download HolidaySmart 假期日常 app
披荊斬棘2|成團名單出爐?陳小春如願以償,2位香港男星無緣成團?!

披荊斬棘2|成團名單出爐?陳小春如願以償,2位香港男星無緣成團?!

娛樂新聞
By Jennifer on 01 Nov 2022
Digital Editor

內地綜藝《披荊斬棘(《披荊斬棘的哥哥》第二季)》近日熱播,曾比特、周柏豪、林峯吳卓羲都成功打入決賽,雖然「家族誕生夜」尚未播出,但成團名單喺微博瘋傳,C位、 X-Leader等人選曝光!

內地綜藝《披荊斬棘(《披荊斬棘的哥哥》第二季)》近日熱播Photo from 披荊斬棘

《披荊斬棘2》眾多港台男星出演

《披荊斬棘2》播出以嚟都受到唔少關注,今季有好多港人熟悉嘅港台男星出演,加上第一季嘅陳小春、張智霖再度回歸,令節目更有睇頭。其中首次出演嘅曾比特、周柏豪、林峯、吳卓羲等人喜愛度唔低,齊齊躋身最終「家族誕生夜」。

《披荊斬棘2》播出以嚟都受到唔少關注,第一季嘅陳小春、張智霖再度回歸Photo from 披荊斬棘

日前進行錄影,唔少參與錄影嘅觀眾早已得知結果,因此成團名單亦喺微博上瘋傳,有指「家族成員」名額為17人,除咗「X-Leader」,更有「X-Man」,連第一季出身嘅哥哥都可以再次成團。

成團名單亦喺微博上瘋傳,有指「家族成員」名額為17人Photo from 披荊斬棘

《披荊斬棘2》成團名單曝光?!

根據微博「劇透」嘅成團名單,成團哥哥包括第一季嘅陳小春、張智霖、李承鉉、張雲龍,以及杜德偉,吳克群、吳建豪、任賢齊、張震岳、蘇有朋、范世琦、鄭鈞、ICE楊長青、阿信、周柏豪、潘瑋柏同埋林峯。

周柏豪成團Photo from 披荊斬棘

《披荊斬棘2》成團名單疑曝光Photo from 微博

林峯之前嘅公演中表演跳舞Photo from 披荊斬棘

人氣唔低嘅曾比特、吳卓羲卻無緣成團。小道消息又指「X-Fire」有3人,分別係:張智霖、蘇有朋、吳建豪;「X-Man」則係潘瑋柏。喺節目中陳小春多次表現出好想做「X-Leader」,最終佢亦如願以償,成為第二季嘅「X-Leader」。

「X-Fire」有3人,分別係:張智霖、蘇有朋、吳建豪Photo from 披荊斬棘

陳小春如願以償,成為第二季嘅「X-Leader」。Photo from 披荊斬棘

吳卓羲、曾比特無緣成團,蘇有朋成「C位」年度總冠軍

翻睇第六場演唱會嘅個人喜愛度,陳小春、吳建豪、蘇有朋位列三甲,張智霖、李承鉉、林峯跟隨其後,成團名單同大眾預期中嘅都差唔多,曾比特個人喜愛度排第21位,相對較後,未能成團唔意外,反而係排第17位嘅吳卓羲,明明比第19位嘅杜德偉排名高,但卻未能成團,令唔少觀眾感到遺憾。

第六場演唱會嘅個人喜愛度Photo from 披荊斬棘

曾比特個人喜愛度排第21位,相對較後,未能成團唔意外Photo from 披荊斬棘

吳卓羲未能成團,令唔少觀眾感到遺憾。Photo from 披荊斬棘

消息指今季嘅「年度總冠軍」係「童年男神」蘇有朋,佢曾經出演過多部經典作品,喺好多90後嘅童年回憶,佢喺節目中亦擁有超高人氣,最終以「C位」身份成團!

蘇有朋曾經出演過多部經典作品,喺好多90後嘅童年回憶Photo from 披荊斬棘

今季嘅「年度總冠軍」係「童年男神」蘇有朋Photo from 微博

蘇有朋喺節目中亦擁有超高人氣,最終以「C位」身份成團Photo from 披荊斬棘

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

披荊斬棘2|張智霖袁詠儀婚禮搬上台!蘇有朋微博暗寸後秒刪?!

2 Oct 2022

《披荊斬棘的哥哥》成功帶挈一班香港男星人氣急升,陳小春、張智霖再出演第二季。最近一集張智霖更於台上與結婚多年嘅老婆袁詠儀再搞婚禮!呢個舞台引起內地網友熱議,有指另一參加者蘇有朋喺微博發文暗諷對方?!

《披荊斬棘的哥哥》成功帶挈一班香港男星人氣急升,陳小春、張智霖再出演第二季。Photo from 《披荊斬棘》

陳小春、張智霖再出演《披荊斬棘的哥哥》第二季

《披荊斬棘》獲稱為男版《乘風破浪的姐姐》,第一季亦十分成功,其中陳小春、張智霖、謝天華、林曉峰、梁漢文5人更組成「大灣區哥哥」,一齊出演另一個真人騷。

《披荊斬棘》第一季十分成功,其中陳小春、張智霖、謝天華、林曉峰、梁漢文5人更組成「大灣區哥哥」Photo from 《披荊斬棘的哥哥》

有名又有利,《披荊斬棘》第二季搵返第一季嘅參加者再出演,陳小春同張智霖亦成為其中一分子。節目播出後吳卓羲、杜德偉等人都經常登上熱搜,而喺第三次公演中,張智霖就「出大招」~

喺第三次公演中,張智霖就「出大招」~Photo from 《披荊斬棘》

張智霖將婚禮搬上舞台,狂冧老婆袁詠儀

佢與任賢齊率領嘅部落對決中,演繹《無與倫比的美麗》,張智霖更將婚禮搬上舞台!雖然同靚靚袁詠儀已經結婚超過20年,但當年佢哋並無舉辦婚禮,連婚紗相都無影。

與任賢齊率領嘅部落對決中,張智霖組演繹《無與倫比的美麗》,更將婚禮搬上舞台Photo from 《披荊斬棘》

雖然同靚靚袁詠儀已經結婚超過20年,但當年佢哋並無舉辦婚禮Photo from 《披荊斬棘》

兩人連婚紗相都無影。Photo from 《披荊斬棘》

張智霖曾表示會喺60歲時同老婆補拍婚紗相,不過節目中佢提到:「可是我想為甚麼我們還要等呢?」仲話特別想畀靚靚一個提早10年嘅婚禮,喺第三次公演中靚靚就著上婚紗企喺舞台嘅另一邊,而張智霖則大嗌:「袁詠儀,你就是我心目中無與倫比的美麗!」之後就跑向靚靚,並為對方戴上戒指,當然唔少得要kiss啦!

張智霖曾表示會喺60歲時同老婆補拍婚紗相Photo from 《披荊斬棘》

節目中佢提到:「可是我想為甚麼我們還要等呢?」Photo from 《披荊斬棘》

靚靚就著上婚紗企喺舞台嘅另一邊Photo from 《披荊斬棘》

張智霖則大嗌:「袁詠儀,你就是我心目中無與倫比的美麗!」Photo from 《披荊斬棘》

Chilam跑向靚靚Photo from 《披荊斬棘》

Chilam為對方戴上戒指Photo from 《披荊斬棘》

甜蜜kiss~Photo from 《披荊斬棘》

網民反應兩極,有人質疑對任賢齊組唔公平

唔少網民睇完後表示十分感人,又話根本就係現實版嘅偶像劇。不過亦有人指張智霖擺老婆上枱,認為佢搞到同組隊友做晒伴郎,好似配角咁,質疑佢靠情懷爭取觀眾支持:「勝之不武」,直斥佢咁好做對其他人唔公平。

唔少網民睇完後表示十分感人,又話根本就係現實版嘅偶像劇。不過亦有人指張智霖擺老婆上枱Photo from 《披荊斬棘》

網友質疑佢靠情懷爭取觀眾支持:「勝之不武」,直斥佢咁好做對其他人唔公平。Photo from 《披荊斬棘》

蘇有朋微博留言暗諷張智霖?!

節目播出當日蘇有朋轉發同組隊員金瀚嘅微博為對方宣傳新劇。金瀚隨即留言表示如果自己談戀愛一定會向朋哥哥匯報,蘇有朋意有所指咁回覆:「也找個節目辦婚禮~」

節目播出當日蘇有朋轉發同組隊員金瀚嘅微博為對方宣傳新劇Photo from 《披荊斬棘》

蘇有朋意有所指咁回覆:「也找個節目辦婚禮~」Photo from 蘇有朋微博

蘇有朋曾指團體表演不應突出某一人

蘇有朋嘅回應掀起網民熱議,認為佢係暗諷緊借節目搞婚禮嘅張智霖:「蘇有朋太耿直了!」更有網友指佢之前喺節目中獲隊友提議以古裝上台,因為佢嘅古裝係好多人嘅童年回憶。不過蘇有朋就委婉拒絕:「謝謝你的好意。」佢指大家團體嘅表演唔好太突出某一個人,更表示係佢嘅原則,另外佢又稱:「第二,如果要做情懷,不要連續兩集都做,觀眾會不舒服。」

有網友指佢之前喺節目中獲隊友提議以古裝上台,因為佢嘅古裝係好多人嘅童年回憶。不過蘇有朋就委婉拒絕:「謝謝你的好意。」Photo from 《披荊斬棘》

蘇有朋指大家團體嘅表演唔好太突出某一個人Photo from 《披荊斬棘》

蘇有朋:「第二,如果要做情懷,不要連續兩集都做,觀眾會不舒服。」Photo from 《披荊斬棘》

張智霖表示預咗會被批評

因此好多網友認為蘇有朋係「睇唔過眼」先會出聲,不過蘇有朋已將留言刪除。從結果嚟睇張智霖部落喺第三次公演排名第一,相信呢次「賣情懷」都十分成功。而喺事前訪問中張智霖就提過佢知道會有好多批評,但只希望唔好批評佢太太:「衝著我來!」

喺事前訪問中張智霖就提過佢知道會有好多批評Photo from 《披荊斬棘》

張智霖希望唔好批評佢太太:「衝著我來!」Photo from 《披荊斬棘》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel