TVB林婷婷幕後片段曝光獲讚可愛！著旗袍掀關注成新一代新聞小花
近日TVB主播林婷婷因為貌似譚凱琪而受到注意，佢日前著旗袍報天氣更引起網民熱議。成為新一代新聞小花嘅林婷婷最近報天氣嘅幕後綵排片段曝光，片中林婷婷十分活潑好動，獲網民大讚夠可愛！
Photo from TVB
TVB主播林婷婷備受關注，獲封新一代新聞小花
報道新聞嘅主播因為每日都會出現，所以唔少人都會獲得網民關注。其中陳嘉倩、柳俊江等人離巢後更因為知名度而有唔錯嘅發展。最近又有一位主播備受網友關注，佢就係林婷婷喇。
Photo from TVB
林婷婷2019年加入TVB新聞，最初擔任港聞記者，之後轉咗去做明珠台晚間同財經新聞記者兼主播，直到2021年佢開始做翡翠台晚間新聞提要主播。雖然未係6點半新聞中出現，但因為林婷婷被指同藝人譚凱琪有啲似樣而掀起熱議。
Photo from TVB
林婷婷除咗報晚間新聞外，亦有報道天氣，近日佢因為著旗袍報天氣而成為網民話題，唔少網友指林婷婷著旗袍好有氣質，封佢為新一代新聞小花。
Photo from TVB
Photo from TVB
Photo from TVB
林婷婷報天氣幕後片段曝光
最近林婷婷報天氣嘅幕後綵排片段喺網上廣為流傳，片中林婷婷與以往鏡頭前報道新聞時嘅端莊形象頗為不同，佢同工作人員研究邊個角度會影得好睇，又主動商量企位：「係唔係要再過啲？」，盡顯佢活潑一面。
唔少網民睇完幕後片後都大讚林婷婷十分可愛，更建議大台搵佢去拍劇，睇嚟佢都相當有觀眾緣～林婷婷識5種語言，包括廣東話、普通話、英文、日文同法文，佢本身係中文大學英文系畢業，畢業後更做過中學老師。
Photo from TVB
與初入行樣子有分別？
現時嘅林婷婷備受網友喜愛，有人翻出佢初初入行做港聞記者時嘅片段，指佢同依家樣子有啲唔同，不過當時嘅佢常出外採訪，甚少化妝，十分樸素。但依家林婷婷作為主播要化妝出鏡，同過往有分別都好正常。
Photo from TVB
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
TVB新聞一姐陳嘉欣傳與劉晉安結婚！姊弟戀多年修成正果
11 Aug 2022
TVB新聞主播陳嘉欣傳出婚訊，老公更係前主播劉晉安，消息指兩人拍拖多年，近日終於修成正果共諧連理。陳嘉欣喺TVB工作多年，現時更獲封為「新聞部一姐」！而劉晉安幾年前已離職，轉行做律師。
近日有報道指現年38歲嘅新聞主播陳嘉欣與細3歲嘅男友劉晉安入紙申請註冊結婚。其實佢哋交往多年，因為兩人都喺TVB新聞部工作，所以一向十分低調，於2015年兩人傳出戀情，但一直未有公開承認。
喺TVB工作期間，陳嘉欣同劉晉安亦多次合作報道新聞，十分有默契。有指結婚申請表上兩人登記嘅住所地址相同，應該同居生活咗一段時間。
陳嘉欣2005年於香港大學商學院畢業，畢業後佢曾經任職娛樂新聞記者，直到2011年佢入職TVB新聞部做港聞記者，期間更獲派駐廣州，到2012年佢就升職為高級記者，備受重用。
2014年起，陳嘉欣兼任《六點半新聞報道》主播，2017年1月，再晉升為助理採訪主任。喺2018年新聞部宣傳片中陳嘉欣更係坐喺最前，地位超然。連方東昇都睇好佢，提名佢做「2019年上半年傑出員工」，最終陳嘉欣亦成功獲獎。
劉晉安亦都係新聞主播出身，曾於now新聞台做港聞記者，佢同陳嘉欣一樣係2011年初加入TVB。劉晉安最初係明珠台記者，同年轉至翡翠台。2012年劉晉安任《午間新聞》、《六點半新聞報道》主播，佢同陳嘉欣曾一齊採訪長洲太平清醮，現場旁述搶包山比賽。
2015年劉晉安暫別新聞部，進修香港中文大學法律博士，2016年佢辭職並入讀香港中文大學之法學專業證書課程，現為香港執業大律師。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
