前天堂鳥Tyrese承認與未婚妻KOL Jenn分手,千字文暗示分開原因?!過往曾正面回應「女尊男卑」問題

前天堂鳥Tyrese承認與未婚妻KOL Jenn分手,千字文暗示分開原因?!過往曾正面回應「女尊男卑」問題

娛樂新聞
By Stephanie on 12 Oct 2022
Digital Content Writer

天堂鳥成員Tyrese(歐喬鋒)兩年前向KOL兼YouTuber 「Pumpkin Jenn」求婚成功,二人經常都大方放閃。不過近日卻頻頻傳出二人嘅分手傳聞,最近二人都各自喺社交媒體承認分手,令唔少支持佢哋嘅網民都感到震驚!

前天堂鳥成員Tyrese承認與KOL Jenn已經分手!Photo from Tyrese IG

Tyrese 2020年向KOL Jenn求婚成功

前天堂鳥成員Tyrese(歐喬鋒)與KOL 「Pumpkin Jenn」喺2020年被傳媒拍到而公開戀情,當時佢哋聲稱已經交往1年並展開半同居生活;同年10月男方突然喺IG宣佈求婚成功,甜蜜感情羨煞旁人!其後二人都經常喺IG及YouTube拍片放閃,分享二人嘅拍拖生活~

Tyrese 喺2020年10月突然於IG宣佈求婚成功!Photo from Tyrese IG

之後二人都經常喺IG及YouTube放閃~Photo from Tyrese IG

男方IG承認已分手

然而,有網民發現二人近排極少放閃,令大家不禁猜測佢哋感情係咪出現變化?!日前,Tyrese擺放園藝市集時接受媒體訪問,隱晦咁回應感恩擁有嘅一切,仲話自己冇事;不過佢亦已經將求婚成功嘅post刪除咗。直到昨日(11日),佢首度喺IG公開談及感情近況,承認分手消息「盼望沒有我在身邊時的你也能安心快樂地找回自己好好生活,原諒我所作的決定讓你心痛欲絕。」

Tyrese 首度喺IG公開承認分手消息Photo from Tyrese IG

疑似暗示性格不合為分手原因?

喺「千字文」中,Tyrese表示「愛情把我倆都牢牢的緊扣着,每一刻每一秒都在「為對方」而沒有丁點空間留給我們自己喘息。遺忘了自己最原始為本質所散發的能量,幻變成充斥着負能量的我們。你和我大大的不同讓我們都沉溺在不屬於自己的空間裡,無法放鬆地站在覺察點上好好溝通及處理問題。」並話「愛不是條件不是物質,沒有一份最圓滿的愛是靠別人身上獲取的。」似乎暗示二人因性格及價值觀不合而選擇分開?!

男方嘅千字文中疑似暗示二人分手嘅原因,但亦表示祝福對方有更好嘅生活~Photo from pumpkinjenn @ IG

不過發文後,好多網民都質疑Tyrese嘅動機,仲有網民批評佢係為咗「消費」女方。其後,佢再IG story解釋只係想向大眾交代分手消息,已經將「千字文」刪除;仲話「我沒有任何半點要為自己平反,因為我所交代的也是這麼多。」

而佢就話自己只係向想大眾交代分手事宜,唔會再多講任何事Photo from Tyrese IG

即睇更多人氣文章:

Jenn拍片談感情近況,搬離同居單位!

女方Jenn喺10日上載最新近況嘅影片,直接承認「我同Tyrese已經唔係再一齊喇!」表示自己近日亦忙於消化情緒「平靜返個人,開始有新環境慢慢適應返」,強調未來將會更注重事業。而佢亦透露自己最近搬咗屋「覺得一個人就唔需要再住咁大嘅地方喇」,相信已經將二人曾同居嘅屋都「處理」好晒~

廣告
廣告

Jenn早前(10日)上載談及近況嘅影片,都有提及回復單身嘅消息。Photo from Pumpkin Jenn @YouTube

而佢亦透露自己近日忙於搬屋同收拾心情。Photo from Pumpkin Jenn @ YouTube

過往同居房屋面積超大!

不過Jenn嘅YouTube頻道暫時依然保留咗二人以往拍拖嘅影片!睇返佢哋二人同居時所住嘅房屋面積都幾大,亦有各自工作嘅空間,仲有工人姐姐幫手煮飯打掃。

二人過往同居嘅屋企空間感非常大~Photo from Pumpkin Jenn @ YouTube

而且佢哋仲有工人姐姐幫佢哋煮飯及打掃,等佢哋可以專注工作。Photo from Pumpkin Jenn @ YouTube

今年初曾正面回應「收入差異大」問題?

過往Jenn曾自爆月入達6位數;而Tyrese近年剛剛開始發展園藝生意,創業尚喺起步階段。今年初二人就一齊拍攝情侶Q&A,不過呢段影片就似乎已經刪除。當時就提及二人嘅收入差距大嘅問題,而男方正面回應「呢樣嘢都係我努力嘅位,咁你(Jenn)喺事業成就同搵錢能力都比我高,所以我都要努力啲去做嘢,建立自己嘅事業。」

Jenn曾話過自己一個月收入有6位數咁多!Photo from pumpkinjenn @ IG

而男方就因為剛開始發展園藝事業,事業尚於起步階段。Photo from Tyrese IG

男方解釋努力儲老婆本

當回應結婚相關問題時,Jenn就話要等緊Tyrese儲老婆本,大爆對方戶口「所剩無幾」;而男方就解釋係因為剛剛開始經營公司,但唔希望婚禮費用由女方出,所以努力賺錢中。可惜二人最終都未能攜手踏入結婚嘅殿堂。

二人曾拍片回應屋企開支分配問題Photo from Pumpkin Jenn @ YouTube

Tyrese指自己努力儲緊老婆本Photo from Pumpkin Jenn @ YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel