東張西望｜伯伯誤信「修眉改運」結果只剩下半條眉！店員竟建議再付$2千重新紋眉？

時事熱話生活熱話

By Stephanie on 13 Oct 2022

Digital Content Writer

昨晚（12日）嘅《東張西望》接獲報料者嘅「中伏」經過，希望藉此勸喻大眾提高警覺。報料嘅梁先生表示途經街市時被說服「修眉改運」，卻竟然被剃走咗半邊眉毛！其後對方建議佢俾$2,000紋眉加令佢覺得有古怪，拒絕對方嘅「好意」。

Photo from 《東張西望》

報料者被說服「修眉改運」

報料嘅梁先生表示喺上個月23日經過逸東邨街市時，被其中一名檔口嘅店員熱情hard sell，指能夠透過修眉幫佢改運，但卻竟然換來意想不到嘅結果！

Photo from 《東張西望》

店員卻竟然剃走眉毛？！

起初梁先生好放心將眉毛交俾店員，以為對方一開始喺先為佢畫好眉型先修眉；點知店員已經剃緊佢條眉，佢即刻嚇到坐起身制止，但店員解釋只係「為佢清除眉毛邊嘅雜毛。」隨後店員就改為幫佢畫眉，但梁先生就覺得對方所畫嘅眉型唔適合自己而拒絕繼續幫襯。

Photo from 《東張西望》

發現半條眉毛冇咗！

梁先生返到屋企後詢問女兒修眉嘅效果，但女兒就話「你做咩俾人剃咗一大忽眼眉？！」嗰時梁先生才發現原來眼眉已經冇咗半條！

Photo from 《東張西望》

即睇更多人氣文章：

26歲女追求71歲老伯，婚後為對方誕下一子！忘年戀夫妻近況公開

內地女模周韋彤拍片自爆整容失敗直認愈整愈差好後悔坦言整容毁一生

店員竟建議用$2,000再紋眉！

其後梁先生曾經再次到訪店舖，但該店員居然建議佢俾$2,000紋返條眉，令佢懷疑對方可能一早就有預謀！事件亦令梁先生心情大受影響「嬲到幾晚都瞓唔好！」，仲覺得自己嘅運氣好似變差咗！

Photo from 《東張西望》

店舖現時已經搬走

節目組嘗試到訪相關嘅公司辦公室，但卻未能夠搵到任何一位職員。而當佢哋親自到訪街市內嘅檔口位置，先發現原來檔口係以日租形式營業，現時已經搬走咗，令梁先生都難以追究！

Photo from 《東張西望》

希望能夠提醒大眾提高警覺！

雖然梁先生因為眉毛而導致心情大受影響，而且上節目講述「中伏」經歷亦會令身邊嘅親朋好友得知事件；但佢都選擇勇敢咁向大眾分享，希望能夠提醒大家唔好輕易盡信商家們嘅營銷手段！

Photo from 《東張西望》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

32歲女紋眉後驚現4條眉，不願意出門1年！過往超多紋眉失敗例子？一不小心就變成「關公眉」！

8 Sep , 2022

現時唔少人都會選擇透過各式各樣嘅美容及醫美技術，令自己嘅外貌「升級」，其中霧眉、植眼睫毛等都變得十分普遍。最近，一位女士就決定去紋眉，希望能夠令自己睇落更加精神；但結果卻令佢足足1年唔敢出門？！

Photo from 抖音

泰國女為方便決定紋眉

根據外媒報導，32歲嘅泰國女子Nipapron Meeking 喺1年前同朋友們外遊前，決定去紋眉，希望減少自己平時每日化妝嘅時間，隨時隨地都保持容光煥發！而佢就用咗1,500泰銖（約港幣321）喺當地一間小型美容院進行「手術」。

Photo from 抖音

卻發現自己變成4條眉毛！

正當女子醒來後，非常期待咁望向鏡子嘅時候，佢驚覺自己足足有4條眉！只見眉毛上方又再多咗一對眉毛，十分明顯；而且上方嘅眉毛仲比佢本身嘅眉毛粗好多！

Photo from Daily Mirror

事後與美容師失去聯絡？！

雖然女子即刻憤怒向美容師反映，而對方亦保證會幫佢免費「復原」，但之後佢就無法再聯絡到對方。隨後佢嘗試去其他美容院尋求協助，可惜都無法還原返，令佢1年都唔敢出門見人！

Photo from 《我的大叔》劇照

好心紋身師免費幫手解決問題！

事件喺當地嘅社交媒體廣傳，好彩有一名好心嘅紋身師Pattawee Phumkasem主動表示「平時呢種服務要15,000泰銖（約港幣3,220），但我願意免費幫佢！」喺修復過程中，紋身師先幫佢「清除」上方嘅眉毛，其後再幫佢重新紋返新嘅眉毛，一共用咗3個月開始時間才大功告成！而Nipapron Meeking感謝紋身師嘅幫助，仲形容自己彷彿重獲新生咁～

Photo from 抖音

Photo from Daily Mirror

即睇更多人氣文章：

「中國第一懶人」楊鎖23年躺平人生！長期受父母溺愛導致失去自理能力！

港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

紋眉特別易「出事」？！

過往網絡上都出現唔少類似嘅事件，當中好多人嘅效果都非常「顯著」！20歲嘅內地女仔花費1,900人民幣去紋眉，經歷3個鐘頭嘅過程後，卻發現眉毛異常地深色，而且眉毛「起晒角」！原本以為眉毛會隨住時間過去而變淡，但過咗一個月眉毛依然好實色，令唔少網民都笑言似關公！

Photo from 微博

大膽尋找零經驗美容師，眉毛形狀超奇怪！

部份網民就曾經嘗試搵比較便宜嘅美容師幫手紋眉，希望可以節省「扮靚」嘅開支。來自泰國女子超大膽地搵零經驗嘅美容師紋眉，結果眉毛變成極粗嘅半月形眉毛，令佢連出門口嘅勇氣都冇！事後佢獲好心嘅紋眉師幫手用技術「洗走條眉」先成功令奇怪嘅眉毛消失，前後一共用咗半年。

Photo from 微博

內地男憑搞笑眉毛爆紅！

宜家貪靚已經唔係女士嘅專利喇！唔少男士都會為咗令外貌「升級」而決定紋眉，4年前內地一名18歲嘅男仔「小吳」喺理髮店剪髮，但就被對方以免費體驗遊說「整眉」，結果埋單嘅時候居然要俾大約4.3萬港幣，令佢決定報警處理；事後佢只需支付2,500。而小吳紋眉後嘅效果都唔係咁好，被網民稱為「喜感眉」，轉發成為當地流行嘅「表情包」（即係Stickers）！

Photo from 《88黃金眼》