中年好聲音｜屯門娜娜入圍收利是，Happy伯撐到入電視城大爆中意娜娜原因

Digital Editor

TVB節目《中年好聲音》唔少面試者都有「背景」，其中「屯門娜娜」（董幸兒）知名度唔低，本身都有一班fans，日前屯門娜娜出席節目錄影，獲大批fans到場支持，連「首席忠實歌迷」Happy伯都有份撐場！

Photo from TVB

屯門娜娜入圍《中年好聲音》

選秀節目《中年好聲音》選出100名入圍參賽者進行比賽，節目由面試開始一眾知名參賽者已為節目增添好多話題，其中久未露面嘅「屯門娜娜」董幸兒都有參加，佢曾經係「屯門歌舞團」台柱，人氣一時無兩，近年佢甚少公開表演，估唔到會參加《中年好聲音》復出。

Photo from TVB

染咗粉紅色頭髮嘅屯門娜娜十分搶眼，佢成功入圍更出席記者會，娜娜指日後會喺表演時加入舞蹈，睇嚟要重出江湖，再展以往於「屯門歌舞團」嘅風采！

Photo from TVB

屯門娜娜喺屯門已儲落一班fans，每次公園有「屯門歌舞團」表演，娜娜嘅fans都會到場支持，更會派利是畀娜娜添！其中最為投入嘅非「Happy伯」莫屬！Happy伯經常都會睇表演興奮到手舞足蹈，仲會落場同娜娜一齊大跳熱舞，堪稱係娜娜嘅「頭號忠實fans」。

Photo from TVB

娜娜唔再公開表演後，Happy伯亦有轉場支持其他表演者，但佢始終都係最支持娜娜。近日《中年好聲音》進行試音及淘汰賽，娜娜獲大批fans入場支持，當中更包括「頭號擁躉」Happy伯！

Photo from TVB

娜娜表示有啲緊張，後台冷氣凍令到佢練習唱歌都忍唔住喺度震。娜娜嘅fans穿著十分搶鏡，個個都戴上「寶石Cap帽」，更有人以高科技黑超現身。其中一位戴寶石cap帽、閃石口罩嘅娜娜fans更為偶像送上利是。

Photo from TVB

Happy伯又用半鹹淡廣東話大爆自己點解咁中意娜娜：「我一見到娜娜跳舞，我就開心！聽到佢唱歌，我又開心，所以我好開心！」佢表示好開心見到娜娜唱歌跳舞，所以撐到入電視城！其他fans亦稱：「我哋一定係支持『屯門之寶』娜娜！」

Photo from TVB

娜娜則表示：「好多謝佢哋山長水遠過嚟支持我。」又祝一班fans身體健康，更清唱一曲報答fans嘅支持，雖然唔記得歌詞，但仍獲忠實粉絲高呼口號：「娜娜醒，娜娜勁，娜娜無得頂！」

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel