李佳芯節目中自爆分手真正原因,直認與前任陳炳銓依然有聯絡!1個性格令異性覺得有距離感?

李佳芯節目中自爆分手真正原因,直認與前任陳炳銓依然有聯絡!1個性格令異性覺得有距離感?

電視電影 娛樂新聞
By Stephanie on 30 Sep 2022
Digital Content Writer

大台節目《仨心友行3》由黎諾懿監製及主持,邀請咗李佳芯(Ali)、麥美恩、劉穎鏇等人分享感情觀。期間Ali罕有地喺節目中提及舊愛陳炳銓,仲親自講述分手嘅原因,解釋現時與前任依然保持朋友關係?!

《仨心友行3》Photo from 《仨心友行3》

Ali自爆不懂撒嬌,令異性覺得有距離感

由黎諾懿主持嘅《仨心友行3》邀請咗佢過往嘅拍檔李佳芯(Ali)、麥美恩等人一齊遠離城市嘅煩囂,大談感情事。麥美恩同劉穎鏇都表示二人性格太熱情,導致佢哋經常令異性誤會。而Ali就表示自己本身性格直率,而且唔識得撒嬌,加上細細個就被媽媽灌輸要對異性保持距離嘅概念,認為自己喺男仔眼中應該好有距離感。

麥美恩表示自己成日因為性格他熱情,而令異性產生誤會。Photo from 《仨心友行3》

Ali話自己唔識得撒嬌,加上本身對冇興趣嘅異性會保持距離,所以好少令人誤會。Photo from 《仨心友行3》

性格直率導致追求對象少?!

而Ali就話自己其實冇咩人追,認為自己性格太直率,對冇興趣嘅異性會即刻「落閘」;自爆若果遇到心儀對象「反而係我會成日黐住佢」連行動都非常直接~

性格直率嘅Ali覺得自己容易令異性有距離感,坦承自己其實冇咩人追!Photo from 《仨心友行3》

Ali自爆如果遇到有好感嘅對象,行動上會非常明顯。Photo from 《仨心友行3》

擇偶條件公開!

Ali期望未來能夠遇到一位可以理解佢嘅伴侶,揚言「佢唔需要照顧我」,但希望對方能夠支持佢!佢話自己經常令另一半覺得好堅強「好似我呢個女朋友唔需要佢咁」,亦唔太識向男友撒嬌;不過宜家嘅佢已經明白簡單嘅關心可能已經能夠哄到另一半開心。

Ali公開宜家嘅擇偶條件!Photo from 《仨心友行3》

而佢就話自己其實希望另一半可以全力支持佢~Photo from 《仨心友行3》

即睇更多人氣文章:

罕提與前任分手原因!

Ali上年宣佈交往7年嘅陳炳銓分手,由於過往二人感情穩定,所以消息一出都令唔少人感到震驚。而Ali今次亦有喺節目中提及同前任分手嘅原因,指二人喺2020年疫情期間分手,認為可能係相處嘅時間多咗「加上有啲問題都已經醞釀咗好耐,只係差咗個導火線迫大家做決定。」

Ali上年宣佈同交往7年嘅男友分手,令唔少網民嚇咗一跳!Photo from Ali IG

Ali坦承喺2020年與陳炳銓分手Photo from 《仨心友行3》

而Ali就認為二人原本就一直存在問題,但只係疫情期間相處耐咗,令二人終於意識到問題所在?!Photo from 《仨心友行3》

坦承二人現時依然有聯絡

但Ali覺得非常感恩嘅係佢現時同陳炳銓依然有保持聯絡「遇到拍攝上嘅問題,我都會搵佢。」而且二人嘅共同好友非常多,所以即使唔刻意聯絡都能夠知道對方嘅近況,認為佢哋好成功咁「用力一種方式維繫呢段感情」~

Ali表示現時依然同前男友保持聯絡Photo from 《仨心友行3》

共同朋友多,所以都會大概知道彼此嘅近況Photo from 《仨心友行3》

麥美恩過往經歷LongD,劉穎鏇超長情!

其後袁偉豪就詢問麥美恩及劉穎鏇係咪單身,二人點頭示意。麥美恩表示過往曾經遇過一位幾投契嘅對象,不過後來二人發展成遠距離戀愛,最終都係敵不過距離。而劉穎鏇就自爆自己非常長情,一旦開始一段關係就會想盡辦法維繫落去「就算身邊啲朋友話唔適合我,都會諗辦法嘗試維繫先!」

麥美恩大談自己過往嘅一段遠距離戀情Photo from 《仨心友行3》

劉穎鏇則話自己一旦投入一段感情就會想盡辦法維繫感情!Photo from 《仨心友行3》

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

李佳芯以健康為由辭演新劇 坦言唔想長期通宵拍劇 驚身體再出事

24 May , 2022

李佳芯(Ali)早前被爆係大台包薪藝人,導致無論劇集、綜藝、廣告都要做。不過,佢近日承認已辭演新劇《靈戲逼人》,原因更同健康有關,佢直言驚身體受唔住電視台長時間嘅拍攝!

李佳芯最近接受訪問解釋辭演新劇《靈戲逼人》原因。Photo from 李佳芯 IG

39歲李佳芯(Ali)雖然曾因網上言論被雪大半年,但憑《智能愛人》中嘅出色演技深受觀眾喜愛,更奪得「最受歡迎電視女角色」一獎。解凍後,Ali工作接踵而來,但有傳因為佢係包薪藝人,所以被電視台用到盡,咩通告都要接。而早前落實在6月開拍嘅新劇《靈戲逼人》亦打算讓Ali做女一,飾演女鬼同張振朗做拍檔。

李佳芯憑精彩演出獲獎Photo from 李佳芯 IG

李佳芯為健康辭演新劇

不過,Ali早前就以健康為由辭演《靈戲逼人》,由於拍攝即將開始,劇組都慌忙尋找替任人選,最後決定將由龔嘉欣頂上,幸好佢剛剛跟《靈戲》監製王偉仁合作拍了《十八年後的終極告白2.0》,相信雙方早已有默契。

《靈戲逼人》將會由龔嘉欣頂替女一位置。Photo from 李佳芯 IG

身體曾現警號

Ali於2017年發現在卵巢附近長有約10cm腫瘤,需要入院做切除手術,雖然感覺似剖腹產子,但敬業嘅Ali開刀後一星期便復工。

Ali數年前曾患卵巢腫瘤,要入院做手術。Photo from 李佳芯 IG

佢日前受訪解釋辭演原因,表示身體早有前科,而每次開一套劇都畀好大壓力自己,導致情緒、狀態、身體都好容易有毛病。

Ali在訪問中表示身體曾出現毛病,所以擔心承受唔到太chur嘅拍攝工作。Photo from 電視台娛樂新聞截圖

未能演女鬼大感可惜

對於未能接拍劇集,Ali都覺得好可惜,佢直言好想嘗試演女鬼,尤其喺《智能愛人》做過機械人後,就好有興趣飾演另類角色。佢續稱,公司都體諒其苦衷,「隨時影響身體、影響拍攝、進度,好難要人哋下下就到你。所以都同公司傾過,驚我負擔唔到。」

李佳芯在《智能愛人》裡飾演機械人。Photo from 李佳芯 IG

抗拒長時間通宵拍劇

Ali表示一直都有睇中醫、做針灸治療,醫師都建議佢盡量不要捱夜,但佢無奈稱,做娛樂圈好多時都要直踩十多個小時,所以希望在情緒和飲食方面做好啲,達到平衡。佢直言:「有啲劇組真係要兩、三個月都直踩24小時,咁吃力嘅情況真係驚負擔唔到。」

李佳芯現在會更加注重健康。Photo from 李佳芯 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel