download HolidaySmart 假期日常 app
【韓國旅遊2022】7款遊韓必備超實用App!一文搞掂交通路線/搭車/語言/叫外賣!半夜想食炸雞都冇問題!

【韓國旅遊2022】7款遊韓必備超實用App!一文搞掂交通路線/搭車/語言/叫外賣!半夜想食炸雞都冇問題!

旅遊攻略 日韓旅遊
By Haitaeng on 25 Oct 2022
Digital Editor

7款韓國旅遊超實用App,去韓國自由行必睇!韓國一向係香港人熱愛旅遊的國家之一,尤其適逢涼爽的秋季,有不少值得遊覽限定景點和美食~咁耐冇去韓國,難免有點陌生,尤其唔識韓文,搭車或點餐等可能會遇到難題~以下集齊多款遊韓必備超實用App,一文搞掂交通路線、搭車、語言和叫外賣等!

7大遊韓必備超實用App,去韓國自由行必睇!Photo from IG@charmaine_charm

#交通篇

·Naver Map

遊韓必備實用App推薦:Naver MapPhoto from Google Play

如果要搜尋地方或確認交通資訊,推薦韓國人最常使用的地圖App「Naver Map」!雖然目前只有支援簡體中文,但當地很多店家一般都會在Naver Map裡面更新資訊,所以比起Google Map,Naver Map的路線規劃和店家資訊會更準確和詳細喔~最重要嘅係,App除左有店家資訊如營業時間和評價,仲可以店家的電話號碼搜尋地址,最重要能使用實景地圖直接模擬出真實路線,十分方便輕鬆!另外,Naver Map有連接公共交通,提供的計算路程時間、車費等資訊都十分精準,絕對係遊韓必備App!

「Naver Map」為韓國人最常使用的地圖App,一大特色係可以直接模擬出真實路線的實景地圖功能!Photo from App Store截圖

·韓巢韓國地鐵

遊韓必備實用App推薦:韓巢韓國地鐵Photo from Google Play

除了Naver Map,「韓巢地圖」同樣係遊韓必備的實用App,重點係可以支援繁體中文!雖然沒有實景地圖功能,但這款App的圖示功能亦相當方便,例如機場、地鐵站、百貨公司或酒店的手扶梯出入口和電梯等,都會清楚標示出來。同時,「韓巢地圖」亦可以電話號碼搜尋店家,而且資訊更新速度快,通常一至兩個星期就會更新一次!另外,App同樣有連結地鐵路線和路程時間的計算功能等,但可惜暫時沒有連結巴士資訊~

「韓巢地圖」與「Naver Map」的功能類似,重點係支援後者沒有的繁體中文!Photo from App Store截圖

·Subway Korea

遊韓必備實用App推薦:Subway KoreaPhoto from Google Play

「Subway Korea」特別推薦給計劃去韓國自由行的朋友!擔心搞不懂地鐵咁多條路線?「Subway Korea」可以支援韓國五大城市的地鐵系統,提供實時車站狀況、計算搭乘時間、車站出入口、車費、最快路線查詢和轉乘方式等資訊,仲可以預先查詢尾班車時間,而且有支援繁體中文,相當方便實用!另外仲有一大重點,就係可以離線查看,就算沒有網絡都唔駛擔心會擺烏龍搭錯車啦~

「Subway Korea」支援韓國五大城市的地鐵路線,提供與搭車相關的詳細資訊,而且有支援繁體中文!Photo from App Store截圖

·Kakao T

遊韓必備實用App推薦:Kakao TPhoto from Google Play

唔識韓文最擔心截唔到的士、溝通唔到去錯地方甚至的士跳表車費變貴等情況,可以試一試韓國最大的叫車App「Kakao T」,在韓國任何地方都可以叫到車!除了可以選擇車型、搭車預估時間,App仲有提供叫代駕、租借電動單車和搜尋停車場等多樣化功能。只要註冊Kakao Talk帳號即可使用,但如果有韓國手機號碼會更好,方便聯絡司機。就算沒有韓國手機號碼或信用卡亦無問題,可以先用App叫車,車費按照跳錶計算,再選擇使用現金、實體信用卡或T-money等方式付款!

廣告
廣告

「Kakao T」係韓國最大的叫車App,遊客即使沒有韓國手機號碼亦可使用~Photo from App Store截圖

#寄放篇

·T locker

遊韓必備實用App推薦:T lockerPhoto from App Store

近三年再有機會出國旅行,當然想盡情瘋狂購物一番,尤其韓國有不少美妝、護膚品和服飾等都係必掃貨清單!雖然首爾部分地鐵站設有置物櫃,可以讓大家暫時寄存行李或戰利品,但究竟邊一站才有?置物櫃仲有位嗎?往往都要去到現場才知道。首爾市政府就特別推出「T locker」,更方便輕鬆預先查看各個地鐵站的置物櫃和行李保管處的詳細位置、剩餘的空位、置物櫃尺寸和寄放費用等~雖然遊客目前無法使用預約功能,但可以查看置物櫃的位置和空位,就已經非常夠用啦!特別注意,在地鐵站內的置物櫃,只限在地鐵運作時間(6am~12am)內可以進行寄放或領取。

「T locker」可查看各個地鐵站的置物櫃位置和是否有空位等資訊!Photo from App Store截圖

#翻譯篇

遊韓必備實用App推薦:Naver Papago-AI TranslatorPhoto from Google Play

·Naver Papago-AI Translator

在韓國唔識講或睇韓文無法溝通點算好?比起Google Translate,推薦下載韓國人最常使用的翻譯App「Papago」,不但兼具文字和語音輸入功能,翻譯出來的韓文更自然順口,而且還有敬語選項可揀!另外,如果遇到在餐廳點餐但只有純韓文的菜單或其他情況,使用App的圖片翻譯功能,就可以快速直接翻譯文字,實在太方便好用啦!

「Papago」最適合唔識韓文的人,可以透過打字、語音或拍照方式,快速翻譯出韓文!Photo from App Store截圖

#點餐篇

·요기요yo gi yo

遊韓必備實用App推薦:요기요yo gi yoPhoto from Google Play

半夜在民宿或酒店突然想食炸雞,但唔識講韓文?推薦韓國當地人經常使用的點餐App「요기요yo gi yo」~只要使用韓國手機門號註冊登錄後,完全唔駛打電話,點開App再選擇想要點餐的店家,立即會顯示包含圖文的菜單,非常容易就能點餐!難得去韓國旅遊,不妨體驗一下在當地叫外賣啦!

「요기요yo gi yo」讓唔識韓文的遊客更輕鬆體驗到在韓國叫外賣的滋味~Photo from App Store截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel