Ring My Bell|突發!荃灣工廈流心炸冬甩 脆皮焦糖麻糬+芫荽味+牛角包窩夫

Ring My Bell|突發!荃灣工廈流心炸冬甩 脆皮焦糖麻糬+芫荽味+牛角包窩夫

美食推介
By Meko on 10 Oct 2022
Reporter/ Anchor

冬甩店愈開愈多,荃灣工廈新開冬甩窩夫專門店「Ring My Bell」,開業不久隨即爆紅,訂單已經排山倒海,新訂單基本上已排到兩星期後,冬甩每日新鮮製作,每日限量賣150至170個,共推出7款口味,部分更是限定口味,還有近期大熱的牛角酥窩夫,即使店舖位置有少少偏僻,仍無阻一班捧場客去朝聖!

荃灣冬甩窩夫專門店「Ring My Bell」

荃灣新開冬甩店「Ring My Bell」可謂近期的人氣「爆燈」小店之一,隱藏在工廈區,開業只有一個多月,有別於其他網店,一開業已自設實體店,客人可以上門自取或者地鐵站交收。小店主打自家製低糖冬甩、窩夫和手工醬,每日有指定出爐時間,開業不久新訂單已經排到兩星期後,即使不定時推出現貨快閃團,基本上幾分鐘已賣光,實力不容忽視。

爆餡流心炸冬甩

冬甩每日新鮮製作,其麵團配方經過多次嘗試及改良,終於研製出最適合的比例和口感,特別選用日本白蛋,貪其做出來冬甩質地更為細緻,麵團發酵1.5至2小時,然後經油炸至金黃色脹卜卜,堅持出貨前即炸,表面灑上白砂糖,再唧入餡料,粒粒飽滿足料,醬餡量平均,冬甩口感偏向煙韌鬆軟,以低糖配方作賣點,比傳統美式冬甩相對不太邪惡,即使一口氣連吃多個也不感油膩。

7款口味 不定期更新

上至冬甩麵團,下至冬甩上的配料,全部堅持自家製,提供7款口味選擇,口味會不定期轉換,今期口味包括有原味吉士、朱古力脆脆、抹茶紅豆、特濃曲奇、檸檬柚子、芫荽、脆皮焦糖麻糬,每款口味配上不同的手工醬和配料,分普通版和迷你Size版,價錢由$15起,因為人手有限關係,冬甩每日只限量賣150至170個。

期間限定檸檬柚子+芫荽味

冬甩質感鬆軟煙韌,裏面醬料飽滿呈流心狀,今期限定推出有檸檬柚子和芫荽味,前者未食已經聞到帶陣陣檸檬香,食落酸酸甜甜,更帶有果肉粒,食落更有咬口;後者是粒粒芫荽混合吉士醬,芫荽量不算多,食落帶鹹香,即使是不嗜芫荽亦可一試。想口感更豐富可在內餡加配麻糬,麻糬跟吉士醬比例大概是1比2,一搣開餡料隨即滿瀉,亦可選擇放入雪櫃凍食,口感似足雪糕冬甩。

脆皮焦糖拉絲麻糬冬甩

廣告
廣告

脆皮焦糖拉絲麻糬冬甩同樣搶手,亦是小店得意之作,外層是薄脆的焦糖,包裹著鬆軟的冬甩包,搣開即見到軟糯的麻糬 ,麻糬方面亦是自家製,更可做到拉絲效果,食落帶淡淡米香,而且口感豐富,甜而不膩。

牛角包窩夫

小店的牛角包窩夫 (Croffle) 亦是另一賣點,同樣分為大版和一口Size,用上牛角包麵團,蘸上砂糖後再將麵糰壓烘成窩夫,表面佈滿焦糖,口感層層酥脆鬆化,窩夫供應4款口味,分別是原味、伯爵茶、咖啡及朱古力味,Croffle口感比傳統窩夫更酥脆鬆軟,牛油味濃郁,特別是一口Size,食落不會過膩,可以一次過試勻4款口味。溫馨提示,小店不定時會推出快閃團,想搶購記得要留意其官方平台。

Ring My Bell
電話:8491 0410
地址:荃灣灰窰角街18-22號富源工業大廈3樓301室
Instagram:<按此>

更多【美食推介】請按此

相關文章:

相關文章:

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel