download HolidaySmart 假期日常 app
美麗戰場|陳瀅黑化現肚腩,阿寶設定美若天仙但造型經常出事?!

美麗戰場|陳瀅黑化現肚腩,阿寶設定美若天仙但造型經常出事?!

電視電影 娛樂新聞
By Jennifer on 28 Oct 2022
Digital Editor

TVB劇集《美麗戰場》即將大結局,劇中女主角鍾家寶設定為大美女,憑靚樣喺圈中打滾。不過飾演鍾家寶嘅陳瀅設局害經理人王一言(陳山聰飾)一幕卻現肚腩,其實喺劇中陳瀅唔少造型都暴露佢嘅短處,與「大美人」形象不符。

TVB劇集《美麗戰場》即將大結局,劇中女主角鍾家寶設定為大美女,憑靚樣喺圈中打滾。Photo from TVB

《美麗戰場》陳瀅大晒黑化演技

《美麗戰場》迎嚟結局篇,劇情發展已達高潮。喺17集中陳瀅就設局令擔任佢經理人嘅陳山聰於公眾面前失態,成功解約,撇甩對方。呢個場面陳瀅都演得十分肉緊,大晒黑化演技。

喺17集中陳瀅就設局令擔任佢經理人嘅陳山聰於公眾面前失態,成功解約,撇甩對方。Photo from TVB

陳瀅梳起馬尾,著上一身黑色套裝,加埋紅色唇膏,好有氣場,佢更喺陳山聰耳邊講換咗佢嘅藥,故意激怒對方,陳瀅咬牙切齒嘅樣盡顯佢對陳山聰嘅不滿!不過有網友就將重點放咗落陳瀅條腰度。

陳瀅梳起馬尾,著上一身黑色套裝,加埋紅色唇膏,好有氣場Photo from TVB

陳瀅咬牙切齒嘅樣盡顯佢對陳山聰嘅不滿!Photo from TVB

陳瀅與陳山聰演對手戲現肚腩?!

原來陳瀅喺陳山聰耳邊講嘢時現出腰間腩肉,十分搶眼!其實陳瀅一向唔係纖幼身型,有指《美麗戰場》嘅導演葉念琛都有叫過陳瀅減肥,但成效未見顯著,加上陳瀅劇中有唔少造型都被指「炒車」。

陳瀅喺陳山聰耳邊講嘢時現出腰間腩肉,十分搶眼!Photo from TVB

有指《美麗戰場》嘅導演葉念琛都有叫過陳瀅減肥,但成效未見顯著Photo from TVB

陳瀅選香港小姐身穿粉藍單肩長裙

陳瀅飾演嘅鍾家寶係大美女,參加香港小姐競選時已驚為天人,更成功吸引擔任港姐評判之一嘅大少爺龐振宇(方力申飾),不過陳瀅所著嘅粉藍露肩長裙就唔係好有修身效果,加上單肩設計,令肩膊整體有「好橫」嘅感覺。

陳瀅飾演嘅鍾家寶係大美女,參加香港小姐競選時已驚為天人Photo from TVB

家寶成功吸引擔任港姐評判之一嘅大少爺龐振宇(方力申飾)Photo from TVB

陳瀅所著嘅粉藍露肩長裙就唔係好有修身效果,加上單肩設計,令肩膊整體有「好橫」嘅感覺。Photo from TVB

陳瀅於龐家著藍色花花泡泡袖連身裙

另外陳瀅喺龐家時所著嘅藍色花花連身裙雖然就係露肩,但泡泡袖嘅設計同樣強調咗膊頭,令陳瀅睇落比旁邊嘅何依婷大一個size!好在坐佢隔離嘅朱晨麗同陳瀅身型相差唔大。

陳瀅喺龐家時所著嘅藍色花花連身裙雖然就係露肩,但泡泡袖嘅設計同樣強調咗膊頭Photo from TVB

陳瀅睇落比旁邊嘅何依婷大一個size!好在坐佢隔離嘅朱晨麗同陳瀅身型相差唔大。Photo from TVB

網民指陳瀅劇中服裝出事?!

唔少網友睇完之後都覺得陳瀅嘅衫出事,直言條裙款式好差,仲話好似煮餸圍裙咁,網民表示劇中嘅服飾未能揚長避短,反而更加突顯咗陳瀅嘅短處,未能發揮佢身型上嘅優勢。

唔少網友睇完之後都覺得陳瀅嘅衫出事,直言條裙款式好差Photo from TVB

網民表示劇中嘅服飾未能揚長避短,反而更加突顯咗陳瀅嘅短處Photo from TVB

網友話條花花裙好似煮餸圍裙咁Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳瀅極速上位做女主角,同齡龔嘉欣捱足14年疑寸爆:我唔一樣!

20 Oct 2022

陳瀅近日主演嘅劇集《美麗戰場》話題度好高,佢加入TVB幾年就極速上位,與佢同齡嘅另一位小花龔嘉欣上位之路就無咁平坦,佢受訪時更直言自己係捱返嚟嘅,同陳瀅唔同,疑似寸爆對方?!

陳瀅近日主演嘅劇集《美麗戰場》話題度好高Photo from TVB

陳瀅主演《美麗戰場》演技,龔嘉欣指未有資歷評論

台慶劇《美麗戰場》現正熱播,女主角陳瀅嘅演出亦受到關注,雖然「瞪眼演技」備受批評,但陳瀅嘅人氣同知名度亦有所上升,連日嚟都出席唔少宣傳活動,曝光率唔低!

雖然「瞪眼演技」備受批評,但陳瀅嘅人氣同知名度亦有所上升Photo from 小紅書

連日嚟陳瀅都出席唔少宣傳活動,曝光率唔低!Photo from TVB

日前龔嘉欣出席活動時就被問到對陳瀅嘅「瞪眼式演技」有咩睇法,佢表示自己未有資格評論其他人,其實佢同陳瀅係同年,今年過完生日都係33歲,不過兩人事業發展就各有不同。

日前龔嘉欣出席活動時就被問到對陳瀅嘅「瞪眼式演技」有咩睇法,佢表示自己未有資格評論其他人Photo from 龔嘉欣IG

陳瀅極速上位屢做女主角

陳瀅喺溫哥華長大,佢回流香港後首先係做model,2014年佢拍攝TVB劇集《女人俱樂部》,並飾演校花「容丹丹」嘅年青版(長大後由陳慧珊飾演)而受到關注,之後佢參演嘅電視劇都出演重要角色。2020年陳瀅憑劇集《黃金有罪》首獲提名「最佳女主角」,隨後佢喺《愛美麗狂想曲》、《伙記辦大事》、《痞子殿下》都擔任女主角。

陳瀅喺溫哥華長大,佢回流香港後首先係做modelPhoto from 陳瀅IG

2014年陳瀅拍攝TVB劇集《女人俱樂部》,並飾演校花「容丹丹」嘅年青版而受到關注Photo from TVB

陳瀅喺《痞子殿下》擔任女主角Photo from TVB

龔嘉欣捱足14年先獲關注

陳瀅入行幾年就獲公司力捧,近年幾乎每套劇集都係做女主角,而龔嘉欣雖然同佢同齡,但加入TVB嘅時間更長,事業發展相對嚟講都無咁順利。龔嘉欣19歲簽約TVB,第一套劇係《盛裝舞步愛作戰》,之後參演多部劇集,多數都係做配角。

入行幾年間獲公司力捧,近年幾乎每套劇集陳瀅都係做女主角Photo from 陳瀅IG

龔嘉欣19歲簽約TVB,第一套劇係《盛裝舞步愛作戰》Photo from TVB

直到2016年出演台慶劇《幕後玩家》飾演黃宗澤正印老婆Carmen,因為演繹出妻子面對丈夫偷食嘅心痛,演技備受讚賞,即使戲份唔多仍憑呢個角色奪得「最佳女配角」,之後佢再憑《香港愛情故事》獲得「最受歡迎電視女角色」,正式上位。

直到2016年龔嘉欣出演台慶劇《幕後玩家》演繹出妻子面對丈夫偷食嘅心痛,演技備受讚賞Photo from TVB

龔嘉欣憑《香港愛情故事》獲得「最受歡迎電視女角色」Photo from 龔嘉欣IG

龔嘉欣疑寸陳瀅?!

龔嘉欣喺之後嘅劇集同樣都係擔任女主角,但相比起陳瀅,佢等咗好多年先有機會,難怪提起同年嘅陳瀅,龔嘉欣表示自己係捱返嚟:「我19歲簽畀TVB,由一個小番薯捱下捱下到依家都好感恩。」佢指多咗競爭係好事,可以百花齊放,但就坦言:「我唔一樣嘅。」

龔嘉欣喺之後嘅劇集同樣都係擔任女主角,但相比起陳瀅,佢等咗好多年先有機會Photo from 龔嘉欣IG

難怪提起同年嘅陳瀅,龔嘉欣表示自己係捱返嚟Photo from 陳瀅IG

龔嘉欣:「我19歲簽畀TVB,由一個小番薯捱下捱下到依家都好感恩。」Photo from 龔嘉欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel