東張西望|31歲健身教練突然中風頓失自理能力!媽媽態度冷淡,仲疑似索取所有政府津貼?

東張西望|31歲健身教練突然中風頓失自理能力!媽媽態度冷淡,仲疑似索取所有政府津貼?

生活熱話 電視電影
By Stephanie on 10 Nov 2022
Digital Content Writer

昨日(9日)播出嘅《東張西望》,訪問咗一位年僅31歲卻居住喺護老院嘅女生Kit。原本係健身教練嘅Kit上年10月突然中風,只剩下左邊身體能有限度地活動,現時正於護老院接受護理。然而,佢嘅媽媽卻疑似獨吞晒所有嘅政府津貼,令Kit嘅生活難上加難!

31歲嘅Kit上年突然中風,導致頓時失去自理及行動能力,但媽媽卻竟然獨吞所有津貼?!Photo from 《東張西望》

本身係一名健身+瑜珈導師

31歲嘅Kit本身係一位健身及瑜珈教練,仲喺上年於比堅尼小姐比賽中榮獲亞軍,身材fit爆!不過佢卻喺上年10月突然中風,事後甚至失去說話嘅能力、行動不便,現時只剩下左邊身體能夠有限度地活動。

31歲嘅Kit原先係一位瑜珈及健身教練,身材苗條!Photo from 《東張西望》

喺上年Kit仲榮獲比堅尼小姐比賽嘅亞軍!Photo from 《東張西望》

未婚夫悉心照顧

喺Kit出事後,未婚夫Ron亦悉心地照顧佢,負責帶Kit去物理治療「平均每個星期3次左右。朝早要返工,咁有時候就夜晚帶佢去針灸」,二人感情十分穩定!

未婚夫Ron不離不棄地照顧Kit,負責帶佢去咗物理治療及針灸Photo from 《東張西望》

由於Kit現時行動不便,所以進出都需要使用輪椅Photo from 《東張西望》

Ron同Kit於6年前開始交往,感情一直都非常甜蜜;直到上年二人決定結婚,迎接人生新階段。然而二人卻迎來巨大嘅轉變!

Ron及Kit已經拍拖6年!Photo from 《東張西望》

上年二人仲打算結婚!Photo from 《東張西望》

憶述Kit出事當天經過

而佢哋亦憶述Kit出事當日嘅經過,指Kit如常地去健身室做運動,不過運動後卻出現頭暈、嘔吐等徵象「本身以為係鍛鍊太多而引致」。幸好,當時仲有2名休班護士在場,發現Kit嘅狀況似乎有啲唔同,即刻送咗佢入院!

Kit出事當日,佢喺做完運動後感到頭暈,本來以為只係因為鍛鍊得太犀利而引致Photo from 《東張西望》

當時在場嘅2名休班護士發現Kit嘅狀況似乎有啲唔妥,立刻將佢送院!Photo from 《東張西望》

Ron表示好彩當時Kit有及時送院,尚有時間為佢搶救,其後再緊急動手術,成功將Kit救返!不過醫生亦立刻叫Ron聯絡家人,詳述「雖然我救到佢(Kit),但可能會有嚴重嘅後遺症。」

幸好Kit當時亦及時送院救治,即刻動手術!Photo from 《東張西望》

醫生當時表示要立刻聯絡Kit嘅家人Photo from 《東張西望》

發現患有遺傳性腦動脈血管瘤

原來Kit患有遺傳性腦動脈血管瘤,屬於隱形疾病,做一般腦部檢查都未必能夠發現到。出事後,醫生為拯救Kit嘅生命將佢嘅左邊腦動脈移除,因此語言能力、身體機能及認知能力都大受影響!

原來Kit患有隱形嘅遺傳性腦動脈血管瘤Photo from 《東張西望》

進行大型手術後,Kit嘅認知能力、行動能力及身體機能都大受影響!Photo from 《東張西望》

即睇更多人氣文章:

手術費用龐大 經濟出現困難

現時Kit仲要再進行一次手術,費用大約係$50萬,令佢都正為龐大嘅手術費感到煩惱!而Ron亦忍唔住流淚表示「好難接受!」;而呢段時間都只係得Ron一個人獨力照顧Kit。

Kit仲需要再動手術,而手術費用係$50萬!Photo from 《東張西望》

呢半年來都只係得Ron一個照顧Kit!Photo from 《東張西望》

Kit媽媽得悉後卻超冷淡?

相反,Kit嘅媽媽喺知道女兒出事後態度變得冷淡,甚至喺女兒入院期間都甚少探望佢「多數都係話要返工唔得閒!」由於現時Kit失去工作及自理能力,需要申請政府嘅相關津貼;但呢方面媽媽卻異常地積極幫手?!

不過Kit媽媽知道之後,態度卻竟然係好冷淡!Photo from 《東張西望》

但媽媽就好積極咁幫手申請政府津貼Photo from 《東張西望》

積極幫手申請政府津貼 獨自取走所有金錢

不過,Kit媽媽攞到所有嘅津貼後,卻從來都冇俾過Kit!節目組訪問護老院姑娘李小姐(化名),對方指媽媽咁耐以來只係去探望過不足10次,而且佢哋亦有嘗試催促支付護理院嘅費用等,但每次都只係用各種理由推搪。

然而,Kit嘅媽媽攞完津貼後卻冇俾過Kit!Photo from 《東張西望》

護理院嘅職員表示知道Kit媽媽攞到津貼,叫對方繳交護理費用,但對方每次都冇俾Photo from 《東張西望》

媽媽強調:我好多錢!唔使個囡養我

而節目組亦成功搵到Kit嘅媽媽,並親自上門拜訪佢。當被問到「點解咁耐都唔搵個囡?」時,佢就回應自己唔得閒,而且女兒並冇聯絡佢。然後仲突然攞出自己嘅夾萬,揚言「我自己有好多錢!我唔使佢養我啊!」

Kit媽媽話因為唔得閒,所以先好少探女兒!Photo from 《東張西望》

媽媽突然攞自己嘅夾萬,話自己有好多錢,唔需要囡囡養Photo from 《東張西望》

Kit及媽媽究竟係咪有未解嘅心結?!將於今晚節目內播出Photo from 《東張西望》

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望|港媽帶4歲女兒遊日本被迫滯留?大呻因航空公司大意導致未能返港,卻反遭網民批評?

26 Oct , 2022

日本自由行重新開啟,唔少港人都即刻買機票去日本玩~近日,有位港媽《東張西望》報料指因為航空公司嘅失誤,導致佢同4歲囡囡未能如期從日本返香港。然而,佢曾多次嘗試聯絡航空公司不果,仲滯留咗喺大阪機場3日!

近日,一名港媽喺《東張西望》表示因為航空公司職員出錯,導致自己同4歲囡囡未能返港,大吐苦水!Photo from 《東張西望》

鄧太帶同4歲女兒到日本旅遊

受訪嘅鄧太表示同家人預訂喺本月18日飛往日本旅行,原定先飛東京再去大阪,之後再從東京搭飛機返香港。而佢就話自己同4歲嘅囡囡率先喺18日飛咗去東京先,當時佢哋所乘搭嘅就係轉航機,由東京再飛往大阪;而回程嘅時候亦都將會係搭轉航機!

報料者鄧太表示同丈夫一家人一齊去日本玩,打算去晒東京+大阪!Photo from 《東張西望》

鄧太同囡囡喺18日就飛往東京,當時佢哋搭嘅係轉航機。Photo from 《東張西望》

發現有直航機 決定改回程機票!

其後,家人發現有直航機嘅班次,所以鄧太就叫當時喺香港嘅丈夫打電話去航空公司,希望回程嘅時候能夠搭直航機。直到三日前,佢哋喺Check-in嘅時候卻發現未能辦理手續!

其後,家人發現有直航機,所以佢哋就打算將回程航班轉返做直航!Photo from 《東張西望》

但佢哋喺checkin嘅時候卻發現未能辦理手續?!Photo from 《東張西望》

即睇更多人氣文章:

發現因航空公司職員出錯 導致未能乘搭直航機!

鄧太曾多次嘗試聯絡航空公司嘅職員,但都唔成功。幾經辛苦終於聯絡到相關職員,而鄧太亦確認係因為當時負責改機票嘅職員出錯「只係幫我哋hold咗位,冇出到機票」;然而航空公司卻解釋該同事並非香港嘅職員,遲遲都未能俾到回覆鄧太!

等鄧太聯絡到航空公司後,先發現原來幫手改機票嘅職員出咗錯!Photo from 《東張西望》

不過航空公司一直都未能俾到回覆鄧太Photo from 《東張西望》

航空公司建議乘搭原先班機!最終鄧太趕唔切上機!

直到鄧太返港當日,航空公司就叫鄧太照原定計畫乘搭轉航機飛香港。不過鄧太話當時已經係日本時間晚上7點,而且佢當時同囡囡仲喺大阪街頭,行李仲喺酒店,完全唔夠時間往返酒店再衝去機場,最終佢哋趕唔切上機!

航空公司叫鄧太照原定計畫,乘搭轉航機返香港。Photo from 《東張西望》

最終鄧太因為時間太趕,而上唔到機!Photo from 《東張西望》

多次聯絡航空公司熱線不果

其後,航空公司提議鄧太第二日趕去東京乘搭返香港嘅飛機,但就令鄧太憤怒咁話「我要追住班機走!因為你哋(航空公司)做錯嘢」而佢亦表示自己當時已經等咗48小時。直到24日中午,鄧太到達大阪機場,但喺飛機起飛3小時前都未獲得機票;就算不停致電航空公司熱線都冇人接聽。

24日中午,鄧太同囡囡一齊去咗大阪機場,但佢哋當時仲未有機票。Photo from 《東張西望》

《東張西望》節目組亦有幫鄧太打電話去航空公司。Photo from 《東張西望》

眼濕濕感到無助:囡囡冇晒奶粉+衣服替換!

鄧太擔心咁話自己一個帶住只得4歲嘅囡囡,囡囡嘅奶粉已經差唔多食晒「雖然日本有得買,但唔係佢(女兒)食開嘅」,而且亦已經冇衣服可以替換;而佢嘅數據卡都已經用完!

鄧太表示囡囡嘅奶粉及衣物都已經用完!Photo from 《東張西望》

而鄧太公司亦追佢返工,種種事情都令佢心情越來越焦急Photo from 《東張西望》

憂心嘅鄧太眼濕濕咁表示短短7日嘅旅程,已經花咗2-3日喺處理回程航班上「我都唔知過過嚟做乜嘢!從來冇試過去日本去到咁!」

鄧太話自己去日本玩7日,但最終卻用咗2-3日去辦妥回程航班嘅事宜。Photo from 《東張西望》

鄧太講到眼濕濕,揚言係佢去日本最煩惱嘅一次經歷!Photo from 《東張西望》

最終成功回港!

最終,鄧太已經成功從日本飛返香港,而佢接受節目視像訪問時表示「聽到可以返嚟嗰一刻真係好興奮!」事件亦總算告一段落喇!

最終鄧太同囡囡成功搭飛機返到香港。Photo from 《東張西望》

而佢表示真係好興奮!Photo from 《東張西望》

反遭網民批評?

不過網民們似乎就唔太同情鄧太嘅遭遇,認為佢其實有更快捷嘅處理方法「直接買張機票返咗香港先未得!之後先再同航空公司投訴返」等;亦有網民覺得宜家咁多人出國旅遊嘅情況下,就應該繼續保留原先所購買嘅機位,直接喺返港當日去定機場等待消息就會更有保障。

不過大部分網民都似乎唔太認同鄧太嘅處理手法?!Photo from TVB YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel