日本聖誕燈飾2022|大阪最大型冬季點燈11月展開!全長4公里光之道/3D光影騷!活動交通詳情一覽

日本聖誕燈飾2022|大阪最大型冬季點燈11月展開!全長4公里光之道/3D光影騷!活動交通詳情一覽

旅遊攻略 日韓旅遊
By Haitaeng on 03 Nov 2022
Digital Editor

冬季計畫去日本過聖誕嘅話,當地有不少地方都有超靚的聖誕點燈活動!今次要介紹嘅就係大阪冬季最大型活動「大阪‧光之盛宴」,大阪各區處處可見被絢爛亮麗的燈光裝飾,絕美啊~尤其位於中之島的美食市集更係時隔3年再次回歸,絕不能錯過!

日本大阪冬季最大型的點燈活動「大阪‧光之盛宴」於11月3日正式展開!Photo from 大阪・光之饗宴執行委員會官網

「大阪‧光之盛宴」(大阪‧光の饗宴)又稱其「大阪光節」,係大阪每年冬季都會舉辦的大型活動,透過不同主題的點燈活動和燈飾,讓大阪在冬季變身為唯美夢幻的光影城市!「大阪‧光之盛宴」主要分為兩大重點:「御堂筋彩燈2022」與「OSAKA光之文藝復興2022」,另外大阪市內多處仲有不少以燈光為主題的裝飾和活動,同樣值得好好遊覽打卡~

「大阪‧光之盛宴」透過不同主題的燈飾和點燈活動,讓大阪變身成一個超唯美的光影城市,打卡一流!Photo from 大阪・光之饗宴執行委員會官網

#御堂筋彩燈2022

2015年被列為「全球最長的燈飾大道」世界紀錄嘅「御堂筋彩燈2022」(御堂筋イルミネーション2022),屬於世界級大規模點燈活動,今年於即日起至12月尾,在大阪嘅主要街道「御堂筋」舉辦~梅田大阪尺前嘅阪神前十字路口向南到難波西口十字路口之間,全長4公里嘅街道,各個路段以不同主題、絢爛多彩嘅燈飾點綴,猶如閃爍星光照亮各個角落,十分唯美浪漫!

「御堂筋彩燈2022」曾被列為「全球最長的燈飾大道」世界紀錄,全長4公里的光之道,係「大阪‧光之盛宴」的重頭戲之一!Photo from 大阪・光之饗宴執行委員會官網

今年點燈活動更會使結合和音樂聯動網站,燈飾配合音樂產生不同變化,例如調整燈飾嘅顏色、光線嘅強弱等,讓前來朝聖嘅遊客們可以感受更多賞燈樂趣!

燈飾與音樂聯動,觀賞燈飾變得更有趣!Photo from 大阪・光之饗宴執行委員會官網

另外,今年在北濱3十字路口至新橋十字路口之間,可以見到掛在樹上,象徵和平嘅鴿子燈飾上有學生們寫上對自己未來嘅期許,照亮著整個街道,相當有意思~

裝飾在樹上的鴿子,寫著日本學生們對未來的期許和期望~Photo from 大阪・光之饗宴執行委員會官網

大阪‧光之盛宴「御堂筋彩燈之路」
日期:2022年11月3日~12月31日
時間:5pm~11pm(12月31日亮燈至1am)
地點:大阪御堂筋大街(阪神前十字路口~難波西口交叉點)

#OSAKA光之文藝復興2022

「大阪‧光之盛宴」嘅另一亮點「OSAKA光之文藝復興2022」(OSAKA光のルネサンス2022),今年於12月中起至12月25日在「中之島」嘅大阪市役所周邊到中之島公園之間舉辦~大阪一向擁有「水之都」嘅美稱,這次點燈活動融合附近的水邊風景,透過不同嘅點燈活動,讓大家能重新或更深入認識了解大阪嘅根源!

「OSAKA光之文藝復興2022」透過不同主題的活動和裝飾,讓大家更深入了解素有「水之都」之稱的大阪。Photo from Twitter@hikari_kyouen

「OSAKA光之文藝復興2022」中又有多項活動,包括「大阪市中央公會堂光雕秀」、「中之島燈飾大道」、「808Lines」、「河邊燈飾」、「大阪藝術大學學生作品 向未來邁進光之 Carnival」、「光・彩台南」、「BIG Snow Man in 中之島」和「高知城植物圖鑑」、「Illumination Façade・Photo Monument」和「光之市場」等,相當豐富精彩!以下重點推薦幾個必去活動~

·大阪市役所正面 Photo Monument

「大阪市役所正面」位在大阪市役所正前面,係「OSAKA光之文藝復興」的入口,迎接所有人嘅到來~這裡以「延伸的羈絆」為概念,閃爍著光芒的八角形象徵著人與人之間嘅連結,正中央則浮現著「大阪・光之盛宴」的標誌。而「Photo Monument」(フォトモニュメント)就在大阪市役所正面嘅正前方,有著一個巨大嘅「大阪」字型裝置,絕對係絕佳嘅打卡位!

大阪市役所正面 Photo Monument,可以與巨大的「大阪」字型一起影相打卡留念~Photo from 大阪・光之饗宴執行委員會官網

「大阪」字型裝置就在「OSAKA光之文藝復興」的入口處,非常搶眼!Photo from Twitter@hikari_kyouen

廣告
廣告

大阪‧光之盛宴「大阪市役所正面 Photo Monument」
日期:2022年11月3日~12月31日
時間:5pm~11pm(12月31日亮燈至1am)
地點:大阪市役所正面

·大阪市中央公會堂光雕秀

擁有超過100年悠久歷史嘅「大阪市中央公會堂」為日本重要文化財產,亦係大阪中之島嘅象徵。而光雕秀會在大阪中央公會堂嘅東側牆壁和地面進行投影,今年更使用3D CG和即時動畫生成等現代技術,並以水、冰塊和水蒸氣嘅變化為原型,呈現大阪這個水之都嘅美麗!

大阪市中央公會堂光雕秀結合3D CG和即時動畫等現代技術投影,非常精彩的光影騷!Photo from 大阪・光之饗宴執行委員會官網

大阪‧光之盛宴「大阪市中央公會堂光雕秀」
日期:2022年12月14日~12月25日
時間:第一部 5pm~9pm|第二部 9.10pm~9.30pm
地點:大阪市中央公會堂東側正面

·中之島燈飾大道

於2003年開始舉辦嘅點燈活動,今年正正迎來第20屆!每年會在全長約150公尺,象徵著「OSAKA・光之文藝復興」嘅欅樹上裝飾閃閃發光嘅藍色燈飾,以展示出大阪「水之都」嘅形象,猶如走進光隧道,超夢幻!

猶如走進光隧道的中之島燈飾大道,十分夢幻~Photo from 大阪・光之饗宴執行委員會官網

大阪‧光之盛宴「中之島燈飾大道」
日期:2022年11月3日~12月31日
時間:5pm~11pm(12月31日亮燈至1am)
地點:大阪市役所南側

·光之市場

除了欣賞絢爛燈飾,大家仲可以逛逛限定美食市集!時隔3年再次舉辦嘅「光之市場」,位於中之島公園水邊附近,今年增設了不少裝飾可愛以及美食種類豐富嘅餐車~有機會前來,不妨好好體驗一下一邊欣賞夢幻嘅燈飾美景,一邊品嚐各式各樣地道美食!

時隔三年再次回歸的美食市集,今年增設不少全新可愛裝飾以及更多種類的餐車!Photo from 大阪・光之饗宴執行委員會官網

大阪‧光之盛宴「光之市場」
日期:2022年12月14日~12月25日
時間:4pm~10pm
地點:中之島公園

#「大阪‧光之盛宴」交通

-(御堂筋彩燈)乘搭地下鐵御堂筋線/千日前線/四橋線,「梅田」站至「難波」站之間各站下車即達
-(大阪光之文藝復興)乘搭地下鐵京阪本線/御堂筋線,「淀屋橋」站下車,1號市役所出口

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel