48歲劉愷威被目擊與新歡十指緊扣？疑女方真身已婚，係楊冪師妹？！

Digital Editor

劉愷威早前北上發展，有唔錯嘅成績，不過自從同內地一線女星楊冪離婚後作品就少咗好多。劉愷威憑《披荊斬棘2》再返內地工作，近日微博有網友指目擊到劉愷威與女星尤靖茹於街上十指緊扣，疑戀情曝光！事後女方更回應事件。

Photo from 劉愷威微博

劉愷威2018年宣佈與楊冪離婚

現年48歲嘅劉愷威早於2005年已離巢北上，事業發展頗為順利，喺多套電視劇中擔任男主角。2011年因劇集《千山暮雪》成為人氣小生，其後嘅幾部作品嘅網路收視亦成績唔錯，成功躋身內地當紅男星行列。

Photo from 《hold住愛》

事業順利，劉愷威情場亦相當得意。2012年佢同內地女星楊冪被拍，之後二人承認戀情。2013年劉愷威同楊冪於微博宣佈結婚並於2014年1月舉行婚禮。同年6月，楊冪於香港誕下女兒「小糯米」。可惜呢段婚姻只維持4年多，2018年12月兩人發聲明指雙方協議和平離婚，將共同撫養女兒小糯米。

Photo from 楊冪微博

Photo from 微博

離婚之後小糯米主要由香港嘅爺爺劉丹照顧，劉愷威近年亦減產唔少，人氣亦不及當年。最近佢出演內地人氣節目《披荊斬棘2》，不過同其他男星相比，劉愷威表現未算突出，討論度亦不及林峯、吳卓羲、曾比特、任賢齊等人。

Photo from 劉愷威微博

近日有內地網友喺微博發文指跑步戥遇如劉愷威同佢女朋友，更指出劉愷威女友係一位女演員，相中兩人都無戴口罩，但都打扮得十分低調，但拖住手散步非常甜蜜。之後該網友更大爆女生就係演員尤靖茹！

Photo from 微博

Photo from 小紅書

尤靖茹現年30歲，比劉愷威年輕18歲，同楊冪一樣都係畢業於北京電影學院表演系，不過尤靖茹於2021年12月曾公開過結婚照，但當時就將老公嘅樣遮住咗，所以網友猜測尤靖茹丈夫或係圈外人。

Photo from 尤靖茹微博

Photo from 微博

發爆料照嘅網友就指出女方佢睇得清清楚楚的確係尤靖茹，更表示：「大家說尤結婚了，不可能，那就不能離了嗎」，有網民指劉愷威同尤靖茹兩人微博IP都顯示喺北京，指相中女方極有可能真係尤靖茹，更有人猜測尤靖茹婚照遮住嘅老公就係劉愷威！

Photo from 微博

Photo from 尤靖茹微博

尤靖茹方即時否認傳聞，經理人表示尤靖茹係留長髮，並非相中短髮女子，而尤靖茹亦喺微博發自拍稱自己一直喺寧波隔離緊，澄清相中人唔係佢。至於劉愷威暫時未有回應有關相片。

Photo from 尤靖茹微博

自離婚後劉愷威同楊冪都一直單身。同前夫相比，楊冪離婚事業發展並未受到影響，接拍多部電視劇擔任女主角，唔少劇集更係以女主角戲份最為重要，加上出演綜藝節目、擔任電視劇製片人及娛樂公司老闆，吸金力超強，楊冪本人亦講過自己「有錢」！

Photo from 楊冪微博

離婚後楊冪都有傳出過緋聞，對象都比佢年輕，其中最引人關注嘅就係年僅19歲嘅富二代周柯宇。周柯宇係楊冪公司旗下藝人，兩人被發現多次深夜相約打機，包括七夕、生日等重要日子，仲會一齊用「情侶skin」！不過楊冪一直以嚟都無承認過戀情。

Photo from 周柯宇微博

Photo from 楊冪微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel