download HolidaySmart 假期日常 app
全球旅遊景點TOP10排行公開!每個都極具代表性!香港2大景點成功入榜?

全球旅遊景點TOP10排行公開!每個都極具代表性!香港2大景點成功入榜?

旅遊攻略 生活熱話
By Stephanie on 02 Nov 2022
Digital Content Writer

外國網站「The Family Vacation Guide」公開全球旅遊景點TOP10排行榜嘅名單,當中有好多景點都係著名嘅地標。據悉排行榜係通過統計網站「Trip Advisor」嘅評論所計算出來,而香港仲有2大景點成功上榜?!

外國旅遊網站「The Family Vacation Guide」公開全球景點排行榜!Photo from Pinterest

第10名:美國 海軍碼

位於芝加哥嘅海軍碼頭(Navy Pier)擁有近百年歷史,係芝加哥標誌性嘅景點之一。旅客能夠從海灣觀賞美景,附近仲有公園、摩天輪等設施;碼頭南邊亦有觀光船隻帶大家遊覽密歇根湖。

第10名:美國芝加哥海軍碼頭Photo from Pinterest

第9名:香港 尖沙咀海濱花園

尖沙咀海濱花園(Tsim Sha Tsui Promenade)係唔少港人都鐘意去嘅地方,全長2公里嘅觀景步道能夠飽覽維多利亞港嘅全景,沿途都有唔少餐廳及商場~

第9名:香港 尖沙咀海濱花園(亦叫尖沙咀海濱長廊)Photo from 香港旅遊發展局

第8名:美國 曼哈頓南街海港

位於美國紐約市曼哈頓嘅南街海港(South Street Seaport)係當地19世紀初商業建築嘅集中地,現時依然保留咗唔少具歷史價值嘅建築!旅客亦能從海港眺望布魯克林大橋,門口都有泰坦尼克號紀念燈塔,等大家可以打卡~

第8名:美國曼哈頓南街海港Photo from Pinterest

該處以然保留咗唔少懷舊風格嘅建築物Photo from Pinterest

第7名:香港 海洋公園

曾躋身「全球十大主題樂園」嘅海洋公園集合動物觀賞、過山車、纜車於一身,一共擁有8大主題區域,係唔少一家大細必定會去嘅好去處~據網上數據所顯示,海洋公園從開園至今已接待逾1億4千萬名遊客!

第7名:香港 海洋公園Photo from Pinterest

園內除咗有過山車外,亦有動物觀賞區~Photo from 海洋公園FB

第6名:法國 艾菲爾鐵塔

位於法國巴黎塞納河畔戰神廣場嘅艾菲爾鐵塔(Eiffel Tower)絕對係大家最為人熟悉嘅著名地標,亦係法國最高嘅建築物!而呢座建築物早於1991年已經被納入為世界遺產,不過值得一提嘅係現時鐵搭正進行維修保養工程,有望以全新面貌迎接2024年巴黎奧運~

第6名:法國 艾菲爾鐵塔Photo from Pinterest

即睇更多人氣文章:

第5名:美國 法尼爾廳市集廣場

美國波士頓法尼爾廳市集廣場(Faneuil Hall Marketplace)歷史悠久,現時已經進行咗翻新工程,保留原有面貌並加入現代元素,成功將古典與現代共存!

第5名:美國 法尼爾廳市集廣場Photo from Pinterest

內部曾進行翻新工程,設計懷舊又有現代感~Photo from Pinterest

第4名:墨西哥 憲法廣場

憲法廣場(Plaza de la Constitución)亦被廣稱為「索卡洛Zócalo」,現時該廣場大多用作舉辦藝術及文化活動,亦有唔少人會到此表演,能令遊客充分體驗當地文化。

第4名:墨西哥 憲法廣場Photo from Pinterest

第3名:伊斯坦堡 大巴扎

全世界最大、歷史最悠久嘅就係位於伊斯坦堡嘅「大巴扎」(巴扎=市集嘅另一個稱呼),裡面共有逾4,000多間商店,每日都有大約25-40萬客人到訪,適合各位鍾意shopping嘅朋友!

第3名:伊斯坦堡 大巴扎Photo from Pinterest

第2名:法國 巴黎聖母院

巴黎聖母院(Cathédrale Notre Dame de Paris)為巴黎最具代表性嘅歷史古蹟,亦係當地最多旅客到訪嘅景點!可惜喺2019年,該處遭遇大火導致內部大受破壞;不過經過歷年來嘅翻新及搶救,現時暫定將於2024年再次對外開放。

第2名:法國 巴黎聖母院Photo from Pinterest

第1名:美國 六旗颶風港

六旗颶風港(Six Flags Hurricane Harbor)樂園擁有逾20項水上活動,當中以250公尺長嘅滑水道及兩座高度逾20公尺嘅滑水道最為人熟悉,適合鍾意追求刺激感嘅大家!

第1名:美國 六旗颶風港Photo from Pinterest

園內有逾20項水上活動遊樂設施!Photo from Pinterest

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel