download HolidaySmart 假期日常 app
下流上車族｜羅毓儀男友大公開！拍拖3年，一齊開設YouTube頻道

下流上車族｜羅毓儀男友大公開！拍拖3年，一齊開設YouTube頻道

電視電影 娛樂新聞
By Jennifer on 25 Oct 2022
Digital Editor

近日TVB劇集《下流上車族》飾演「車蔓蔓」嘅羅毓儀備受關注，原來佢本人多才多藝，曾出書又識電子吉他，另外樣子甜美嘅羅毓儀有一位圈外男友，兩人感情要好，更一齊開設YouTube頻道拍片分享生活！

近日TVB劇集《下流上車族》飾演「車蔓蔓」嘅羅毓儀備受關注Photo from 《下流上車族》

《下流上車族》「車蔓蔓」羅毓儀備受關注

《下流上車族》收視屢屢超過20點，話題度亦相當不錯，其中於劇中飾演林敏驄同江美儀細女「車蔓蔓」嘅羅毓儀演技收穫唔少好評，佢出道僅3年就已受到觀眾關注同認同，之後仲劇接劇，前途無可限量！

飾演林敏驄同江美儀細女「車蔓蔓」嘅羅毓儀演技收穫唔少好評，佢出道僅3年就已受到觀眾關注同認同Photo from 《下流上車族》

現年26歲嘅羅毓儀大學就讀香港城市大學，佢以一級榮譽成績獲得工商管理榮譽學士（商業營運管理）學位，畢業後佢報考藝員訓練班，之後加入TVB成旗下藝人，入行後羅毓儀有好多演出機會，不過大部分都係飾演路人角色，直到2021年尾佢先慢慢出演配角，2022年開始漸受關注，而《下流上車族》就係佢入行以嚟戲份最多嘅一次。

現年26歲嘅羅毓儀大學就讀香港城市大學，畢業後佢報考藝員訓練班入行Photo from 羅毓儀IG

入行後羅毓儀有好多演出機會，不過大部分都係飾演路人角色Photo from 「咪咪Yuki觀察日記」

羅毓儀多才多藝，與男友經營YouTube頻道

大學一級榮譽畢業嘅羅毓儀除咗係一名學霸之外，佢嘅興趣亦相當廣泛，識得彈電子吉他同鋼琴，曾經擔任吉他手同其他人組成業餘樂隊「MochiIce」並公開表演過。另外佢又於2019年10月以筆名「一粒雪」推出原創小說《天賜之子·不死鳥》。

羅毓儀曾經擔任吉他手同其他人組成業餘樂隊「MochiIce」並公開表演過。Photo from 羅毓儀IG

羅毓儀曾以筆名「一粒雪」推出原創小說《天賜之子·不死鳥》。Photo from 羅毓儀IG

羅毓儀對日本文化都好有興趣，佢平時會cosplay，更曾經喺YouTube Channel中翻唱日文歌。羅毓儀拍咗拖3年嘅圈外男友Mike以情侶檔經營YouTube頻道「咪咪Yuki觀察日記」，頻道於2015年1月開設，兩人嘅頻道多數都拍攝飲食、購物、掃街嘅影片。

羅毓儀2015年1月開始以情侶檔經營YouTube頻道「咪咪Yuki觀察日記」Photo from 「咪咪Yuki觀察日記」

兩人嘅頻道多數都拍攝飲食、購物、掃街嘅影片。Photo from 「咪咪Yuki觀察日記」

圈外男友Mike去《下流上車族》拍攝場地探班

頻道最新一條片羅毓儀仲帶埋圈外男友Mike去《下流上車族》拍攝場地探班添！之前羅毓儀就提到佢同男友變熟悉係因為夾band，男友係打鼓嘅，佢就負責彈結他，相識後Mike搵咗好多唔同藉口約羅毓儀，最後仲作咗首歌向羅毓儀表白！

頻道最新一條片羅毓儀仲帶埋圈外男友Mike去《下流上車族》拍攝場地探班Photo from 「咪咪Yuki觀察日記」

羅毓儀分享劇中「屋企」嘅細節位～Photo from 「咪咪Yuki觀察日記」

之前羅毓儀就提到佢同男友變熟悉係因為夾band，男友係打鼓嘅，佢就負責彈結他Photo from 「咪咪Yuki觀察日記」

男友最後仲作咗首歌向羅毓儀表白Photo from 「咪咪Yuki觀察日記」

羅毓儀表示同男友有好多共同嘅話題，又大讚即使同男朋友嗌交對方都會主動送佢返屋企，睇佢哋嘅IG發現男友Mike都曾經同羅毓儀一齊cosplay，果然係有共同嘅興趣。

羅毓儀表示同男友有好多共同嘅話題Photo from Mike IG

羅毓儀大讚即使同男朋友嗌交對方都會主動送佢返屋企Photo from 「咪咪Yuki觀察日記」

睇佢哋嘅IG發現男友Mike都曾經同羅毓儀一齊cosplayPhoto from Mike IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

何超雲傳與圈外男友結婚！男友任職消防隊長、高大威猛？！

12 Sep 2022

已故賭王何鴻燊三房長女何超雲近年十分低調，但有消息傳出佢嘅圈外男友求婚成功，兩人將共諧連理。事實上何超雲2013年與陳山聰分手後就單身多年，今次傳出婚訊，有指圈外男友係一位消防隊長！

已故賭王何鴻燊三房長女何超雲近年十分低調Photo from 何超雲IG

傳賭王三房長女何超雲獲圈外男友求婚

賭王嘅一眾子女一舉一動都會引起網民嘅關注，近年三房、四房嘅幾位子女都陸續結婚，並做爸爸、媽媽。其中獲賭王大讚「個個女都靚」嘅三房，兩位千金仍然未出嫁。

賭王大讚「個個女都靚」嘅三房，兩位千金仍然未出嫁。Photo from 何超雲IG

不過何超蓮同內地演員竇驍感情穩定，屢次傳出婚訊。相比起妹妹，何超雲就似乎仍未覓得真命天子。近年低調不少嘅超雲竟傳出答應圈外男友求婚，即將升呢做人妻！

近年低調不少嘅超雲竟傳出答應圈外男友求婚，即將升呢做人妻！Photo from 何超雲IG

何超雲男友傳為消防隊長

有傳媒晒出疑似求婚現場嘅相片，超雲嘅圈外男友高大威猛，外型不輸男明星。有指男方任職消防隊長，難怪身材咁fit！同何超雲絕對係郎才女貌，非常登對。

有指超雲嘅圈外男友任職消防隊長Photo from 何超雲IG

即睇更多人氣文章：

2011年何超雲陳山聰戀情公開，兩人愛得高調

何超雲作為賭王三房長女，佢嘅感情事向來受到外界熱議，其中佢同陳山聰嘅一段戀情最為人熟悉，2011年陳山聰同何超雲多次傳出緋聞，雖然兩人未有承認，但陳山聰2010年先同前妻離婚，陳山聰形象亦大受打擊，佢更被認定係為追賭王愛女而拋棄糟糠之妻。

何超雲作為賭王三房長女，佢嘅感情事向來受到外界熱議，其中佢同陳山聰嘅一段戀情最為人熟悉Photo from 何超雲微博

到2011年8月何超雲晒出家庭照中出現陳山聰，正式公開戀情。兩人拍拖時都相當高調，即使外界從不睇好佢哋能修成正果，但陳山聰似乎亦獲三房認可，佢同何超雲經常結伴出席公開活動。

陳山聰似乎亦獲三房認可，佢同何超雲經常結伴出席公開活動。Photo from 何超雲微博

分手後何超雲感情生活超低調，疑單身9年！

陳山聰年長何超雲13年，佢哋公開戀情後陳山聰亦多次出席家庭飯局，但2013年陳山聰同何超雲2年情斷，宣佈分手。分手後何超雲就十分低調，佢嘅IG都係同家人、愛寵嘅合照，似乎一直單身，今次佢終於搵到自己嘅Mr.Right，有唔少網友都送上祝福！

陳山聰年長何超雲13年，佢哋公開戀情後陳山聰亦多次出席家庭飯局Photo from 何超雲微博

2013年陳山聰同何超雲2年情斷，宣佈分手。分手後何超雲就十分低調，佢嘅IG都係同家人、愛寵嘅合照Photo from 何超雲IG

何超雲同陳山聰分手後似乎一直單身Photo from 何超雲IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

電視電影娛樂新聞男友下流上車族羅毓儀