梁競徽加入直播帶貨行列sell食材，但內地網民卻忘記其姓名？過往經常拍抖音片嘗試增人氣
梁競徽（原名梁烈唯）近年將事業重心轉移返內地，仲升呢成為鐘錶店老闆，實行多方面發展～近日，佢仲仿效唔少北上發展嘅香港藝人，開始直播帶貨，超落力咁sell龍蝦以及牛扒。不過佢喺內地嘅人氣似乎唔太夠，有網民只係覺得佢好眼熟，但唔知道佢叫咩名？！
Photo from 梁競徽微博
梁競徽踩過界開店做老闆
梁競徽（梁烈唯）近年經常都留喺內地工作，大讚當地生活夠舒服，仲有意安排囡囡返內地讀書。為咗賺奶粉錢佢就實行多方面發展，上年佢喺尖沙咀開店榮升做鐘錶店老闆，仲同林峯老婆張馨月一齊投資名車店！
Photo from 張馨月微博
Photo from 娛樂新聞台
近日開始直播帶貨
除咗搞生意外，梁競徽近日仲開始做埋直播帶貨，暫時見佢都係sell食物居多，包括有牛扒以及龍蝦。只見佢每次直播嘅時候都打扮到成個廚師咁，好落力咁不停講嘢，希望可以推銷成功！
Photo from 微博
Photo from 小紅書
Photo from 微博
超落力sell食材！
而佢喺拍攝「龍蝦」帶貨直播之前，專登拍攝咗一條預告片段，幽默咁將龍蝦當作電話；仲專登親自去街市選購「波龍（波士頓龍蝦）」，真係親力親為㗎～
Photo from 小紅書
Photo from 小紅書
即睇更多人氣文章：
但內地網民唔太認得佢？
雖然梁競徽已經喺內地工作多年，但依然有網民對佢唔太熟悉，留言話「很眼熟但他是誰啊？」；亦有網民不禁驚嘆越來越多藝人直播帶貨，猜測係咪因為工作量大減而開始「轉行」：「沒有劇拍！只能直播帶貨了」、「身高令他難以當男主角」等留言。儘管如此，梁競徽依然懶理網民閒言閒語，繼續sell貨～
Photo from 微博
過往曾擔正做內地電影男主角
翻查返梁競徽呢幾年嘅作品，事實上佢都曾經做過男主角㗎！喺上年上映嘅內地科幻電影《浴血狂蟒》擔正做男一，飾演愛國人士，戲份都好多。不過有內地網民就建議佢如果想人氣急升，就應該好似好朋友林峯咁，出演真人騷《披荊斬棘的哥哥》做其中一位「哥哥」，相信應該能夠令人氣再度上升～
Photo from 梁競徽微博
Photo from 梁競徽抖音
努力拍攝抖音片增人氣
其實梁競徽都有努力拍攝唔少抖音搞笑片段，希望能夠吸引更多嘅內地粉絲關注。過往曾經一邊打邊爐，一邊扭腰跳舞，但場面就似乎尷尬多過搞笑！
Photo from 梁競徽抖音
Photo from 梁競徽抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
43歲梁競徽泳池狂歡，超高髮際線現形！北上發展2年工作量大減？！
6 Jul , 2022
Photo from 梁競徽微博
梁烈唯宣布改名為「梁競徽」
梁競徽父親係武打片演員，佢於1999年參演電影出道，入行後多數演配角，喺唔少劇集中嘅表現都令人留下深刻印象，所以即使係做配角，佢仍獲唔少家庭觀眾認識，形象入屋。
Photo from 梁競徽微博
不過梁競徽直到2012年先獲得「飛躍進步男藝員」獎項肯定，其後到2018年佢就再獲「最佳男配角」。2019年1月，佢宣布捨去舊名「梁烈唯」改名為「梁競徽」。佢嘅外號「唯唯」曾為人熟悉，突然改名佢並未透露原因，不過之後佢嘅工作量就比之前少咗。
Photo from 梁競徽微博
梁競徽北上發展2年工作量減少？
喺2007年至2012年期間，佢產量最高，每年有近6、7套劇集出街，2012年後亦保持每年2套電視劇播出，但直到2019年後，佢嘅電視劇作品只有《鐵探》、《使徒行者3》、《飛虎之雷霆極戰》、《飛虎之壯志英雄》，作品量大減。
Photo from 梁競徽微博
Photo from 梁競徽微博
2021年1月梁競徽轉為部頭合約，更北上發展尋求機會。佢早已停用Facebook 同埋IG，淨係用微博同抖音。佢更喺內地接拍網絡劇、網絡電影等，初嚐男主角滋味！
Photo from 梁競徽微博
與友人泳池狂歡，梁競徽43歲髮際線超高成焦點
工作量無以前咁多嘅梁競徽有更多時間放喺日常生活之中，近日天氣漸漸變熱，梁競徽就喺微博公開同好友喺泳池玩樂嘅影片，片段開頭就見梁競徽好chill咁靠喺泳池角落，戴住副超嘅佢一臉寫意。
Photo from 梁競徽微博
Photo from 梁競徽微博
不過有唔少網民卻將重點放喺佢嘅髮際線上面，從片中可見梁競徽髮線十分高，額頭呈現明顯嘅「M」字，好多fans為佢感到擔憂：「老哥發際線後退的厲害啊」，但都有人表示梁競徽人到中年卻無發福已十分難得。
Photo from 梁競徽微博
Photo from 梁競徽微博
Photo from 梁競徽微博
影片後面仲有梁競徽與友人上演動作戲，梁競徽扮被對方打到落泳池，梁競徽啲頭髮濕咗之後似乎更加稀少，梁競徽踏入4字頭後可能要好好保養頭髮。
Photo from 梁競徽微博
Photo from 梁競徽微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
