download HolidaySmart 假期日常 app
日本箱根小王子博物館宣佈2023年閉園!開業逾20年,2大原因終閉園

日本箱根小王子博物館宣佈2023年閉園!開業逾20年,2大原因終閉園

旅遊攻略 旅遊新聞 日韓旅遊
By Jennifer on 31 Oct 2022
Digital Editor

日本開關,唔少香港人已經第一時間「返鄉下」!雖然入境人數上升,但箱根嘅小王子博物館日前就宣佈將於2023年閉園,正式向公眾道別。中意小王子嘅朋友要把握時機,閉園後就少咗一個朝聖地!

箱根嘅小王子博物館日前就宣佈將於2023年閉園Photo from 小王子博物館

法國小說《小王子》自出版以嚟已有二百五十種語言寫成多種版本,影響力甚廣。世界多地都有與小王子相關嘅博物館同埋展覽,其中日本神奈川箱根町就有一個小王子博物館。

法國小說《小王子》自出版以嚟已有二百五十種語言寫成多種版本,影響力甚廣Photo from 小王子博物館

日本神奈川箱根町就有一個小王子博物館。Photo from 小王子博物館

位於箱根嘅小王子博物館建築都好有法國特色,博物館嘅室外廣場立設有小行星B-612以及小王子雕像,另外仲有小王子公園,入面有玫瑰花園,係打卡嘅好地方,博物館則係喺室內。

建築都好有法國特色Photo from 小王子博物館

廣場立設有小行星B-612以及小王子雕像Photo from 小王子博物館

仲有小王子公園,入面有玫瑰花園,係打卡嘅好地方Photo from 小王子博物館

博物館則係喺室內。Photo from 小王子博物館

不過於1999年6月開幕嘅小王子博物館日前發聲明,宣佈因為疫情人流減少,同埋設施老化陳舊嘅原因,將於2023年3月31日正式閉園,感謝旅客多年嘅支持。

小王子博物館日前發聲明,宣佈因為疫情人流減少,同埋設施老化陳舊嘅原因,將於2023年3月31日正式閉園Photo from 小王子博物館

小王子博物館1999年6月開幕Photo from 小王子博物館

全球唯一一間小王子博物館,入面還原咗好多小說嘅場景,又有作者生平嘅介紹等,閉園之後,fans又少一個朝聖地點,如果想去嘅話真係要把握機會!

小王子博物館有作者生平嘅介紹Photo from 小王子博物館

小王子博物館
地址:神奈川県足柄下郡箱根町仙石原909
營業時間:10:00~18:00(最終入園時間:17:00)
門票:當日券成人1,600円;高中生大學生1,100円;小學生中學生700円

小王子博物館Photo from 小王子博物館

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel