日本11月起近770種食品加價!酒類/飲品加價最多,牛奶/乳製品相繼加價

日本11月起近770種食品加價!酒類/飲品加價最多,牛奶/乳製品相繼加價

旅遊攻略 旅遊新聞 日韓旅遊
By Jennifer on 01 Nov 2022
Digital Editor

最近好多香港人飛日本自由行,喺日圓貶值嘅情況下,日本出現通脹,10月起有超過6,000種食品加價,加價更將延續至11月,再有近770種食品加價,其中酒類、牛奶、乳製品、飲品嘅零售價都各有唔同嘅加幅。

最近好多香港人飛日本自由行,喺日圓貶值嘅情況下,日本出現通脹

雖然日圓大跌令唔少人都想去日本掃貨,不過亦因為呢個原因日本企業嘅來貨價格亦上脹唔少,唯有加價以維持返企業利潤。今年10月起日本市面上已有超過有6,000種食品加價,平均加幅達一成。

今年10月起日本市面上已有超過有6,000種食品加價,平均加幅達一成。

根據《日テレNEWS》報道,加價產品包括多種新鮮食材、電器、日用品等。喺香港開設多間分店嘅連鎖迴轉壽司店「壽司郎」10月起加價,每碟加10至30円。最平100円壽司,連稅一碟為110円(約$5.9港元),加價後連稅120円一碟(約$6.4港元)。

連鎖迴轉壽司店「壽司郎」10月起加價,每碟加10至30円。

另一間港人至愛嘅牛丼專門店「松屋」同樣有6款商品加價,而大阪熱門景點環球影城(USJ)成人一日門票價錢由9,400円(約$503港元)加至9,800円(約524港元)。

大阪熱門景點環球影城(USJ)成人一日門票價錢加至9,800円

日本10月加價最多嘅產品係飲品等,可口可樂、伊右衛門綠茶、午後紅茶由140円加至160円,酒類方面Asahi朝日亦都有加價。加價潮持續,《日テレNEWS》報道指出11月將有約770種食品加價。

酒類方面Asahi朝日亦都有加價。

廣告
廣告

日本中華料理連鎖店「餃子の王将」嘅一人份煎餃喺關西地區嘅分店將由連稅264円(約$14.1港元)加至275円(約$14.6港元)。Mister Donut亦有39種商品加價,加幅由10円至20円不等。

「餃子の王将」嘅一人份煎餃喺關西地區嘅分店加至275円

Mister Donut亦有39種商品加價

另外牛奶等乳製品亦都有加價,雪印、森永3大品牌嘅多種乳製品貴2.8%至10.2%,有指日本嘅加價潮或將達到30年以嚟嘅最大規模!

雪印、森永3大品牌嘅多種乳製品貴2.8%至10.2%

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel