張柏芝營業額破億成為「直播帶貨女王」！網民購買西柚後狠批「貨不對辦」，評論遭刪除？
現時唔少北上發展嘅香港藝人都會做埋直播帶貨，靠自己嘅人氣及知名度吸引大眾購物。而張柏芝就榮升成為「帶貨女王」，成功創下營業額破億嘅佳績；不過近日有內地網民發文指於直播中購買嘅產品同描述嘅有差別，然而網民嘅負評卻好快被封鎖？！
Photo from 小紅書
張柏芝重啟直播帶貨事業
42歲嘅張柏芝近年將事業重心轉移返內地，出演多個真人騷《乘風破浪的姐姐2》、《媽媽咪呀》等，深得內地網民喜愛～近日，佢就再次重返「直播帶貨」嘅行業，狀態超好，可以話對網民嘅評論有求必應，仲因此成功創下營業額破億嘅好成績！
Photo from 張柏芝微博
Photo from 小紅書
網民批評貨不對辦？
當中有唔少內地網民都係因為張柏芝做直播而選擇購買商品，不過網民卻反映商品同描述唔同？！有網民出post表示自己買咗「迪士尼系列牛奶絨四件被套裝」，批評貨品唔單止質素參差、線頭極多等，失望咁表示「老百姓都被騙了」、「比路邊買的差」等。其後呢名網民向直播公司客服反映問題，對方解釋係個別貨品出現瑕疵，堅稱並非A貨，願意退貨兼退款！
Photo from 小紅書
Photo from 微博
即睇更多人氣文章：
批評張柏芝貨品質素，評論卻被刪除！
宜家藝人直播帶貨仲會出售埋水果、海鮮等食物㗎～其後再有網民批評張柏芝喺直播出售嘅西柚質素差「皮厚就算了，還不甜，很酸，水分也不多！！」但呢個評論喺第二日就立刻被刪除，令該網民猜測係張柏芝幕後團隊所做嘅「張栢芝太玻璃心了吧！作為消費者買不滿意的柚子隨手發個小紅書吐槽下都不行了嗎？這能被屏蔽，厲害。」引起熱議！
Photo from 微博
Photo from 小紅書
網民認為可能與張柏芝粉絲有關
不過部份網民就覺得可能並非張柏芝公司做嘅，認為有機會係張柏芝嘅粉絲嘅所作所為；亦有網民反駁認為產品質量與明星帶貨無關，並唔能夠將責任推俾佢哋。
Photo from 張柏芝微博
批評張柏芝帶貨不夠專業？！
另外，部份有份睇直播嘅網民覺得張柏芝似乎對自己出售嘅產品並唔熟悉，只係在旁點頭及附和其他人，甚至連商品名稱都唔識讀，被批評「真的好不專業」、「都有人幫忙說，明星賺錢真的容易」等！亦有網民大讚張柏芝係因為普通話唔好，所以先交由工作人員進行詳細講解，對佢嘅直播帶貨嘅表現各有睇法！
Photo from 小紅書
Photo from 小紅書
與內地男星賈乃亮「情侶檔」上陣
張柏芝近排著重發展「直播帶貨」嘅事業，仲同另一位內地人氣男星賈乃亮合作拍攝「情侶」短片。片中二人一齊比心心，並重演電影甜蜜情節，令網民都忍唔住大讚佢哋外型合襯！事實上二人都係「直播帶貨之王」，都曾經打破營業額過億嘅紀錄，今次「情侶檔」上陣，相信一定能夠吸引唔少粉絲嘅關注喇～
Photo from 小紅書
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
