download HolidaySmart 假期日常 app
張智霖袁詠儀恩愛夫妻形象只為做騷?昔日訪問出土,網友:明明各玩各的

張智霖袁詠儀恩愛夫妻形象只為做騷?昔日訪問出土,網友:明明各玩各的

娛樂新聞
By Jennifer on 12 Oct 2022
Digital Editor

日前喺《披荊斬棘2》上張智霖同老婆袁詠儀將婚禮搬上舞台,引起部分網友嘅不滿,直指佢哋為贏同人氣又賣情懷。近日有網友翻出早年袁詠儀嘅訪問片段,質疑佢同張智霖感情根本無咁好,依家只係為賺錢而營造「恩愛夫妻」形象?!

日前喺《披荊斬棘2》上張智霖同老婆袁詠儀將婚禮搬上舞台,引起部分網友嘅不滿

《披荊斬棘2》張智霖袁詠儀婚禮惹爭議

張智霖於《披荊斬棘2》公演舞台上製造浪漫,決定將妻子袁詠儀邀請上台,於台上舉辦婚禮。舞台播出後即時登上熱搜,令無數網友大呼感動,張智霖亦順利喺第三次公演中排名第一。不過亦有部分網友認為佢此舉係賣情懷,勝之不武。

張智霖於《披荊斬棘2》公演舞台上製造浪漫,決定將妻子袁詠儀邀請上台,於台上舉辦婚禮。

舞台播出後即時登上熱搜,令無數網友大呼感動,張智霖亦順利喺第三次公演中排名第一。

之後更有網友發現原來張智霖、袁詠儀已經唔係第一次喺綜藝節目搞婚禮,佢哋出演真人騷時已經著過婚紗禮服,張智霖喺《披荊斬棘2》中稱佢哋結婚20年都無舉辦婚禮、影婚紗相被指係謊言。

有網友發現原來張智霖、袁詠儀已經唔係第一次喺綜藝節目搞婚禮

袁詠儀24年影迷會宣佈關閉

隨後兩屆影后袁詠儀24年嘅影迷會又突然宣佈關閉,有傳與袁詠儀多次維護張智霖,及其fans有關,而袁詠儀事後亦表示:「不開心是越來越不懂網絡世界。」似乎回應影迷會關閉事件,再引發風波。

袁詠儀24年嘅影迷會又突然宣佈關閉,有傳與袁詠儀多次維護張智霖,及其fans有關Photo from 微博

袁詠儀事後亦表示:「不開心是越來越不懂網絡世界。」Photo from 微博

靚靚指認識張智霖時兩人都有另一半

近日有網友整理多年嚟袁詠儀嘅訪問片段,質疑佢同張智霖「恩愛夫妻」形象其實都係假嘅。1991年張智霖同初出道嘅許秋怡拍合唱《現代愛情故事》,兩人獲封為「金童玉女」,更順理成章發展戀情,但到1992年張智霖同袁詠儀拍攝電影《邊城浪子》,有傳女方介入令張智霖同許秋怡分手。

1991年張智霖同初出道嘅許秋怡拍合唱《現代愛情故事》,兩人獲封為「金童玉女」,更順理成章發展戀情

袁詠儀早年上《志雲飯局》做嘉賓時坦承認識張智霖嗰時兩個人都有另一半,陳志雲問佢驚唔驚畀人話佢搶人男朋友,袁詠怡則表示佢當時解決咗自己嘅感情問題,之後同張智霖講佢已經係單身,由對方考慮,袁詠儀直言:「咁算唔算係橫刀奪愛呢?就見仁見智啦!」

袁詠儀早年上《志雲飯局》做嘉賓時坦承認識張智霖嗰時兩個人都有另一半Photo from 《志雲飯局》

陳志雲問佢驚唔驚畀人話佢搶人男朋友Photo from 《志雲飯局》

袁詠儀直言:「咁算唔算係橫刀奪愛呢?就見仁見智啦!」Photo from 《志雲飯局》

袁詠儀過往訪問片段被翻出

不過靚靚有提到佢同張智霖拍拖無幾耐就同居,靚靚表示:「不過我知道自己中意嘅嘢,我應該要去表達囉!」2004年張智霖於泰國拍戲時被影到出入特殊場所,同行嘅仲有曾志偉、林家棟,事後袁詠儀力撐另一半,喺《志雲飯局》中佢亦有提到此事,指自己當時都有飛去泰國,更稱認為男人「應該去見識一下」。

靚靚有提到佢同張智霖拍拖無幾耐就同居

靚靚表示:「不過我知道自己中意嘅嘢,我應該要去表達囉!」Photo from 《志雲飯局》

2004年張智霖於泰國拍戲時被影到出入特殊場所,靚靚指自己當時都有飛去泰國,更稱認為男人「應該去見識一下」Photo from 《志雲飯局》

靚靚回憶佢2006年懷孕時嘔足4個月,孕期超級辛苦,亦好想老公張智霖陪喺身邊,但對方一星期7日都出去玩,有次靚靚唔準佢出去,對方就指又唔可以代佢嘔、又唔可以唔舒服,最終由一星期出門7日改為隔日出門。

靚靚回憶佢2006年懷孕時嘔足4個月,但張智霖一星期7日都出去玩Photo from 微博

網友質疑「恩愛夫妻」只係人設?!亦有網民幫手澄清

之後袁詠儀都曾經提過佢受劉嘉玲影響,對張智霖好似放風箏咁,有時要拉下對方返嚟。唔少網友睇完都話佢哋兩個根本唔係依家睇落咁恩愛,更有網友搵到袁詠儀話有提過張智霖玩還玩,記得要做安全措施,直指佢哋根本各有各玩,「恩愛夫妻」只係為炒作。

袁詠儀都曾經提過佢受劉嘉玲影響,對張智霖好似放風箏咁,有時要拉下對方返嚟Photo from 微博

唔少網友睇完都話佢哋兩個根本唔係依家睇落咁恩愛Photo from 微博

有網友搵到袁詠儀話有提過張智霖玩還玩,記得要做安全措施Photo from 微博

網友質疑佢哋根本唔係咁恩愛?!Photo from 微博

不過亦有人認為「做安全措施」嘅言論只係講笑,又幫張智霖澄清指靚靚孕期嗰個訪問仲有讚張智霖晚晚好似工人咁服侍老婆,根本唔係啲人講到咁貪玩唔理懷孕嘅靚靚。

有人認為「做安全措施」嘅言論只係講笑

網民澄清指靚靚孕期嗰個訪問仲有讚張智霖晚晚好似工人咁服侍老婆,根本唔係啲人講到咁貪玩唔理懷孕嘅靚靚Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

披荊斬棘2|張智霖袁詠儀婚禮搬上台!蘇有朋微博暗寸後秒刪?!

2 Oct 2022

《披荊斬棘的哥哥》成功帶挈一班香港男星人氣急升,陳小春、張智霖再出演第二季。最近一集張智霖更於台上與結婚多年嘅老婆袁詠儀再搞婚禮!呢個舞台引起內地網友熱議,有指另一參加者蘇有朋喺微博發文暗諷對方?!

《披荊斬棘的哥哥》成功帶挈一班香港男星人氣急升,陳小春、張智霖再出演第二季。Photo from 《披荊斬棘》

陳小春、張智霖再出演《披荊斬棘的哥哥》第二季

《披荊斬棘》獲稱為男版《乘風破浪的姐姐》,第一季亦十分成功,其中陳小春、張智霖、謝天華、林曉峰、梁漢文5人更組成「大灣區哥哥」,一齊出演另一個真人騷。

《披荊斬棘》第一季十分成功,其中陳小春、張智霖、謝天華、林曉峰、梁漢文5人更組成「大灣區哥哥」Photo from 《披荊斬棘的哥哥》

有名又有利,《披荊斬棘》第二季搵返第一季嘅參加者再出演,陳小春同張智霖亦成為其中一分子。節目播出後吳卓羲、杜德偉等人都經常登上熱搜,而喺第三次公演中,張智霖就「出大招」~

喺第三次公演中,張智霖就「出大招」~Photo from 《披荊斬棘》

張智霖將婚禮搬上舞台,狂冧老婆袁詠儀

佢與任賢齊率領嘅部落對決中,演繹《無與倫比的美麗》,張智霖更將婚禮搬上舞台!雖然同靚靚袁詠儀已經結婚超過20年,但當年佢哋並無舉辦婚禮,連婚紗相都無影。

與任賢齊率領嘅部落對決中,張智霖組演繹《無與倫比的美麗》,更將婚禮搬上舞台Photo from 《披荊斬棘》

雖然同靚靚袁詠儀已經結婚超過20年,但當年佢哋並無舉辦婚禮Photo from 《披荊斬棘》

兩人連婚紗相都無影。Photo from 《披荊斬棘》

張智霖曾表示會喺60歲時同老婆補拍婚紗相,不過節目中佢提到:「可是我想為甚麼我們還要等呢?」仲話特別想畀靚靚一個提早10年嘅婚禮,喺第三次公演中靚靚就著上婚紗企喺舞台嘅另一邊,而張智霖則大嗌:「袁詠儀,你就是我心目中無與倫比的美麗!」之後就跑向靚靚,並為對方戴上戒指,當然唔少得要kiss啦!

張智霖曾表示會喺60歲時同老婆補拍婚紗相Photo from 《披荊斬棘》

節目中佢提到:「可是我想為甚麼我們還要等呢?」Photo from 《披荊斬棘》

靚靚就著上婚紗企喺舞台嘅另一邊Photo from 《披荊斬棘》

張智霖則大嗌:「袁詠儀,你就是我心目中無與倫比的美麗!」Photo from 《披荊斬棘》

Chilam跑向靚靚Photo from 《披荊斬棘》

Chilam為對方戴上戒指Photo from 《披荊斬棘》

甜蜜kiss~Photo from 《披荊斬棘》

網民反應兩極,有人質疑對任賢齊組唔公平

唔少網民睇完後表示十分感人,又話根本就係現實版嘅偶像劇。不過亦有人指張智霖擺老婆上枱,認為佢搞到同組隊友做晒伴郎,好似配角咁,質疑佢靠情懷爭取觀眾支持:「勝之不武」,直斥佢咁好做對其他人唔公平。

唔少網民睇完後表示十分感人,又話根本就係現實版嘅偶像劇。不過亦有人指張智霖擺老婆上枱Photo from 《披荊斬棘》

網友質疑佢靠情懷爭取觀眾支持:「勝之不武」,直斥佢咁好做對其他人唔公平。Photo from 《披荊斬棘》

蘇有朋微博留言暗諷張智霖?!

節目播出當日蘇有朋轉發同組隊員金瀚嘅微博為對方宣傳新劇。金瀚隨即留言表示如果自己談戀愛一定會向朋哥哥匯報,蘇有朋意有所指咁回覆:「也找個節目辦婚禮~」

節目播出當日蘇有朋轉發同組隊員金瀚嘅微博為對方宣傳新劇Photo from 《披荊斬棘》

蘇有朋意有所指咁回覆:「也找個節目辦婚禮~」Photo from 蘇有朋微博

蘇有朋曾指團體表演不應突出某一人

蘇有朋嘅回應掀起網民熱議,認為佢係暗諷緊借節目搞婚禮嘅張智霖:「蘇有朋太耿直了!」更有網友指佢之前喺節目中獲隊友提議以古裝上台,因為佢嘅古裝係好多人嘅童年回憶。不過蘇有朋就委婉拒絕:「謝謝你的好意。」佢指大家團體嘅表演唔好太突出某一個人,更表示係佢嘅原則,另外佢又稱:「第二,如果要做情懷,不要連續兩集都做,觀眾會不舒服。」

有網友指佢之前喺節目中獲隊友提議以古裝上台,因為佢嘅古裝係好多人嘅童年回憶。不過蘇有朋就委婉拒絕:「謝謝你的好意。」Photo from 《披荊斬棘》

蘇有朋指大家團體嘅表演唔好太突出某一個人Photo from 《披荊斬棘》

蘇有朋:「第二,如果要做情懷,不要連續兩集都做,觀眾會不舒服。」Photo from 《披荊斬棘》

張智霖表示預咗會被批評

因此好多網友認為蘇有朋係「睇唔過眼」先會出聲,不過蘇有朋已將留言刪除。從結果嚟睇張智霖部落喺第三次公演排名第一,相信呢次「賣情懷」都十分成功。而喺事前訪問中張智霖就提過佢知道會有好多批評,但只希望唔好批評佢太太:「衝著我來!」

喺事前訪問中張智霖就提過佢知道會有好多批評Photo from 《披荊斬棘》

張智霖希望唔好批評佢太太:「衝著我來!」Photo from 《披荊斬棘》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel