屯門娜娜現身《中年好聲音》面試 無濾鏡真身公開 表現無喺公園咁豪放?

繼兩季《星夢傳奇》後電視台又為新節目《中年好聲音》進行公開招募，早前係電視城進行第一輪面試，有近千人報名，當中有《造星》參賽者梁奕藍（Hayden）、勁搶fo網紅「屯門娜娜」，仲有超強參賽者都黎湊熱鬧？

Photo from 娛樂新聞台 直播截圖

電視台為《中年好聲音》進行公開招募，早前嘅第一輪面試報名人數眾多，大會指報名時段仲未截止，但已經有近1000人報名參賽！比賽講到明邀請35歲以上人士參加，不過參加者就以男性居多，唔少信心十足嘅大叔輩，連巴士司機都黎試一試！

Photo from 娛樂新聞台 直播截圖

評判音樂人張佳添同張家誠等人聽得非常認真，不時同參賽者傾偈，連電視台總經理（節目內容營運）曾志偉都有到場探望。

Photo from 娛樂新聞台 直播截圖

Photo from 娛樂新聞台 直播截圖

娛樂新聞男主播許文軒都係歌唱比賽出身，不過今次只係擔任記者會主持，佢表示難得有比35歲以上人士參加嘅歌唱比賽，因為自己已經係簽約藝人，而今次比賽只係素人先可以參加，所以覺得好可惜，又話歌唱比賽見到嘅參加者只會愈黎愈年輕，不過就坦言唔會放棄唱歌夢。

Photo from 娛樂新聞台 直播截圖

曾經參加《全民造星》梁奕藍（Hayden）亦有現身參加面試，當年佢參加第一屆造星已經係「爸爸級」人馬，同太太育有兩子，係年紀最大嘅參賽者，不過就止步40強，佢坦言當年《造星》要搵年輕男團，曾經因年齡而感到大壓力，今次佢就講笑話自己終於唔係年紀最大！

Photo from IG@hayden_lyn

而面試當日仲有一位非常搶鏡嘅女參賽者，就係早前因屯門「公園大媽」歌舞團而爆紅嘅「屯門娜娜」，被稱為「阿伯殺手」嘅娜娜以粉紅色丸子髮型加上紅色性感戰衣，大曬身上紋身！

Photo from 娛樂新聞台 直播截圖

即睇更多人氣文章：
32歲女紋眉後驚現4條眉，不願意出門1年！過往超多紋眉失敗例子？
靚女女友學歷低，醫生男不顧父母反對堅持迎娶！20年後大感後悔？！

當年屯門街頭表演歌舞引發噪音問題，令屯門街坊出動要求掃蕩，「屯門娜娜」正係其中之一，仲因為同網民戲稱為「Happy伯」嘅伯伯一番勁歌熱舞派利是而爆紅，後來仲試過轉做私影model同網上直播主，不過就未知係咪因為受疫情影響，參加比賽時報稱無業！

Photo from IG@nananananana0125

Photo from IG@nananananana0125

原來「屯門娜娜」真名叫董幸兒，原來今年已經36歲，今次無IG濾鏡現真身，佢表示係因為有網民不斷鬧佢，同話佢似「大媽」、樣衰等等，所以參加比賽黎反擊網民，佢認為自己外貌正常，又爆當年去公園唱歌係親戚介紹，唔知會搞到咁大件事，以後都唔會再去。

Photo from 娛樂新聞台 直播截圖

佢面試時獻唱快歌《勁舞Dancing Queen》， 不過就表現得相當拘謹，並無係公園時咁豪放，佢以半鹹半淡廣東話加扭腰唱歌，但未夠一分鐘就被評審叮走，事後佢表示係公園都係「玩下」，知今次表現就唔好，不過就志在參與。

Photo from 娛樂新聞台 直播截圖

除此之外原來仲有勁人參加比賽！56歲嘅何國星係「香港遮王」何洪希嘅第7子，曾經係1980年代嘅新秀歌唱大賽獲得銀獎而成為歌手，同屆仲有冠軍譚耀文季軍鄭秀文！不過其後為劇集同動畫角色配音，最為人熟悉嘅一定係《龍珠Z》嘅孫悟飯一角。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）