download HolidaySmart 假期日常 app
韓團IVE張員瑛指戴鳳凰髮簪「展現韓國風情」!被內地網民批評:又抄襲了?身世之謎再度掀熱議

韓團IVE張員瑛指戴鳳凰髮簪「展現韓國風情」!被內地網民批評:又抄襲了?身世之謎再度掀熱議

娛樂新聞
By Stephanie on 19 Oct 2022
Digital Content Writer

韓國女團IVE成員張員瑛人氣非常高,擁有精緻樣貌及高挑身材,深受粉絲愛戴~喺上個月底,佢就遠赴巴黎參加時尚週活動,並與韓國雜誌品牌合作拍片。近日片段喺網上公開,但喺張員瑛介紹鳳凰髮簪時,佢嘅一句話就惹怒內地網民,引發熱議!

韓國女團IVE成員張員瑛最近因為鳳凰髮飾,而遭內地網民批評?!Photo from 張員瑛IG

韓國新晉女團IVE人氣極高!

上年12月出道嘅韓國女團IVE係近年躍起嘅新星,推出嘅歌曲都非常人氣好高,成功吸粉無數,無論喺韓國定外國都擁有好多粉絲!當中18歲嘅張員瑛因參加選秀節目《PRODUCE 48》並成為限定女團IZ*ONE成員而為人熟悉,IG帳號追蹤人數高達近627萬!

韓國女團IVE上年12月出道,不過喺韓國人氣已經好高!Photo from IVE IG

其中18歲嘅張員瑛人氣非常高,過往亦有份參加選秀節目《PRODUCE 48》Photo from 張員瑛IG

張員瑛獲邀出席巴黎時裝週活動!

擁有苗條身形嘅張員瑛亦獲得唔少服裝品牌嘅青睞,喺9月底到10月頭期間獲邀飛往巴黎出席時裝週活動。期間,佢就有同韓國雜誌合作拍旅遊Vlog,到訪法國著名景點艾菲爾鐵塔、當地傳統小店等,工作之餘順便周圍觀光~

張員瑛上個月獲邀到巴黎出席時裝周活動Photo from 張員瑛IG

介紹髮簪無意中惹怒內地網民?

近日,呢段巴黎旅遊Vlog釋出,但卻居然引起大批內地網民嘅不滿?!事源係張員瑛於片中介紹自己當日嘅服裝穿搭,並特別提到配戴嘅鳳凰髮飾「戴這髮簪也是因為我想在巴黎展現韓國風情,所以特地從韓國帶來的飾物。」

而張員瑛喺片段中就特地介紹埋頭上嘅髮飾!Photo from 張員瑛IG

網民隨即搜出韓國品牌嘅鳳凰髮簪官方圖。Photo from 微博

即睇更多人氣文章:

內地網民堅持:鳳凰來自中國!

而張員瑛嘅呢番言論隨即引起內地網民嘅不滿,唔少內地網民都認為鳳凰係屬於中國文化嘅「鳳凰是中國的」、「真是個天大的笑話」等,批評張員瑛無視其他國家嘅文化。而內地網民亦開始討論起張員瑛嘅國籍,過往佢曾被揭疑似擁有「中國血統」;但亦有網民大爆父母疑似係台灣人,令佢嘅國籍備受熱議。不過翻查佢歷年嘅畢業照,相信佢自細就喺韓國長大。

大批內地網民都批評張員瑛嘅言論,認為鳳凰係源於中國!Photo from 微博

由於張員瑛過往被爆父母係中國人,佢嘅國籍之謎再度引起網民熱議。Photo from 張員瑛IG

少部分粉絲為張員瑛護航

然而,部份內地粉絲都有為張員瑛護航「她應該不是故意說的」、「就只是在宣傳髮飾啊」;亦有網民指張員瑛並未有講明「鳳凰」,唔排除佢只係想表達將韓國品牌服飾衝出國際!然而,好多內地網民都立刻湧入帖文留言批評佢哋盲目追星。

雖然部份張員瑛嘅粉絲有幫手澄清,不過好快就遭其他網民批評。Photo from 微博

好少部分嘅內地粉絲留言力撐張員瑛。Photo from 張員瑛IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel