出租20年單位收樓竟全屋發霉 業主崩潰稱要重建 網民震驚:似鬼屋

出租20年單位收樓竟全屋發霉 業主崩潰稱要重建 網民震驚:似鬼屋

時事熱話 生活熱話
By Moon Lam on 29 Sep 2022
Digital Content Writer

租樓最怕遇到無良業主,不過業主都怕遇到「極品租客」!有業主係網上分享,將物業租比同一個租客20年,直到近日收樓當場嚇窒,全屋牆身嚴重發霉,周圍都充斥住唔同嘅油垢污垢,形容為「下水道風」,更可能要全屋拆過重建!

《上流寄生族》劇照Photo from 《上流寄生族》劇照

放租20年單位

一名台灣網民係Facebook群組「爆廢公社公開版」分享,表示30年前同屋企人係台中居住,讀小學時搬走,於是家人將物業租比同一個租客,至今已經過去20年,樓主表示物業係台中市非常就腳嘅地方,月租1萬台幣(約港幣$2500)。

《香港愛情故事》劇照Photo from 《香港愛情故事》劇照

樓主長大後返到台中工作,曾經多次要求家人收回物業比佢自住,自己亦會比返租金家人,不過樓主嘅媽媽念及該租客經濟條件麻麻,有時仲有欠租情況,就一直無要求對方搬走,於是樓主就要用更多錢租其他唔係精華地段嘅地方。

《殺手》截圖Photo from 《殺手》截圖

收樓發現污糟到「唔似人住」!

直到近日毫由租客主動退租,樓主媽媽就打算收回物業,留比樓主等佢唔洗再出去租屋,收樓時「居然是這個模樣」!事主形容為「我以為租給忍者龜,把房子打造成下水道風格」,從佢分享嘅圖片中可見,全屋大小角落都嚴重發霉,客廳、浴室嘅牆同地板都發黑同滿佈霉菌﹐而廚房嘅牆就係萬年油垢,紗窗上亦堆積咗厚厚一層灰塵﹐睇落認真核突!

Facebook 截圖Photo from Facebook 截圖

Facebook 截圖Photo from Facebook 截圖

單位或需拆除重建

樓主表示好彩細個有係呢到住過一段時間,所以對原本嘅屋內環境有啲印象,如果唔係嘅話「跟我說裡面死了幾十個人我都相信」,至於收樓後要翻新單位,樓主就表示雖然廁所嘅磁磚容易清理,不過睇情況霉菌已經滲入磁磚之間嘅水泥縫,細菌只會不斷滋生,為咗健康著想只好重新裝修單位,而且係「整個拆除重建」。

廣告
廣告

Facebook 截圖Photo from Facebook 截圖

租客女兒超厚面皮!

樓主亦補充指按金係欠租時已經扣清,而自己同家人無要求租客繳付額外費用,包括所有翻新費用,反而係租客嘅女兒係退租後向佢地提出,如果業主將單位清理乾淨,佢地就有意繼續租住,令事主超無言。

Facebook 截圖Photo from Facebook 截圖

網民質疑有其他用途?

帖文發表後即刻引黎大批網民留言,唔少人都被屋內環境嚇親,直言似鬼屋、宮廟,更指焚化爐內部都比間屋乾淨,「這不是人住的吧」,無法想像租客點樣係到住20年,亦好奇係咪20年來都無打掃過衛生,點樣住可以住到咁污糟。有眼利既網民就認為屋內無擺放家具既痕跡,更指「100%有別的用途」。

Facebook 截圖Photo from Facebook 截圖

有網民就指出打掃同經濟條件無關係,純粹係租客衛生習慣差到離譜;亦有網民替樓主感到不忿,認為租客嘅女兒竟然仲有面叫樓主一家整理乾淨再繼續租住,亦指樓主一家人實在太善良!

Facebook 截圖Photo from Facebook 截圖

Facebook 截圖Photo from Facebook 截圖

Facebook 截圖Photo from Facebook 截圖

的確同忍者龜住嘅下水道同一個色調!Photo from 《忍者龜》電影截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel