東張西望|伯伯誤信「修眉改運」結果只剩下半條眉!店員竟建議再付$2千重新紋眉?

東張西望|伯伯誤信「修眉改運」結果只剩下半條眉!店員竟建議再付$2千重新紋眉?

時事熱話 生活熱話
By Stephanie on 13 Oct 2022
Digital Content Writer

昨晚(12日)嘅《東張西望》接獲報料者嘅「中伏」經過,希望藉此勸喻大眾提高警覺。報料嘅梁先生表示途經街市時被說服「修眉改運」,卻竟然被剃走咗半邊眉毛!其後對方建議佢俾$2,000紋眉加令佢覺得有古怪,拒絕對方嘅「好意」。

爆料者出演《東張西望》分享離奇中伏經歷!Photo from 《東張西望》

報料者被說服「修眉改運」

報料嘅梁先生表示喺上個月23日經過逸東邨街市時,被其中一名檔口嘅店員熱情hard sell,指能夠透過修眉幫佢改運,但卻竟然換來意想不到嘅結果!

報料者嘅梁先生表示自己喺逸東邨街市閒逛時被熱情店員說服Photo from 《東張西望》

對方向佢表示能夠透過修眉改變運程!Photo from 《東張西望》

店員卻竟然剃走眉毛?!

起初梁先生好放心將眉毛交俾店員,以為對方一開始喺先為佢畫好眉型先修眉;點知店員已經剃緊佢條眉,佢即刻嚇到坐起身制止,但店員解釋只係「為佢清除眉毛邊嘅雜毛。」隨後店員就改為幫佢畫眉,但梁先生就覺得對方所畫嘅眉型唔適合自己而拒絕繼續幫襯。

但一開始店員就幫佢剃眼眉!Photo from 《東張西望》

梁先生立刻阻止店員,而對方就話只係幫佢清除雜毛。Photo from 《東張西望》

發現半條眉毛冇咗!

梁先生返到屋企後詢問女兒修眉嘅效果,但女兒就話「你做咩俾人剃咗一大忽眼眉?!」嗰時梁先生才發現原來眼眉已經冇咗半條!

其後,梁先生返到屋企後詢問女兒對「新眉毛」嘅睇法Photo from 《東張西望》

但女兒就驚呼「做咩俾人剃咗咁多眉毛」,嗰時梁先生才驚覺冇咗半條眉!Photo from 《東張西望》

即睇更多人氣文章:

店員竟建議用$2,000再紋眉!

其後梁先生曾經再次到訪店舖,但該店員居然建議佢俾$2,000紋返條眉,令佢懷疑對方可能一早就有預謀!事件亦令梁先生心情大受影響「嬲到幾晚都瞓唔好!」,仲覺得自己嘅運氣好似變差咗!

事後,梁先生再次到訪檔口,但店員今次居然說服佢俾$2千紋眉!Photo from 《東張西望》

梁先生質疑店員係專登嘅,希望說服佢紋眉賺多一筆錢?!Photo from 《東張西望》

店舖現時已經搬走

節目組嘗試到訪相關嘅公司辦公室,但卻未能夠搵到任何一位職員。而當佢哋親自到訪街市內嘅檔口位置,先發現原來檔口係以日租形式營業,現時已經搬走咗,令梁先生都難以追究!

節目組曾嘗試尋找該紋眉公司嘅辦公室,但未有人應門。Photo from 《東張西望》

而喺街市嘅檔口其實係以日租住形式經營,現時已搬走!Photo from 《東張西望》

希望能夠提醒大眾提高警覺!

雖然梁先生因為眉毛而導致心情大受影響,而且上節目講述「中伏」經歷亦會令身邊嘅親朋好友得知事件;但佢都選擇勇敢咁向大眾分享,希望能夠提醒大家唔好輕易盡信商家們嘅營銷手段!

梁先生表示知道上節目後,會被身邊嘅朋友、同事知道Photo from 《東張西望》

不過佢希望透過分享自己嘅經歷,提醒大眾提高警覺!Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

32歲女紋眉後驚現4條眉,不願意出門1年!過往超多紋眉失敗例子?一不小心就變成「關公眉」!

8 Sep , 2022

廣告
廣告

現時唔少人都會選擇透過各式各樣嘅美容及醫美技術,令自己嘅外貌「升級」,其中霧眉、植眼睫毛等都變得十分普遍。最近,一位女士就決定去紋眉,希望能夠令自己睇落更加精神;但結果卻令佢足足1年唔敢出門?!

一名女子喺紋眉後,發現效果同想像中完全唔同,令佢唔敢出門見人!Photo from 抖音

泰國女為方便決定紋眉

根據外媒報導,32歲嘅泰國女子Nipapron Meeking 喺1年前同朋友們外遊前,決定去紋眉,希望減少自己平時每日化妝嘅時間,隨時隨地都保持容光煥發!而佢就用咗1,500泰銖(約港幣321)喺當地一間小型美容院進行「手術」。

泰國女子喺同朋友外遊前決定紋眉,等去影相打卡嘅時候睇落更加精神~Photo from 抖音

卻發現自己變成4條眉毛!

正當女子醒來後,非常期待咁望向鏡子嘅時候,佢驚覺自己足足有4條眉!只見眉毛上方又再多咗一對眉毛,十分明顯;而且上方嘅眉毛仲比佢本身嘅眉毛粗好多!

女子完成後,發現自己居然多咗2條眉毛!Photo from Daily Mirror

事後與美容師失去聯絡?!

雖然女子即刻憤怒向美容師反映,而對方亦保證會幫佢免費「復原」,但之後佢就無法再聯絡到對方。隨後佢嘗試去其他美容院尋求協助,可惜都無法還原返,令佢1年都唔敢出門見人!

而女子事後再聯絡美容師嘅時候,已經打唔到俾對方!Photo from 《我的大叔》劇照

好心紋身師免費幫手解決問題!

事件喺當地嘅社交媒體廣傳,好彩有一名好心嘅紋身師Pattawee Phumkasem主動表示「平時呢種服務要15,000泰銖(約港幣3,220),但我願意免費幫佢!」喺修復過程中,紋身師先幫佢「清除」上方嘅眉毛,其後再幫佢重新紋返新嘅眉毛,一共用咗3個月開始時間才大功告成!而Nipapron Meeking感謝紋身師嘅幫助,仲形容自己彷彿重獲新生咁~

好彩有一名好心嘅紋身師原因免費幫佢復原返!Photo from 抖音

最終花咗3個幾月,女子成功令外貌變返原本咁!Photo from Daily Mirror

即睇更多人氣文章:

紋眉特別易「出事」?!

過往網絡上都出現唔少類似嘅事件,當中好多人嘅效果都非常「顯著」!20歲嘅內地女仔花費1,900人民幣去紋眉,經歷3個鐘頭嘅過程後,卻發現眉毛異常地深色,而且眉毛「起晒角」!原本以為眉毛會隨住時間過去而變淡,但過咗一個月眉毛依然好實色,令唔少網民都笑言似關公!

20歲內地女子紋眉後,發現眉毛非常深色以及眉頭起角!Photo from 微博

估唔到過咗成個月之後,眉毛依然好深色,令佢超苦惱!Photo from 微博

大膽尋找零經驗美容師 ,眉毛形狀超奇怪!

部份網民就曾經嘗試搵比較便宜嘅美容師幫手紋眉,希望可以節省「扮靚」嘅開支。來自泰國女子超大膽地搵零經驗嘅美容師紋眉,結果眉毛變成極粗嘅半月形眉毛,令佢連出門口嘅勇氣都冇!事後佢獲好心嘅紋眉師幫手用技術「洗走條眉」先成功令奇怪嘅眉毛消失,前後一共用咗半年。

泰國26歲女大膽搵零經驗嘅紋眉師,結果就變成「蠟筆小新」咁!Photo from 微博

好彩佢最終獲好心嘅美容師幫手,令佢嘅超粗眉毛慢慢消失咗!Photo from 微博

內地男憑搞笑眉毛爆紅!

宜家貪靚已經唔係女士嘅專利喇!唔少男士都會為咗令外貌「升級」而決定紋眉,4年前內地一名18歲嘅男仔「小吳」喺理髮店剪髮,但就被對方以免費體驗遊說「整眉」,結果埋單嘅時候居然要俾大約4.3萬港幣,令佢決定報警處理;事後佢只需支付2,500。而小吳紋眉後嘅效果都唔係咁好,被網民稱為「喜感眉」,轉發成為當地流行嘅「表情包」(即係Stickers)!

內地男「小吳」過往理髮期間被美髮店遊說紋眉,但最終埋單居然要俾4萬?!Photo from 《88黃金眼》

佢條眉毛亦被稱為「喜感眉」,而佢受訪嘅片段被整成StickersPhoto from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel