日本列車「曙光瑞風號」享受奢華體驗！全景式展望列車飽覽沿途美景+遊覽限定開放景點

日本豪華寢室列車「曙光瑞風號」一向都頗受旅客歡迎，近日JR西日本推出「曙光瑞風號極致奢華之旅」，等旅客可以體驗奢華嘅列車之旅，仲能夠一邊欣賞美景，一舉兩得！

Photo from JR西日本

日本豪華列車「曙光瑞風號」

JR西日本自2017年開始推出列車「曙光瑞風號」，憑奢華嘅內部設計被大眾稱為「最豪華列車」～而近日台灣嘅可樂旅遊聯乘JR西日本推出「曙光瑞風號極致奢華之旅」，俾旅客體驗奢華嘅6日5夜之旅！

Photo from JR西日本

每間房間都有1名私人管家

日本豪華寢台列車「曙光瑞風號」以墨綠色嘅車身及金色線條，令成架列車頓時變得既高級又復古！全個列車一共有10節車廂、15間單人、雙人房間以及1間頂級客房，每間房間都會配上1位私人管家。而車上嘅料理則由名店「菊乃井」主廚村田吉弘及西式名廚米田肇監修主理，提供米芝蓮星級料理，絕對係「貴賓級」嘅享受～

Photo from JR西日本

Photo from JR西日本

即睇更多人氣文章：

港媽帶4歲女兒遊日本被迫滯留？大呻因航空公司大意導致未能返港，卻反遭網民批評？

男友獨自旅行原來係去整容？質問下解釋背後原因 港女知真相後超震驚

24小時開放全景式展望列車

車廂內採用昭和時期藝術風配上懷舊嘅設計，俾人一種高貴典雅嘅感覺～值得一提嘅係列車上嘅視野廣闊，仲有24小時開放嘅「全景式展望列車」等大家可以隨時隨地欣賞沿途美景。若果喺春天嘅時候選擇乘搭列車，將有機會欣賞到少女心爆棚嘅櫻花景！

Photo from JR西日本

Photo from JR西日本

參觀限定開放景點

除咗喺車上欣賞靚景之外，旅客亦會被帶到岡山、松江、東濱等隱藏嘅景點參觀，包括有：明明庵茶室來場茶之湯文旅、菅谷たたら山内百年古老製鐵所等，當中日本三大名園延養亭仲係只允許乘搭列車嘅乘客遊覽，並非個個都可以去參觀㗎！雖然暫時呢個「豪華之旅」率先限量發售俾台灣旅客，不過唔排除將來大家都有機會踏上呢架豪華列車㗎～

Photo from Pinterest

Photo from 可樂旅遊

相關文章：緬甸仰光現引退 JR 列車！保留舊有車站名牌　猶如時空穿梭一樣

相關文章：日本 JR 九州「36+3」豪華觀光列車將運行！有自助餐食仲有靚景睇

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）