名牌價錢嘅遊戲Photo from 多多YouTube

上面嘅CHANEL腰帶價值過萬蚊,就令多多老公嚇親!Photo from 多姐YouTube

而佢老公都好細心地記得名牌手袋嘅大概價錢。Photo from 多多YouTube

3)Pumpkin Jenn

美妝YouTuber「Pumpkin Jenn」早於2013年就開始擔任YouTuber,主要向大家分享保養及化妝心得。而佢過往受訪時曾自爆月入有6位數,而近年佢仲同朋友投資開純素護膚品牌Woke Up Like This(WULT),現時已經喺香港開設咗3間門店。

Jenn曾自爆一個月賺到6位數!Photo from pumpkinjenn IG

近年Jenn同朋友一齊投資咗一間自家純素護膚品牌Photo from pumpkinjenn IG

Jenn而佢亦不時喺YouTube展示自己嘅屋企,擁有屬於自己嘅衣帽間,仲有一個櫃係專放自己嘅名牌手袋收藏!近日,有指佢已經同前天堂鳥成員Tyrese分手,2020年男方向佢求婚成功,可惜現時二人卻已經分道揚鑣。

Jenn已經與前天堂鳥成員Tyrese交往多年,而男方已向佢求婚。近日二人驚傳分手傳聞。Photo from pumpkinjenn IG

而佢亦有拍片分享自己嘅衣帽間及名牌手袋收藏Photo from pumpkinjenn YouTube

即睇更多人氣文章:

廣告
廣告

4)雪姨

人稱「富貴KOL」嘅雪姨過往於公屋出身,全憑自己嘅努力賺取第一桶金,仲拍片分享過致富之道,喺2年內儲到$10幾萬。其後佢就靠呢啲積蓄進行投資,並喺網絡上寫Blog分享美容心得等賺錢,可以稱得上係原始KOL!

雪姨曾經分享自己每個月都會將固定擺一筆錢落戶口儲,成功逼自己儲咗一筆錢Photo from 雪姨YouTube

而佢亦算得上係最初代嘅KOL~Photo from 雪姨IG

富有商業頭腦嘅雪姨後來選擇開YouTuber公司,坐擁8間公司,其中有份同陳凱琳一齊合作嘅化妝棉公司。上年佢就一口氣買下價值千萬嘅北角半山豪宅俾媽媽,為答謝媽媽從小到大獨立養育佢嘅辛勞。

上年雪姨用千萬買下位於北角嘅單位送俾媽媽!Photo from 雪姨YouTube

而雪姨同時擁有8間公司!Photo from 雪姨IG

5)佩男、思男@ 微辣

微辣「姐妹檔」佩男及思男近日一齊開咗一間cafe,兩姐妹榮升做老闆娘~佢哋兩個靠獨特嘅個人風格,成功獲得唔少服裝及美妝品牌嘅青睞,工作超多!

佩男同思男最近一齊開咗一間cafe~Photo from 佩男YouTube

兩姐妹都憑獨特風格,獲得唔少品牌嘅青睞~Photo from 思男IG

過往佩男同思男都曾經喺屋企拍片,睇得出佢哋屋企嘅空間非常大,裝修簡潔優雅。而家姐佩男平時亦有分享過自己喺CHANEL所購買嘅戰利品,似乎對呢個品牌情有獨鍾呢~

而佢哋兩姐妹所居住嘅屋企空間都好大㗎~Photo from 佩男YouTube

佩男過往拍片分享自己嘅CHANEL收藏品!Photo from 佩男YouTube

6) Emi Wong

Emi Wong係一名運動型YouTuber,主要上載健身及分享瘦身心得,YouTube頻道擁有逾566萬人訂閱。而佢亦一直佔據咗香港YouTuber年收入Top10嘅位置,根據網上嘅數據佢仲係香港YouTube頻道總訂閱數嘅第一位!

Emi Wong係一名健身性KOL,YouTube訂閱人數足足有566萬咁多!Photo from Emi Wong IG

而佢就曾經拍片分享自己搬新屋,只見單位能夠飽覽海景及夕陽,超有氣氛。而佢亦經常同丈夫一齊出國旅遊,十分識得享受生活~

而佢曾經上載新屋嘅超靚海景~Photo from Emi Wong YouTube

佢亦經常出國去旅遊~Photo from Emi Wong IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel