北海道雲海平台夢幻Tenbou Cafe,雲朵主題食物+飲品超IGable!另設有6大觀景設施

北海道雲海平台夢幻Tenbou Cafe,雲朵主題食物+飲品超IGable!另設有6大觀景設施

旅遊攻略
By Stephanie on 24 Oct 2022
Digital Content Writer

去旅行當然唔少得去擁有優美環境嘅餐廳/cafe打卡~位於北海道星野TOMAMU度假村嘅「雲海平台」就有一間被譽為「最接近天堂」嘅咖啡廳「UNKAI TERRACE Tenbou Café」,店內嘅食物大多以雲朵做主題,而且仲可以欣賞無邊際嘅雲海,絕對值得一去!

北海道雲海平台(雲海テラス)擁有超多賞景設施,仲有一間值得去打卡嘅cafe~Photo from 雲海テラスFB

北海道雲海平台咖啡店「Tenbou Café」

位於北海道大型度假村、星野集團旗下嘅著名景點「雲海平台」(雲海テラス)係其中一個打卡熱點,而觀賞區嘅咖啡店「Tenbou Café」亦成功吸引唔少旅客慕名而來!由於雲海平台嘅高度為海拔1088M,所以客人能夠一眼望晒成個靚景,若果冬天去仲能夠欣賞到迷人嘅雪景~

位於北海道雲海平台嘅「Tenbou Café」係必去打卡嘅cafe~Photo from 雲海テラスFB

以「雲朵」為主題的食物

Cafe內所出售嘅食物都以「雲朵」作為主題,最出名嘅就有「雲海棉花糖梳打」、「霧冰咖啡」、「白雲雪糕」等,少女心爆棚!精緻嘅食物配上超夢幻嘅雲海景色,輕輕鬆鬆就可以影到超靚嘅打卡相~

而咖啡廳內嘅食物大多都係以白雲或者雪花做主題~Photo from 雲海テラスFB

當中最出名嘅就係「雲朵棉花糖汽水」~Photo from Pinterest

2022年5月雲海平台觀景台翻新完畢!

除咗呢個咖啡廳之外,「雲海平台」喺今年5月剛剛翻新完畢!第1層嘅觀景平台變得更加闊,就咁睇大家就好似置身於雲海之中咁;而旅客仲可以喺第3層俯視日高山脈嘅景色,真係令人流連忘返~

剛剛翻新完畢嘅觀景台變身做3層高!Photo from 雲海テラス

旅客可以由第3層俯視成個雲海美景~Photo from 雲海テラス

 

即睇更多人氣文章:

「雲海平台」6大觀景設施一覽

廣告
廣告

而本身「雲海平台」都已經擁有6大觀賞靚景嘅設施,包括「Cloud Walk」係其中一個離雲海最近嘅觀景台,等大家可以體驗於雲海漫步嘅感覺~而「Sky Wedge」就係一個V字形嘅觀賞台,係俾遊客打卡影相嘅好地方!

「Cloud Walk」係離雲海最近嘅觀景台!Photo from 雲海テラス

「Sky Wedge」嘅V字形設計就最適合俾大家打卡影相用~Photo from 雲海テラス

特別觀賞方式 宛如置身於雲海之中!

「Cloud Pool」採用懸浮嘅概念,使用高強度嘅網製作而成;離地大約8公尺高,一次能夠容納大約10個人嘅重量!另一個「Cloud Bed」就係以大小不一嘅圓形軟墊所堆成嘅小角落,等大家可以挨喺度望著藍天白雲,享受悠閒嘅一日~

「Cloud Pool」使用高強度嘅網製作而成,不過畏高嘅朋友就可能會有啲驚喇!Photo from 雲海テラス

「Cloud Bed」提供大大小小嘅圓形軟墊俾旅客瞓喺上面欣賞天空景色!Photo from 雲海テラス

夢幻雲景盡收眼底~

 Contour Bench」則位於山丘位置,提供大量長椅俾大家坐喺度欣賞美景。而喺2019年開幕嘅「Cloud Bar」有一個長度約13公尺嘅吧檯及高3公尺嘅高腳椅,飽覽成個夢幻雲景。

「 Contour Bench」提供多個長椅俾大家坐低睇靚景!Photo from 雲海テラス

2019年開幕嘅「Cloud Bar」俾大家將絕美嘅雲景盡收眼底!Photo from 雲海テラス

星野リゾート トマム 雲海テラス

纜車費用:1,900日圓(星野TOMAMU度假村住客可免費乘搭)

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel