內地落實翻拍《浪漫滿屋》電影版，男女主角人選被指「超齡」？網民擔心毀經典：要變中年滿屋了！

相信大家都可能睇過風靡一時嘅韓劇《浪漫滿屋》～近日，內地宣佈將會翻拍成電影版嘅《浪漫滿屋》，然而主角陣容卻引起網民熱議，更被網民指二人「超齡」似乎同故事情節唔太合襯？！

Photo from 《浪漫滿屋》

2004年經典韓劇《浪漫滿屋》

由Rain及宋慧喬主演嘅韓劇《浪漫滿屋》喺2004年開播，故事內容講述女主角本身係一名毫無名氣嘅小說作家，機緣巧合之下遇到「新房東」超級巨星嘅男主角；起初二人係契約婚姻關係再擦出愛火花嘅浪漫故事～當時劇集最高收視率達到40.2%，亦成功喺亞洲地區一炮而紅；而Rain及宋慧喬當時年紀相近，只係20歲出頭，仲因此被網民譽為「經典螢幕情侶」～

Photo from 《浪漫滿屋》

Photo from 《浪漫滿屋》

近日內地宣佈翻拍電影版

電視劇成功引領初代「韓劇熱潮」，過往曾被泰國、菲律賓、越南等地方翻拍。日前，內地宣佈將會翻拍成電影版《浪漫滿屋》，並舉行開機儀式。不過男女主角人選曝光後，卻被唔少網民批評「毀經典」？！

Photo from 微博

Photo from 微博

即睇更多人氣文章：

女兒與媽媽嗌交一怒之下選擇報警，竟意外揭母親非法居留23年！

球賽拎「大戒指」當眾求婚被拒 俾女友怒罵加掌摑 全場觀眾被嚇呆

男女主角人選引起熱議！

據悉，男主角將會由41歲美韓混血男星丹尼斯·吳飾演；而女主角則由曾出演《乘風破浪的姐姐3》嘅38歲女星張儷擔任，相對之下又真係同原版嘅年齡設定有啲差距！雖然2位演員都係俊男美女，但唔少網民都批評二人「超齡」似乎唔同故事設定唔太相符「二人加起來都80歲了」、「這劇情不會很尷尬嗎？」等評論。

Photo from 丹尼斯·吳微博

Photo from 張儷微博

Photo from 微博

內地先後翻拍《浪漫滿屋》3次！

其實今次已經係內地第3次翻拍《浪漫漫屋》！早於2015年，內地電視劇《幸福小鎮之浪漫滿屋》翻拍同名韓劇，並專登邀請韓國偶像U-KISS成員金慶載及鄭湫泓出演，不過呢套劇集似乎唔係太多人知道，反應不如預期！

Photo from 《幸福小鎮之浪漫滿屋》

Photo from 《幸福小鎮之浪漫滿屋》

2020年劇集以漫畫為藍本改編

隨後，喺2020年內地劇集《仲夏滿天心》就以漫畫版《浪漫滿屋》為藍本改編拍攝，由楊超越及許魏洲主演，打造成為全新嘅都市愛情喜劇。但當時反應一般，喺豆瓣網站中只係獲得6.2分，似乎難逃「翻拍劇」收拾低迷嘅現象！

Photo from 《仲夏滿天心》

Photo from 《仲夏滿天心》

相關文章：有傳TVB即將翻拍新《倚天屠龍記》　戴祖儀飾演趙敏/周柏豪做張翠山？！

相關文章：8 套翻拍次數最多經典劇集　第一位被翻拍 7 次！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）