港姐冠軍林鈺洧入行前經歷大起底!被爆曾陷入三角戀?現居300呎窩居獲讚夠貼地

港姐冠軍林鈺洧入行前經歷大起底!被爆曾陷入三角戀?現居300呎窩居獲讚夠貼地

娛樂新聞
By Stephanie on 04 Oct 2022
Digital Content Writer

今屆港姐冠軍林鈺洧(Denice)係80年代當紅小生林俊賢嘅女兒,但其實二人過往失聯多年,後來先再度重逢,兩父女嘅經歷亦再掀熱議!唔單止係咁Denice仲被爆過往曾從事名店sales及保險業,但其實一直都密謀機會投身娛樂圈,宜家嘅佢終於得償所願喇~

27歲林鈺洧勇奪2022港姐冠軍,而佢過往嘅經歷都被起底!Photo from 《香港小姐2022競選》

林鈺與爸爸林俊賢失聯多年

27歲嘅林鈺洧(Denice)係林俊賢與第一任英國籍妻子所誕下嘅女兒,其後二人婚姻決裂,而妻子則帶住當時只係得15個月嘅Denice返英國,Denice細個大部分時間都係同媽媽一齊生活。直到Denice7歲嘅時候,兩父女曾見面一段時間,但好快又再度「失聯」!

Denice曾透露同媽媽喺英國嘅生活,自細大部分時間都係同媽媽一齊Photo from TVB

林俊賢同第一任英籍妻子離婚後,就同女兒Denice長期分隔兩地。Photo from 林俊賢微博

2010年靠FB重新聯絡返,曾表示見面次數不多?!

直到2010年Facebook變得盛行,林俊賢透過朋友幫助下成功喺網絡上搵返15歲嘅Denice,二父女重新聯絡返,成功修補關係。過往Denice曾透露雖然同爸爸事隔多年先重逢,不過並唔覺得同爸爸有隔膜,認為相處時嘅質量比見面次數更重要!

知道2010年,林俊賢成功同囡囡Denice聯絡返!Photo from Denice IG

曾從事保險業2年

喺Denice尚未正式入行之前,爸爸林俊賢嘅前女友曾介紹佢從事保險業工作,希望一方面可以賺錢,並且拓展佢嘅人脈。任職保險嘅兩年佢都收入穩定,不過依然唔阻佢想成為明星嘅夢想!

未入行之前,Denice曾經喺爸爸前女友介紹下任職保險工作Photo from Denice IG

其後簽約成為模特兒

2013年,Denice曾報名參加《香港小姐競選》,可惜第一輪嘅時候已經被淘汰!其後佢喺曾任職𡃁模嘅表姑姐Naomi介紹下,成功與經理人Kim簽約,當時成為熊黛林、Angelababy嘅師妹,並被傳媒稱為「最強星二代」~

其實2013年Denice都有報名參加港姐,不過第一輪就被淘汰Photo from Denice IG

即睇更多人氣文章:

廣告
廣告

任職名店sales+做model工作

然而當時嘅Denice卻掛住拍拖,未有將心思放喺工作上,工作量大大減少,需要靠當時任職教練嘅男友幫手。而佢最終就選擇成為名店售貨員,一邊接model工作,但因為難以兼顧而放棄model工作。

眼見model工作減少,Denice就喺名店做salesPhoto from Denice IG

被爆曾陷入三角戀?

而Denice喺節目曾自爆有5個伴侶,仲大談親密事。有網民大爆原來佢過往曾經捲入三角戀情,仲大膽走到情敵工作嘅名店大鬧對方,搞到對方當場爆喊,最終男方選擇「飛咗」該名情敵!睇嚟性格直率嘅佢係感情方面都超大膽呢~

而Denice過往曾喺節目自爆有5位伴侶!Photo from 《對號入座》

有網民大爆佢過往陷入三角戀嘅情史?!Photo from Denice IG

追夢成功!成為今屆港姐冠軍

不過Denice最終都成功贏取2022年港姐冠軍殊榮,而《東張西望》喺決賽後拜訪佢屋企時發現朋友們都已經喺佢屋企等待緊佢,並未有見到家人們嘅身影!而Denice就解釋爸爸近年都喺內地工作,因為需要隔離等未能返港睇佢比賽。

Denice奪冠後,佢嘅朋友都已經喺屋企等緊佢慶功!Photo from 《東張+》

Denice表示家人因為隔離,所以並唔喺香港Photo from 《東張+》

300呎窩居曝光!

從《東張西望》嘅採訪片段可見,現時獨居嘅Denice屋企並唔算好大,大概係200-300呎嘅小窩居。有唔少網民都驚訝佢嘅並未有同住入爸爸嘅住宅,留言大讚佢堅強獨立「靠自己努力賺錢」、「沒有靠爸爸!厲害」等。

Denice現時居住喺大約300呎嘅單位內Photo from Denice IG

獲網民大讚冇靠父幹,係獨立堅強嘅女仔!Photo from TVBYouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel