23歲男公園跑步認識50歲阿姨,突然獲對方贈送$8千?!網民驚嘆:阿姨追仔技術高超?

23歲男公園跑步認識50歲阿姨,突然獲對方贈送$8千?!網民驚嘆:阿姨追仔技術高超?

生活熱話
By Stephanie on 30 Sep 2022
Digital Content Writer

如果有人願意「養」你,大家又會唔會肯接受呢?!日前,一名23歲嘅男生喺討論區上分享被女生倒追嘅經驗,但結果卻令佢出乎意料之外。佢話今年初喺公園跑步時,認識咗一名50幾歲嘅「王阿姨」。其後二人因為經常喺公園偶遇而變得熟悉,仲開始一齊食飯,直到最近女方突然轉錢俾佢,令佢極度驚慌!

23歲男生喺討論區分享匪夷所思嘅經歷,佢表示唔敢想像自己居然喺現實中遇到~Photo from 《向西聞記 新春sp:阿姨!我不想努力了》

23歲男分享「獵奇」經歷

最近,一名23歲嘅台灣男生喺討論上表示遇到一件超荒謬嘅事情,就連同身邊嘅朋友講都唔敢!事源係今年4月男生喺公園跑步期間,認識咗「王阿姨」,本身佢以為對方只係得30歲,但後來先得知原來佢已經50歲。而男事主自稱身材長相都標準,而且成日俾人話「散發好人感覺」,經常都會被陌生人拉住傾計,所以就並冇為意。

23歲台灣男生講述喺公園認識一名50歲王阿姨嘅經歷!Photo from Dcard 討論區

今年4月喺公園慢跑時認識嘅Photo from 《心情好又暖》劇照

公園慢跑時認識50歲「王阿姨」!

而樓主表示同王阿姨姨第一次見面嘅時候,當時女方仲同另一名朋友一齊,並請求樓主幫佢哋合照。不過拍攝完畢之後,王阿姨似乎唔太滿意,所以就主動詢問樓主「係咪用iPhone?」希望能夠用佢嘅手機幫手影相。其後樓主就順理成章咁同王阿姨交換咗LINE嘅聯絡方式!

樓主第一次見王阿姨嘅時候,係因為受對方拜託幫手影相Photo from 《二十五二十一》

其後二人因為send相,而互相交換咗聯絡方式。Photo from 《怪阿姨》劇照

其後二人變得熟絡

之後,王阿姨不時都會私訊樓主相約一齊慢跑;而樓主見對方係長輩,所以偶爾亦會應約。隨住認識嘅時間長咗,二人變得更加熟悉,王阿姨仲開始叫樓主上佢屋企食飯。初時,樓主都會立刻拒絕,但基於對方熱情嘅邀約,令最終都答應去對方屋企作客。

而王阿姨亦開始邀請樓主上佢屋企食飯,二人嘅關係似乎變得越來越好。Photo from 《婚內情》劇照

即睇更多人氣文章:

為王阿姨慶生,對方突然「示愛」?

王阿姨開始將樓主視為自己嘅好朋友,曾經同佢分享與前夫嘅離婚經歷;仲不停強調希望樓主為佢慶祝生日,唔希望獨自一人過。直到女方生日當日(28/9),樓主一出現就立刻令王阿姨感動落淚,而對方係食飯期間不停話「沒人愛也沒小孩一直都很孤單。謝謝你陪我跑步,讓我感受到愛!」開始令樓主心感不妙!

王阿姨不停咁要求樓主同佢一齊慶祝生日,仲話自己離婚之後就好寂寞!Photo from 《女人唔易做》劇照

而樓主聽到王阿姨嘅「告白」後,忍唔住開始驚驚地。Photo from 《那年我們的夏天》

轉帳8千蚊俾樓主?!

食完飯後,王阿姨突然同樓主講「每個月會給你35,000台幣(約港幣8,600)當作零用錢,要常常陪我。」雖然樓主當場拒絕收錢,但對方已經極速喺手機轉咗錢俾佢,而樓主就不知做措咁話「阿姨我真的不行啦!」

王阿姨喺食完飯之後,突然轉錢俾樓主,仲同佢講希望將來對方都可以多啲陪佢?!Photo from Dcard 討論區

樓主拒絕唔成功,仲搞到佢唔知點算好。Photo from 《二十五二十一》

女方似乎想開展「奇妙」關係!

等見面完回到屋企後,樓主收到王阿姨嘅短訊「今天很開心跟你共度美好一天,下次再帶我去玩!」並附上二人嘅合照及「愛你哦」嘅Sticker,令樓主超慌張「曾經我也當過那個開玩笑說阿姨我不想努力的人,直到今天才發現我就算真遇到了也不敢答應」忍唔住詢問廣大網民嘅意見。

王阿姨之後再私訊樓主,希望能夠維持現有嘅關係Photo from Dcard 討論區

樓主超驚訝,決定詢問網民們嘅意見。Photo from 《鬼怪》劇照

網民搞笑回覆!

好多網民睇完嗰post之後,都忍唔住講笑咁話「好羨慕喔!」、「繼續下去就可能有車有房」等。亦有網民覺得王阿姨可能從第一次見面,已經開始計畫要如何接近樓主,令網民直呼「係真愛」!

網民紛紛留言表示羨慕~Photo from Dcard 討論區

網民都講笑指樓主應該好快可以賺到第一桶金~Photo from 《金湯匙》劇照

好心建議與王阿姨講清楚

不過部份網民就覺得樓主既然唔想接受呢段「關係」,就應該主動將金錢轉返俾王阿姨;而且亦勸喻樓主同對方講清楚,並且改變以後跑步嘅路線,盡量避開佢!

部份網民就提議樓主要同王阿姨講清楚!Photo from Dcard 討論區

網民提議佢以後唔好再去嗰個公園!Photo from 《柔美的細胞生活2》劇照

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

50歲女董事長下嫁25歲打工仔引熱議!婆媳合照如姊妹!網友:阿姨我不想努力了

14 Apr , 2022

內地一間婚慶公司喺網上分享咗一啲婚禮影片,片中新娘同新郎相差25年,但兩人喺婚禮上互動甜蜜,被問到會唔會同老婆白頭到老,新郎更高喊「我願意」。片段引起網民熱議。

內地一間婚慶公司喺網上分享咗一啲婚禮影片,片中新娘同新郎相差25年Photo from 微博

近日內地網上流傳部分婚禮現場影片,片段好快就獲得幾十萬讚好同評論,喺網上掀起話題。原來片中嘅新娘50歲,係嚟自山西嘅一名董事長,佢為愛遠嫁唐山。

片中嘅新娘50歲,係嚟自山西嘅一名董事長,佢為愛遠嫁唐山。Photo from 微博

呢位女董事長嘅結婚對象係一名25歲嘅年輕人,仲係公司嘅一名打工仔,新郎新娘無論係年齡、人生閱歷、收入、社會地位都有住唔細嘅差距。

女董事長嘅結婚對象係一名25歲嘅年輕人,仲係公司嘅一名打工仔Photo from 微博

據知兩人最初以姊弟相稱,點知相處之下卻產生情愫,發展出一段忘年戀!新娘指老公為人熱情真誠、憨厚老實,無懼世俗目光決意下嫁。

新娘指老公為人熱情真誠、憨厚老實,無懼世俗目光決意下嫁。Photo from 微博

微博Photo from 微博

喺婚禮上,兩人互動甜蜜,彼此眼神中都充滿愛意,新郎表示老婆好識照顧人,被問到願唔願意同新娘共赴白頭,新郎拎住支mic大嗌:「我願意!」

被問到願唔願意同新娘共赴白頭,新郎拎住支mic大嗌:「我願意!」Photo from 微博

新郎嘅父母都表示非常滿意新抱,指新娘好有本事,感歎自己個仔娶到佢係一件光宗耀祖嘅事。婚禮期間,奶奶亦早早出門迎接新抱,據知佢年齡比新娘仲細2歲,但兩人關係好好,不時深情相擁,婆媳合照好似姊妹咁!

新郎嘅父母都表示非常滿意新抱,指新娘有本事Photo from 微博

婚禮期間,奶奶亦早早出門迎接新抱,據知佢年齡比新娘仲細2歲,但兩人關係好好,不時深情相擁,婆媳合照好似姊妹咁!Photo from 微博

有網民即表示:「阿姨我不想努力了」、「不想再奮鬥」,亦有女網友指以後路過幼稚園都唔敢太大聲,怕阻住未來老公學習。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

19歲護理員與89歲老翁譜忘年戀!結婚不足一年新娘現形 望認知障礙老公早日離世繼承遺產

16 Apr 2021

美國有一位19歲護理員Olivia Stone喺護理院照顧89歲院友Lee Hopkins,兩人漸生情愫竟譜出爺孫戀,點知女方結婚後被友人爆出佢只為得到對方家產,被網友怒轟!

美國有一位19歲護理員Olivia Stone喺護理院照顧89歲院友Lee Hopkins,兩人漸生情愫竟譜出爺孫戀Photo from Olivia Stone Twitter

美國一位患認知障礙症嘅老伯伯Lee Hopkins,因為妻子車禍身亡搬入護理院居住,點知竟然同相差70年、年僅19歲嘅護理員Olivia Stone擦出愛火,共譜忘年戀。

據知Olivia其實並非全職護理人,只係負責餵Lee食藥,估唔到兩人互生情愫,最後更結婚成夫婦。

據知Olivia其實並非全職護理人,只係負責餵Lee食藥,估唔到兩人互生情愫,最後更結婚成夫婦。Photo from Olivia Stone Twitter

當時Olivia聲稱佢絕對唔係貪圖Lee嘅財產,而係為咗「真愛」而決意結婚,更喺Twitter晒出多張恩愛合照。

Olivia喺Twitter晒出多張恩愛合照。Photo from Olivia Stone Twitter

但好快佢就露出「真面目」,Olivia同Lee結婚無幾耐,Olivia嘅朋友就爆出佢哋嘅對話記錄,Olivia之所以會嫁畀Lee係因為「我會成為唯一財產繼承人」。

Olivia嘅朋友就爆出佢哋嘅對話記錄,Olivia之所以會嫁畀Lee係因為「佢會成為唯一財產繼承人」。Photo from Twitter

Olivia仲多次喺Twitter嘲諷Lee:「成為寡婦嘅日子就到喇!可能會喺30歲之前,離嗰日越嚟越近!」、「佢(Lee)可能會喺聖誕節之前死」。

Olivia仲多次喺Twitter嘲諷LeePhoto from Olivia Stone Twitter

Olivia甚至直接對男網友講:「如果我做咗寡婦,你仲想唔想要我?」,大批網友認為Olivia純粹呃錢,湧入佢Twitter留言鬧爆,而Olivia見群情洶湧,唯有關閉Twitter帳號。

Olivia甚至直接對男網友講:「如果我做咗寡婦,你想唔想要我?」Photo from Olivia Stone Twitter

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel