超適合慶祝節日！上環高質dry-aged牛扒專門店，香港好少地方可以食到㗎！

情人節、生日、聖誕等大時大節，想俾多少少錢，去間食材靚同環境浪漫嘅餐廳，男朋友唔使再諗爆頭啦！小編推介呢間位於上環嘅扒房，牛扒嚟自多個產地，仲係dry-aged㗎！

Photo from Blue

兩個前菜分別係Rubia Gallega Smoked Beef Fat Candle（牛脂肪蠟燭）同Foie Gras Parfait （鵝肝麥片醬），都係用嚟配麵包。牛脂肪蠟燭係直接燒溶變油，沾麵包，不過對於東方人嚟講比較重口味！而鵝肝麥片醬相對容易入口，比起原片鵝肝無咁油膩！

Photo from Blue

呢個配菜係一定要食！Duck Confit Mac 'n' Cheese（油封鴨芝士通粉）
份量都幾多，佈滿芝士同忌廉，所以3-4人食亦唔過份！除咗芝士通心粉，中間仲有一絲絲嘅鴨肉，配搭驚喜，又唔會俾芝士味蓋過，食唔停口，好邪惡呀～～

Photo from Blue

慢煮流心鴨蛋超吸引呀！記住要撈完先食呀！

Photo from Blue

重頭戲來了！Irish, Grass Fed, 'John Stone' T-Bone 22oz（愛爾蘭草餵T骨牛扒），全部牛扒都經過dry-aged程序，即係風乾，肉味更濃，而肉質特別細嫩，相對鮮肉就無咁juicy。不過試過之後，真係返唔到轉頭呀！

Photo from Blue

新鮮牛扒一定食唔到咁濃郁嘅肉香！一塊靚牛扒就係唔需要調味，只係點少少鹽已經非常精彩！牛魔王值得一試呀

Photo from Blue

女士們又點少得飯後甜品呢！Sourdough French Toast（酸麵包法式西多士）好少餐廳可以食到，用天然酵母麵包，配吉士醬同焦糖表面，卡路里爆燈！

Photo from Blue

Micro Dessert相對無咁甜，其實類似一個小cup cake，底部有核桃餅乾，中間係焦糖香蕉， 頂部就有滿滿嘅岩鹽拖肥忌廉，有層次感，香而不膩，甜度適中，男士們都接受到㗎！

Photo from Blue

Blue · Butcher & Meat Specialist
地址：上環荷李活道108號地舖

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載