【韓國旅遊2022】首爾延南洞「魔女宅急便」主題cafe已開幕！店內打卡位多/甜品+飲料超精緻！

相信鍾意睇宮崎駿動畫嘅大家，都一定會睇過《魔女宅急便》～最近，韓國首爾新開咗一間以《魔女宅急便》為主題嘅cafe；店舖嘅外觀同動畫裡面魔女琪琪打工嘅麵包店十分相似，而且店裡亦有好多打卡位，絕對值得去朝聖！

Photo from l2hd_man @ IG

韓國首爾「魔女宅急便」主題cafe 10月已開張

位於韓國延南洞嘅「Koriko Cafe（코리코 카페）」係由韓國吉卜力工作室官方開設嘅，於今年10月22日先正式開幕！喺宣佈消息嘅時候，就已經成功吸引大量宮崎駿粉絲們嘅關注。

Photo from cafe_koriko @ IG

Photo from cafe_koriko @ IG

神還原動畫中麵包店！

整間cafe都係以動畫《魔女宅急便》女主角魔女琪琪打工寄宿嘅麵包店為設計藍本，外牆係鮮豔嘅奶黃色配上綠色嘅木門，加上紅色屋簷，足足有2層咁高，令外觀睇落同動畫嘅真係非常相似㗎～而玻璃窗仲能夠一眼見到麵包櫥窗及黑貓吉吉，而且門口嘅門牌都係魔女琪琪嘅掃把形狀，細節位超多！

Photo from 《魔女宅急便》

Photo from cafe_koriko @ IG

Photo from cafe_koriko @ IG

即睇更多人氣文章：

東京自由行2022｜羽田機場新商場2023年開幕！2間酒店、溫泉24小時開放

老父偷食外傭仲搞到對方大肚 工人懷孕後地位變嬌貴 反過來要媽媽服侍

超精緻甜品+飲品

而店裡嘅設計以復古風為主，擺設亦非常多，能夠俾大家拍攝靚靚嘅打卡照！除咗店嘅設計上有《魔女宅急便》嘅元素，餐飲方面當然唔少得啦！店裡出售多款甜品及飲料，包括有：鐵板pancake、杯子蛋糕、心太軟等。當中最吸引大家目光嘅一定係黑貓吉吉造型冰塊嘅美式咖啡，真係得意到完全唔捨得飲～

Photo from kim_soyeoni @ IG

Photo from muni.__.3 @ IG

出售限量週邊商品

除咗出售食物及飲品之外，店裡面亦有限量週邊商品出售，當中好多商品都印有魔女琪琪及黑貓吉吉嘅可愛樣貌，絕對會令大家愛不惜手！而商店內都擺放咗超大隻嘅黑貓吉吉公仔，就算唔想買嘢都可以去影相打卡㗎～

Photo from cafe_koriko @ IG

Photo from cafe_koriko @ IG

相關文章：日本吉卜力公園11月開幕 率先睇5大園區！巨型龍貓＋千與千尋場景

相關文章：宮崎駿《天空之城》藍本原型！意大利白露里治奧古城～雲中仙境！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）