76歲夏雨搭郵輪遊歐洲，成功轉型做旅遊KOL？！網民嘆Jo飽老咗好多

娛樂新聞

By Jennifer on 03 Oct 2022

Digital Editor

演員夏雨奪得視帝後就淡出影視圈，已逾70歲嘅佢已開始退休生活。近年佢開設抖音帳號，並分享佢喺外國嘅見聞，繼暫居墨西哥之後，最近佢仲搭郵輪遊歐洲，雖然夏雨已有76歲但行動依然敏捷，不過唔少網友感嘆佢老咗好多。

Photo from TVB

夏雨曾暫居墨西哥

夏雨憑《溏心風暴之家好月圓》奪得當年「最佳男主角」，之後佢就減少咗好多幕前演出，約滿離巢後夏雨曾簽約HKTV，不過自2019年後就淡出電視圈，甚少再喺幕前見到佢嘅演出。近年夏雨就開設個人抖音帳號「夏雨就是Jo飽」，分享佢嘅生活。

Photo from TVB

第一段片佢就介紹墨西哥邊境城市蒂華納（Tijuana）嘅半山區，之後佢又陸續再post幾段短片分享當地嘅美食，又透露自己暫居墨西哥。片中夏雨似乎對當地十分熟悉，相信佢已居住咗一段時間。

Photo from 夏雨抖音

夏雨分享搭郵輪、加拿大旅遊日常

之後夏雨就分享佢搭郵輪嘅體驗，佢表示自己係人生第一次搭郵輪，佢先係簡單介紹郵輪上嘅設施，之後去到唔同嘅小鎮亦都會分享下當地嘅小店、食物嘅價格等。夏雨表示佢以前性格急躁，覺得坐郵輪去旅行生活變得好慢，佢坦言年紀大就開始享受慢活。

Photo from 夏雨抖音

搭完郵輪到夏天，夏雨抖音就拍攝咗「北美最出名嘅滑雪勝地」，就係位於加拿大嘅威士拿（Whistler），雖然時值夏天無雪滑，但就可以打高爾夫球，夏雨分享咗佢喺當地住宿嘅地方，見佢雖然已經70幾歲但上樓梯都未見吃力，十分健壯！

Photo from 夏雨抖音

夏雨再搭郵輪遊歐洲

去完加拿大夏雨即刻搭飛機去英國，佢預告之後會去7～8個國家，好快佢就再公開新片，原來夏雨再搭郵輪！睇嚟佢都好滿意郵輪旅遊，夏雨表示今次搭郵輪歐遊會去足7個國家！同第一次郵輪片一樣夏雨亦有分享佢今次郵輪嘅設施同活動，並表示覺得郵輪旅遊唔適合年輕人，建議佢哋年紀大咗先再試呢種旅遊方式。

Photo from 夏雨抖音

網民感慨夏雨「老咗好多」

今年已經76歲嘅夏雨似乎十分享受退休生活，開始環遊世界。唔少網民表示羨慕，但亦有人感嘆夏雨老咗好多，指佢面上都有斑點同皺紋，同以前嘅Jo飽差好遠，更直言建議佢去做個身體檢查。不過其實片中夏雨口齒清晰，行動敏捷更有慢跑習慣，臉色亦十分紅潤，精神唔錯。

Photo from 夏雨抖音

唔少網友指夏雨現轉型做「旅遊KOL」，退休歎世界，即做變老都係人之常情，大讚佢依家周遊列國，生活睇落十分幸福！夏雨2013年曾接受訪問指除非身體令佢工作唔到，或暫記憶力衰退，否則佢都會堅持繼續工作，過咗近10年，睇嚟夏雨對於退休生活都十分滿意。

Photo from 夏雨抖音

Photo from 有線電視

相關文章：夏雨暫時定居墨西哥，化身KOL介紹當地美食！原來呢樣海鮮最抵食?

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

52歲李綺虹素顏自拍大方認老事業高峰患病幸得老公陪伴走出困境

14 Sep 2022

現年52歲的李綺虹是94年的香港小姐季軍，外貌清純，擁有一對水汪汪的大眼睛，簽約TVB後參演過多套劇集，其中最令人深刻的是，在古天樂版《神鵰俠侶》飾演郭襄，外形甜美又帶有靈氣，獲封為「最美郭襄」，04年與外藉男友結婚後淡出娛樂圈，日前李綺虹在社交平台大方貼出素顏近照，雖然臉上有明顯歲月痕跡，不過仍獲網民大讚充滿自然美。

Photo from 《九五神雕俠侶》

Photo from 李綺虹微博

參加港姐入行獲TVB力捧

李綺虹94年參加香港小姐，最後獲季軍及最受傳媒歡迎獎成功入行，簽約TVB後獲力捧，同年即擔正做女主角，與黎明主演台慶劇《阿Sir早晨》，其後又在古天樂版《神鵰俠侶》演郭襄，人氣急升，邁向事業高峰。除了拍劇外，李綺虹亦參演過不少電影，更多次提名過金像獎最佳女配角，包括97年的《衝鋒隊怒火街頭》及《金枝玉葉2》，以及98年的《自梳》及《神偷諜影》，雖然最後未能獲獎，但演技備受肯定。

Photo from 1994年香港小姐競選

Photo from 《阿Sir早晨》

04年她與老公結婚後移居加拿大，漸漸淡出幕前，在08年短暫回港接拍黃子華主演的TVB劇集《絕代商驕》以及三哥主演的《老公萬歲》，19年曾與譚小環、楊思琦、向海嵐一同拍攝ViuTV節目《香港親善小姐》，其後再沒有在瑩幕亮相。

Photo from 《絕代商驕》

Photo from 《老公萬歲》

即睇更多人氣文章：

中大獎獲375萬如常生活無人知人妻收短訊被老公踢爆隱瞞8年全為1個原因

20歲天真男與女友網戀兩年！驚揭女友竟是男扮女裝，全靠朋友一句點醒！

晒素顏近照大方認老

李綺虹近日在IG分享了一張大頭自拍照，相中她素顏上陣，亦沒用上任何濾鏡，臉上有不少雀班及紅印，面容蒼老了不少，更開始有明顯頸紋。有朋友關心李綺虹，以英文留言問道：「你係咪皮膚敏感？」李綺虹則回應：「應該唔係，我諗係更年期」大方承認有老態的舉動令人佩服，無懼歲月，以真面貌示人亦獲網民讚好「欣賞美麗自然地老去」、「自然美，可愛性格最吸引」

Photo from 李綺虹 IG

Photo from 李綺虹小紅書

曾患病獲老公陪伴走出困境

李綺虹在02年時患病，當時她正值事業高峰，工作壓力很大，情緒經常處於不穩定的狀態，幸好當時男友友Corey Solomonson一直不離不棄，陪伴她走過艱難的時光，她曾受訪透露，當時自己心理狀態很差，全日躺在床上痛哭，期間更多次趕走Corey ，更向對方表明想離婚，甚至想過做傻事，其後Corey 陪她積極求醫，給予無條件的遷就和愛護，又抽空陪她做運動放鬆心情，最後成功走出長達9個月的艱苦時期，最後李綺虹與Corey在04年結婚並誕下兒子，移居加拿大淡出幕前，後來李綺虹於13年修讀護士課程，成為兒童精神科護士，希望以自身經歷幫助受情緒困擾小朋友，人美心善。