download HolidaySmart 假期日常 app
Signature by 5R|中環法式爆餡酥皮忌廉筒 9款口味 超濃郁開心果+宇治抹茶味

Signature by 5R|中環法式爆餡酥皮忌廉筒 9款口味 超濃郁開心果+宇治抹茶味

美食推介
By Monie Lau on 20 Oct 2022
Reporter/ Anchor

中環新開法式甜品店「Signature by 5R」主打各款酥皮法式蛋糕,開店不久憑著爆餡酥皮忌廉筒爆紅,雪糕造型的忌廉筒更誇張到日賣200個,口味一共有9款,有齊開心果、伯爵茶朱古力、宇治抹茶口味,各位甜品控必試!

Signature by 5R

爆紅法式甜品店「Signature by 5R」位於地鐵站內,店家為觀塘法國私房菜餐廳「法家莊favourite private kitchen by 5R」的副線,主打別具法式風情的甜品。大廚對食材用料非常講究,如招牌酥皮由法國直送,其朱古力及牛油等亦來自歐洲!

爆紅法式甜品店「Signature by 5R」位於中環,店家為觀塘法國私房菜餐廳「法家莊favourite private kitchen by 5R」的副線。Photo from PressLogic

令店家一炮而紅是足有9款口味的爆餡酥皮忌廉筒,招牌忌廉筒以法國直送酥皮炮製,甜品師即日把忌廉筒卷成5層,當中上色的步驟繁複,先於表面蘸上白糖,再重複回溫及放回焗爐等步驟,才能炮製出色澤金黃忌廉筒。

當中上色的步驟繁複,先於表面蘸上白糖,再要重複回溫、放回焗爐等步驟,才能炮製出色澤金黃忌廉筒。Photo from PressLogic

直到食客落Order,才把冰凍的自家製忌廉或吉士醬唧入忌廉筒,拿上手時似足「邪惡版雪糕筒」!忌廉筒酥脆卻不鬆散,表面更帶有焦糖口感,食落牛油香氣比坊間中式忌廉筒更為濃郁!

直到食客落Order,才把冰凍的自家製忌廉或吉士醬唧入忌廉筒。Photo from PressLogic

招牌忌廉筒口味選擇豐富,包括開心果、抹茶紅豆、雲呢拿、朱古力忌廉、伯爵朱古力等,每款口味顏色繽紛,相當「IGable」!記者推介芒果口味,除了冰凍的忌廉,更加入足料芒果蓉,酸甜開胃!開心果口味用上美國開心果製成忌廉醬,表面灑上開心果碎粒,令口感層次更為豐富,而果仁香氣濃郁又不會太甜膩!

招牌忌廉筒口味選擇豐富,包括開心果、抹茶紅豆、雲尼拿、朱古力忌廉、伯爵朱古力等,每款口味顏色繽紛,相當「IGable」!Photo from PressLogic

 

記者推介芒果口味,除了冰凍的忌廉,食到底更有啖啖芒果蓉。Photo from PressLogic

店主指用上法國酥皮製成的拿破崙同樣好賣,三層酥脆酥皮配搭入口順滑的吉士醬,可選擇士多啤梨、芒果或無花果口味,各款鮮果可以平衡甜膩感;值得一提是酥皮拿破崙即使隔日進食,依然保持到超酥脆口感!

店主指用樣用上法國酥皮製成的拿破崙同樣好賣。Photo from PressLogic

可選擇士多啤梨、芒果或無花果口味,各款鮮果可以平衡甜膩感!Photo from PressLogic

其他蛋糕賣相造型精緻,內餡花盡心思,如抹茶蛋糕,內有日本宇治頂級抹茶、綿密的日本紅豆蓉及麻糬,食落富有口感!店家堅持所有蛋糕以全人手製作,出品數量有限,難怪迷你蛋糕款式亦經常售罄,若想買來用作開Party或散水餅,各位甜品控記得提早預訂!

其他蛋糕賣相造型精緻,內餡亦花盡心思,如抹茶蛋糕,內有日本宇治頂級抹茶、綿密的日本紅豆蓉及麻薯,令大家每一口都食到不同口感!Photo from PressLogic

不過由於全人手製作因此每天出品數量有限,迷你蛋糕經常售罄,各位甜品控記得提早預訂!Photo from PressLogic

Signature by 5R
地址:中環港鐵香港站29號舖
電話:26031968
營業時間:星期一至日 10:00 - 20:00

更多【美食推介】請按此

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel