download HolidaySmart 假期日常 app
吳卓林現身多倫多街頭索取免費食物!過往多次出現經濟困難?媽媽吳綺莉曾揚言靠自己賺錢養大女兒!

吳卓林現身多倫多街頭索取免費食物!過往多次出現經濟困難?媽媽吳綺莉曾揚言靠自己賺錢養大女兒!

娛樂新聞
By Stephanie on 10 Oct 2022
Digital Content Writer

50歲嘅吳綺莉(Elaine)多年來一直身兼父職,獨自撫養女兒吳卓林長大。然而兩母女嘅感情卻變得越來越差,女兒仲與外籍妻子Andi搬到加拿大居住。近日有網民就撞見吳卓林,指佢正喺多倫多街頭排隊索取免費食物,樣貌憔悴引起網民熱議!

吳綺莉女兒吳卓林現時與妻子Andi喺加拿大生活,近日被網民喺街頭偶遇佢!Photo from 吳卓林IG

吳綺莉與女兒吳卓林關係變僵

藝人吳綺莉(Elaine)誕下女兒吳卓林後,獨自一人撫養囡囡長大。不過近年兩母女嘅關係卻降至冰點,加上吳綺莉似乎不滿女兒嘅伴侶Andi經常好食懶做,令兩母女嘅感情似乎難以喺短時間內修復。而女兒仲離家出走去咗加拿大,喺2018年仲同外籍妻子Andi結婚。

吳綺莉獨力撫養女兒吳卓林,二人以往感情唔錯~Photo from 吳綺莉微博

2018年吳卓林與外籍女友Andi結婚Photo from 吳卓林IG

網民揭吳卓林近況!

近日,有網民就上載喺多倫多街頭偶遇吳卓林嘅照片,指見到對方正排隊等候領取免費食物。從照片中所見,吳卓林身穿衛衣及黑色外套,樣貌憔悴似乎有啲疲倦,而佢當時仲帶備咗藍色嘅環保袋索取食物。照片曝光後,唔少網民都不禁猜測吳卓林現時可能正面臨經濟困難?!

有網民表示喺多倫多街頭偶遇吳卓林!Photo from 微博

指佢當時正排隊等候攞免費食物,推測現時嘅生活似乎唔係咁好?!Photo from 微博

即睇更多人氣文章:

與女友Andi感情甜蜜,經濟狀況出現問題?

其實吳卓林嘅一舉一動過往都經常受到關注,當初佢同大12年嘅女友Andi到加拿大發展時,二人曾拍片求助,仲被指喺溫哥華欠房租2個月,經濟狀況頻頻出現問題;後來佢哋曾回港求助。其後二人再返咗加拿大,有網民大爆見過佢喺加拿大唐人街嘅餐廳打工,當時就有網民鼓勵佢希望佢能夠努力工作。

吳卓林過往曾多次出現經濟問題?!Photo from 吳卓林IG

二人婚後曾回流返香港,不過因為欠租而需要吳綺莉出手幫助。Photo from 吳卓林IG

吳綺莉曾狠批成龍冇俾過生活費?

吳綺莉喺1999年與成龍交往,當年男方坦承同對方發展婚外情,並以「犯了全世界男人都會犯的錯」為由自白。外界一直盛傳男方俾咗$4000萬作為「分手費」,外加每個月$10萬嘅生活費;但喺2017年兩母女曾因為爭吵而鬧上警局,當時吳綺莉曾狠批成龍從來冇俾過生活費佢哋,激動落淚!

吳綺莉曾狠批成龍並冇俾過生活費佢哋!Photo from 吳綺莉微博

拍片澄清收入來源!

上年,吳綺莉就拍片解釋指自己現時嘅所有錢都係靠自己一手一腳賺嘅,透露喺上海居住嘅時候向朋友學習房地產相關嘅知識,成功賺到唔少錢~據悉早幾個月,佢仲考到保險代理牌照,身兼多職努力賺錢中。今年5月佢就突然喺微博公開承認自己嘅錯誤,希望大家唔好批評女兒,仲疑似暗串成龍?!

今年5月,吳綺莉突然發文坦承錯誤,希望大家唔好批評佢囡囡Photo from 吳綺莉微博

仲疑似留言鬧成龍?!Photo from 吳綺莉微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel