download HolidaySmart 假期日常 app
方力申暗寸陳瀅超大牌?大爆3件事反映陳瀅地位高,封做「瀅姐」

方力申暗寸陳瀅超大牌?大爆3件事反映陳瀅地位高,封做「瀅姐」

娛樂新聞
By Jennifer on 18 Oct 2022
Digital Editor

TVB《美麗戰場》熱播,劇集話題度好高,劇中嘅主角亦成為網民關注嘅對象。其中陳瀅同方力申呢對緋聞男女更有感情線,不過劇外方力申卻處處「暗寸」陳瀅超大牌?!掀起網民熱議。

TVB《美麗戰場》熱播,劇集話題度好高Photo from TVB

《美麗戰場》方力申與陳瀅有感情線

台慶劇之一嘅《美麗戰場》由葉念琛擔任編審、導演同監製,佢同TVB首度合作就有唔錯嘅成績,劇集喺網上嘅關注同討論度都好高,劇中奸角蔣家旻、楊卓娜嘅演出成功引起網友熱議。曾經同葉念琛合作過好多次嘅方力申亦有出演此劇。

台慶劇之一嘅《美麗戰場》由葉念琛擔任編審、導演同監製Photo from TVB

劇中奸角蔣家旻、楊卓娜嘅演出成功引起網友熱議。Photo from TVB

方力申同女主角陳瀅傳過緋聞,兩人於劇中有感情線,之後仲結埋婚,而方力申亦表示同陳瀅嘅緋聞或為劇集增添話題,因此對呢樣嘢都保持正面嘅態度。不過方力申對緋聞對象陳瀅亦「有嗰句講嗰句」。

方力申同女主角陳瀅傳過緋聞,兩人於劇中有感情線,之後仲結埋婚Photo from TVB

方力申寸爆陳瀅,直指女方大牌?!

之前陳瀅飛到法國參加巴黎時裝周而缺席劇集嘅宣傳活動,當時方力申直言:「原來女主角都走得㗎喎?」仲話早知佢都飛過去美國或者日本,因為佢想睇NBA。方力申呢番言論被指暗寸陳瀅唔參與宣傳。

之前陳瀅飛到法國參加巴黎時裝周而缺席劇集嘅宣傳活動Photo from 陳瀅IG

方力申直言:「原來女主角都走得㗎喎?」被指暗寸陳瀅Photo from 陳瀅IG

近日方力申又指連《美麗戰場》嘅導演葉念琛都要稱呼陳瀅為「瀅姐」,唔止係咁,佢大爆一次同陳瀅對戲,雖然已經對咗一次,但想再對時陳瀅卻以「補妝」為由拒絕佢,更表示自己唔會改對白,叫佢搵同事對,方力申即忍唔住直言:「瀅姐好嘢喎!」被指「句句有骨」!

方力申又指連《美麗戰場》嘅導演葉念琛都要稱呼陳瀅為「瀅姐」Photo from TVB

方力申大爆一次同陳瀅對戲,雖然已經對咗一次,但想再對時陳瀅卻以「補妝」為由拒絕佢Photo from TVB

方力申與陳瀅曾傳緋聞,表明暫無機會發展成男女朋友關係

不過陳瀅隨後澄清指佢拍開黑化戲先會用呢個Tone同方力申講嘢,仲話只係講笑。陳瀅同方力申一向friend底,相信佢哋只係開玩笑啫!

陳瀅隨後澄清指佢拍開黑化戲先會用呢個Tone同方力申講嘢,仲話只係講笑。Photo from TVB

方力申之前表示自己已經單身咗5年,期間傳出嘅所有緋聞都係假!方力申坦言自己有玩交友App,不過「無人理」。陳瀅亦傳過多段緋聞,佢哋表示現階段無發展做男女朋友嘅想法。

方力申之前表示自己已經單身咗5年,期間傳出嘅所有緋聞都係假!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳瀅方力申疑戀情曝光?IG相暗藏玄機!方力申身家過億係隱形富豪?

8 Mar 2021

曾經傳過緋聞嘅陳瀅方力申一直關係曖昧,近日有網友發現佢哋兩人關係似乎逐漸明朗,喺陳瀅IG相更微露端倪!唔通傳過多段緋聞嘅陳瀅真命天子終於出現?

陳瀅同方力申曾經傳過緋聞Photo from Tiger's Talk

早排飛咗加拿大嘅陳瀅返香港後需接受21日隔離,一眾好友就先後為佢送上禮物、物資,超貼心!

早排飛咗加拿大嘅陳瀅返香港後需接受21日隔離Photo from 陳瀅IG

陳瀅為感謝好友,喺IG放上禮物認證照,更逐一tag返送禮嘅朋友以示感激。Anjaylia陳嘉寶送上嘅生果、何雁詩送嘅酒,「老公」Howie送嘅零食佢都一一影底tag對方。

Anjaylia陳嘉寶送上嘅生果Photo from 陳瀅IG

何雁詩送嘅酒Photo from 陳瀅IG

老公」Howie送嘅零食Photo from 陳瀅IG

有細心網友就發現,喺IG caption中陳瀅仲有tag到緋聞男友方力申,但喺佢影嘅禮物中就無tag到對方,而喺陳瀅post出嘅禮物中有一份係無tag到人。

IG caption中陳瀅仲有tag到緋聞男友方力申Photo from 陳瀅IG

呢份神秘禮物就係一紮鮮花!其實呢紮花係佢喺元宵節收到,陳瀅唔止喺收到當日馬上喺Story影底,留言「sweetness overload」,喺之後嘅IG自拍中亦見到呢紮花嘅縱影,可見佢收花有幾咁開心!

呢份神秘禮物就係一紮鮮花Photo from 陳瀅IG

呢紮花係陳瀅喺元宵節收到Photo from 陳瀅IG

陳瀅IG自拍中亦見到呢紮花嘅縱影Photo from 陳瀅IG

其實陳瀅同方力申嘅緋聞始於2019年,當時方力申參加環島游,陳瀅到場打氣更送上擁抱。之後兩人一齊上節目時陳瀅更公開爆方力申曾單獨約過佢食飯,雖然陳瀅最後並未應邀約與方力申共進晚餐,但兩人喺節目中表現曖昧。

陳瀅同方力申嘅緋聞始於2019年,當時方力申參加環島游,陳瀅到場打氣更送上擁抱Photo from 陳瀅IG

兩人喺節目中表現曖昧。Photo from Tiger's Talk

陳瀅透露方力申介紹過一位星座專家畀佢認識,專家指陳瀅會喺2023年同屬猴嘅男仔結婚,而方力申就係屬猴。陳瀅亦不諱言:「我成日都溝佢,你哋唔覺㗎咩?我覺得佢真係好男仔嚟。」不過方力申當時表現尷尬,指唔知陳瀅邊句真邊句假。

方力申當時表現尷尬,指唔知陳瀅邊句真邊句假。Photo from Tiger's Talk

雖然佢哋表示無進一步發展,但兩人關係好好,經常會喺陳瀅IG度見到方力申留言,唔止會留心心眼,更喺情人節陳瀅捧花嘅相下留言「Happy Valentine’s Day 」加三個心心emoji。

經常會喺陳瀅IG度見到方力申留言Photo from 陳瀅IG

方力申留心心眼Photo from 陳瀅IG

情人節陳瀅捧花嘅相下留言「Happy Valentine’s Day 」加三個心心emojiPhoto from 陳瀅IG

陳瀅出道以嚟有多段緋聞,其中同賭王四房兒子何猷亨一段情最為人熟知,原來方力申都係隱形富豪?

原來方力申都係隱形富豪?Photo from 方力申IG

早年方力申父親方毓仁曾大爆兒子喺2005年開始收藏第一幅名畫,至今珍藏過百件,價值達幾千萬!加上佢幾年前豪擲幾千萬購入豪宅,估計身家過億!

早年方力申父親方毓仁曾大爆兒子喺2005年開始收藏第一幅名畫,至今珍藏過百件,價值達幾千萬Photo from 方力申IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel