東京迪士尼3大新園區+設施 未來4大節日活動公開 有新角色登場!

東京迪士尼3大新園區+設施 未來4大節日活動公開 有新角色登場!

旅遊攻略 生活熱話
By Moon Lam on 05 Oct 2022
Digital Content Writer

疫情期間大家都有一段好長時間無得返鄉下,日本最近亦宣布會係10月中起重啟日本自由行!港人最愛日本旅遊景點之一嘅東京迪士尼原來已經推出新嘅園區同新設施,相信大家已經四圍撲定機票出走!

東京迪士尼 官網Photo from 東京迪士尼 官網

東京迪士尼樂園同東京迪士尼海洋一向都係港人去旅遊嘅打卡熱點,深受遊客歡迎,原來係疫情高峰期日本暫停自由行期間,東京迪士尼已經推出兩大夢幻園區同全新設施!

東京迪士尼 官網Photo from 東京迪士尼 官網

新園區:「新幻想世界(New Fantasyland)」

東京迪士尼樂園係2020年9月推出兩大全新園區,首先係以《美女與野獸》為主題嘅「新幻想世界(New Fantasyland)」,其實已經開咗兩週年,有新嘅主題餐廳同商店,仲有以粉色為主色調嘅城堡,充滿《美女與野獸》嘅浪漫氣息,真係少女心爆棚!開關後一定要衝去打卡!

東京迪士尼 官網Photo from 東京迪士尼 官網

東京迪士尼 官網Photo from 東京迪士尼 官網

新園區:「明日世界(Tomorrow Land)」Baymax機動遊戲區

而另一園區就係以「明日世界(Tomorrow Land)」內以大英雄聯盟(Baymax)為主題,園區內有全新機動遊戲「Baymax Happy Ride」,可以跟住醫神(Bayman)玩碰碰車呀!一家大細定情侶都啱玩!

東京迪士尼 官網Photo from 東京迪士尼 官網

東京迪士尼 官網Photo from 東京迪士尼 官網

新設施:卡通城(Toontown)-「Minnie's Style Studio」

除咗全新嘅園區仲有新設施登場,「卡通城(Toontown)」內新增「Minnie's Style Studio」,可以參觀米妮嘅時尚工作室,同米妮見面同合照!而米妮仲會不定時換上新裝扮,粉絲們千其唔好錯過~

東京迪士尼 官網Photo from 東京迪士尼 官網

新園區同設施其實已經推出一段時間,不過對於咁耐無得去旅行對港人黎講,自然又有多個藉口去日本迪士尼玩啦~

東京迪士尼 官網Photo from 東京迪士尼 官網

東京迪士尼樂園同東京迪士尼海洋仲會係2022年尾同2023年初一連推出4個節慶活動,由黎緊嘅萬聖節到聖誕節,然後到正月新年同40週年活動,無論幾時飛去日本迪士尼都有嘢玩!感受當地嘅節日氣氛

1. 萬聖節活動「ディズニー・ハロウィーン(Disney Halloween)」

廣告
廣告

東京迪士尼 官網Photo from 東京迪士尼 官網

東京迪士尼同香港迪士尼一樣,由即日起到10月31日都係萬聖節活動,遊客可以萬聖節打扮入場。東京迪士尼兩個樂園會分別推出全新嘅萬聖節主題巡遊、餐飲、舞台表演同限定商品!講到萬聖節就一定少不了鬼屋題材,全新遊玩設施「ホリデーナイトメアー(Holiday Nightmare)」,遊客會係住滿999隻鬼魂嘅哥德式大廈入面逃避鬼魂追捕,睇下會成功逃脫定係成為第1000隻鬼魂!

東京迪士尼 官網Photo from 東京迪士尼 官網

2. 聖誕節活動「ディズニー・クリスマス(Disney Christmas)」

東京迪士尼 官網Photo from 東京迪士尼 官網

東京迪士尼兩大樂園會由11月8日至12月25期間舉辦大型聖誕節活動,除咗會以裝飾同燈飾佈置成聖誕節氣氛,仲有超靚嘅點燈環節、主題餐飲、聖誕巡遊、聖誕限定商品同埋聖誕煙花匯演等。而最佳打卡位一定係將會有高15米嘅大型聖誕樹,正門仲會有戴住聖誕帽嘅米奇花壇及聖誕妖精「Li'l RingRing」!

東京迪士尼 官網Photo from 東京迪士尼 官網

3. 新年活動「東京ディズニーリゾートのお正月(Tokyo Disney Resort's New Year)」

東京迪士尼 官網Photo from 東京迪士尼 官網

2023年東京迪士尼樂園同東京迪士尼海洋第1彈活動就係慶祝正月新年,會由2023年1月1日至1月16日舉行,活動期間迪士尼角色會換上傳統和服舉行巡遊,表演時長約25分鐘,仲會推出一系統新年限定餐飲同商品,如果想過一個與別不同嘅新年不妨去日本迪士尼感受下!

東京迪士尼 官網Photo from 東京迪士尼 官網

4. 40周年大型慶典「Dream-Go-Round」

東京迪士尼 官網Photo from 東京迪士尼 官網

2023年係東京迪士尼樂園40週年,由2023年4月15日至2024年3月21日,兩個樂園都會舉辦週年大型慶典「Dream-Go-Round」,目前官網透露會有全新巡遊表演「ディズニー・ハーモニー・イン・カラー(Disney Harmony In Color)」,當中會有多個迪士尼電影角色首次登場,包括《優獸大都會》、《海洋奇緣》、《無敵破壞王》、《玩轉極樂園》等,真係令人期待!

東京迪士尼 官網Photo from 東京迪士尼 官網

40週年慶典園內亦會換上全新裝飾,仲有一系列相關商品、餐飲、酒店主題房間套票等,不過部分詳情仲未公布,想迪士尼迷記得要留意官網嘅最新消息啦!

東京迪士尼 官網Photo from 東京迪士尼 官網

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel